ສົ່ງເສີມການສ້າງລະ​ບົບການ​ປົກ​ຄອງ​ຕາ​ມ​ກົດ​ໝາຍ​ຂອງສັງຄົມນິຍົມທີ່ມີສີສັນພິເສດຂອງຈີນຢ່າງຮອບດ້ານ

ເມື່ອເບິ່ງສະພາບຢູ່ພາຍໃນປະເທດຈີນແລ້ວ, ກໍາລັງເດີນຕາມຂະບວນການອອກເດີນທາງຄັ້ງ ໃໝ່ເພື່ອສ້າງສາປະເທດສັງຄົມນິຍົມທັນສະໄໝຢ່າງຮອບດ້ານ ແລະ ໄດ້ກ້າວໄປສູ່ເປົ້າໝາຍສູ້ຊົນ 100 ປີ ຜ່ານມາ. ອີງຕາມໄລຍະການພັດທະນາໃໝ່, ການຈັດຕັ້ງປະຕິບັດທັດສະນະການພັດທະນາໃໝ່, ກໍ່ສ້າງສະພາບການພັດທະນາໃໝ່, ສົ່ງເສີມການພັດທະນາທີ່ມີຄຸນນະພາບສູງ, ຖ້າການປົກຄອງຕາມກົດໝາຍມີຄວາມຈະເລີນ, ຊົນຊາດກໍຈະມີຄວາມຈະເລີນ, ການປົກຄອງຕາມກົດໝາຍມີຄວາມເຂັ້ມແຂງ, ປະເທດຊາດກໍຈະມີຄວາມເຂັ້ມແຂງ. ໃນປັດຈຸບັນ, ປະເທດຈີນກໍາລັງຢູ່ໃນໄລຍະອັນສໍາຄັນທີ່ບັນລຸການຟື້ນຟູຄວາມຈະເລີນຮຸ່ງເຮືອງອັນຍິ່ງໃຫຍ່ຂອງປະຊາຊາດ, ການປ່ຽນແປງຢ່າງໃຫຍ່ຫຼວງຂອງໂລກແບບບໍ່ເຄີຍມີມາກ່ອນໃນຮອບຮ້ອຍປີກໍາລັງເກີດມີການຜັນແປໄປຢ່າງໄວວາ, ພາລະໜ້າທີ່ການປະຕິຮູບ, ການພັັດທະນາ ແລະ ສະຖຽນລະພາບມີຄວາມຫຍຸ້ງຍາກລໍາບາກ, ການເປີດປະຕູສູ່ພາຍນອກໄດ້ຮັບການສົ່ງເສີມຢ່າງເລິກເຊິ່ງ, ຕ້ອງເສີມຂະຫຍາຍບົດບາດຂອງການປົກຄອງຕາມກົດໝາຍທີ່ເຮັດໃຫ້ພື້ນຖານມີຄວາມໜັກ ແໜ້ນ, ເຮັດໃຫ້ການຄາດໝາຍມີຄວາມໝັ້ນທ່ຽງ ແລະ ສົ່ງຜົນປະໂຫຍດໄປໃນໄລຍະຍາວ.

ເມື່ອເບິ່ງສະພາບຂອງໂລກແລ້ວ, ໂລກໄດ້ກ້າວເຂົ້າສູ່ໄລຍະປ່ຽນແປງທີ່ມີຄວາມປັ່ນປ່ວນ, ການແຂ່ງຂັນໃນສາກົນໄດ້ສະແດງໃຫ້ເຫັນໃນດ້ານການແຂ່ງຂັນຂອງລະບຽບການ, ກະຕິກາ ແລະ ກົດໝາຍນັບມື້ນັບຫຼາຍຂຶ້ນ. ຈີນມີຄວາມພະຍາຍາມເພີ່ມທະວີການສ້າງລະບົບກົດໝາຍ ແລະ ກົດລະບຽບທີ່ກ່ຽວຂ້ອງກັບຕ່າງປະເທດ, ຍົກລະດັບປະສິດທິຜົນໃນການປະຕິບັດກົດໝາຍ ແລະ ດໍາເນີນງານດ້ານຕຸລາການ, ເດັດດ່ຽວປົກປ້ອງອະທິປະໄຕ, ຄວາມໝັ້ນຄົງ, ຜົນປະໂຫຍດດ້ານການພັດທະນາຂອງປະເທດຊາດ.

ການສ້າງກົດໝາຍບໍ່ແມ່ນເລື່ອງທີ່ຫຍຸ້ງຍາກ, ແຕ່ຄວາມຫຍຸ້ງຍາກກໍຄືການຈັດຕັ້ງປະຕິບັດກົດໝາຍຢ່າງຕັ້ງໜ້າ ແລະ ມີຜົນສັກສິດ. ຊຸກຍູ້ການສ້າງລະບົບການປົກຄອງຕາມກົດໝາຍ, ຈຸດສໍາຄັນ ແລະ ຈຸດຫຍຸ້ງຍາກກໍຄືໄດ້ຊຸກຍູ້ໃຫ້ການປະຕິບັດກົດໝາຍທີ່ຖືກຕ້ອງ ໂດຍຜ່ານການປະຕິບັດກົດໝາຍຢ່າງເຂັ້ມງວດ, ດຳເນີນວຽກງານຕຸລາການຢ່າງຍຸຕິທຳ ແລະ ທົ່ວປວງຊົນທັງຊາດເຄົາລົບກົດໝາຍ, ເຮັດໃຫ້ “ກົດໝາຍທີ່ຂຽນໃນປຶ້ມ” ກາຍເປັນ “ກົດໝາຍທີ່ໄດ້ປະຕິບັດໃຫ້ເປັນຈິງ”. ຕ້ອງປັບປຸງບູລະນະກົນໄກຮັບປະກັນໃຫ້ທຸກຄົນມີສິດສະເໝີພາບຢູ່ຕໍ່ໜ້າກົດໝາຍ, ປົກປັກຮັກສາຄວາມເປັນເອກະພາບ, ຄວາມສັກສິດ ແລະ ອິດທິພົນດ້ານລະບົບກົດໝາຍຂອງປະເທດ, ພຶດຕິກໍາທຸກຢ່າງທີ່ລະເມີດລັດຖະທໍາມະນູນ ແລະ ກົດໝາຍກໍຕ້ອງສືບທາວຫາຢ່າງເຖິງຖອງ. ຄະນະພັກ ແລະ ພະນັກງານການນໍາແຕ່ລະຂັ້ນຕ້ອງສະໜັບສະໜູນໃຫ້ອົງການຕຸລາການໄດ້ນໍາໃຊ້ສິດອໍານາດທີ່ເປັນອິດສະຫຼະຕາມກົດໝາຍ, ເດັດຂາດບໍ່ອະນຸຍາດໃຫ້ນໍາໃຊ້ສິດອໍານາດແຊກແຊງວຽກງານຕຸລາການ ແລະ ກ້າວກ່າຍຄະດີ. ການສ້າງລະບົບການປົກຄອງຕາມກົດ ໝາຍຂອງສັງຄົມນິຍົມທີ່ມີສີສັນພິເສດຂອງຈີນ, ຕ້ອງສອດຄ່ອງກັບຄວາມຕ້ອງການດ້ານການພັດທະນາວຽກງານ, ຢຶດໝັ້ນທັດສະນະທີ່ເປັນລະບົບ, ສົ່ງເສີມຢ່າງຮອບດ້ານ.