ກອງປະຊຸມສະໄໝສາມັນ ເທື່ອທີ 6 ຂອງສະພາປະຊາຊົນແຂວງ (ສພຂ) ຫຼວງພະບາງ ຊຸດທີ II ຈະເປີດຂຶ້ນຢ່າງເປັນທາງການໃນວັນທີ 10 ມັງກອນນີ້, ກອງປະຊຸມດັ່ງກ່າວ ຄະໄດ້ພິຈາລະນາຫຼາຍບັນຫາສຳຄັນຂອງທ້ອງຖິ່ນ.
ທ່ານ ນາງ ແກ້ວລາ ມະນີຈິດ ຄະນະປະຈຳ ເລຂາທິການສະພາປະຊາຊົນແຂວງ ໄດ້ຖະແຫຼງຂ່າວຕໍ່ສື່ມວນຊົນເມື່ອວັນທີ 5 ມັງກອນນີ້ ວ່າ: ກອງປະຊຸມສະໄໝສາມັນ ເທື່ອທີ 6 ຂອງສະພາປະຊາຊົນແຂວງ ຊຸດທີ II ຈະໄດ້ໄຂຂຶ້ນໃນວັນທີ 10 ມັງກອນ 2024 ຢູ່ຫ້ອງປະຊຸມໃຫຍ່ຂອງແຂວງ ໃແລະຈະຊ້ເວລາການດຳເນີນກອງປະຊຸມ 3 ວັນ, ກອງປະຊຸມຄັ້ງນີ້ ຈະໄດ້ຮັບຟັງບົດລາຍງານ ໂດຍສັງເຂບຂອງທ່ານເຈົ້າແຂວງ;ບົດລາຍງານກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ປີ 2023, ທິດທາງແຜນການປີ 2024 ຂອງແຂວງຕິດພັນກັບການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂຄວາມຫຸ້ຍງຍາກທາງດ້ານເສດຖະກິດ-ການເງິນໄລຍະຜ່ານມາ; ບົດລາຍງານກ່ຽວກັບການຈັດຕັ້ງປະຕິບັດແຜນງົບປະມານແຫ່ງລັດຂອງແຂວງປີ 2023, ທິດທາງແຜນການປີ 2024; ບົດລາຍງານ ກ່ຽວກັບຜົນການຈັດຕັ້ງປະຕິບັດວາລະແຫ່ງຊາດວ່າດ້ວຍການແກ້ໄຂ ບັນຫາຢາເສບຕິດຢູ່ແຂວງຫຼວງພະບາງ; ຮັບຟັງລາຍງານ ກ່ຽວກັບການຈັດຕັ້ງປະຕິບັດວຽກງານ ປະຈໍາປີ 2023, ທິດທາງແຜນການປີ 2024 ຂອງພະແນກຍຸຕິທໍາແຂວງ;ຮັບຟັງບົດລາຍງານ ກ່ຽວກັບການເຄື່ອນໄຫວວຽກງານກວດສອບປະຈໍາປີ 2023 ແລະທິດທາງແຜນການ ປະຈໍາປີ 2024 ແລະຜົນການກວດສອບບົດສະຫຼຸບງົຂາດຕົວ ການຈັດຕັ້ງປະຕິບັດງົບປະມານແຫ່ງລັດຂອງແຂວງຫຼວງພະບາງ ປີ 2022;ບົດລາຍງານຂອງອົງການກວດກາລັດ ກ່ຽວກັບການເຄື່ອນໄຫວວຽກງານປີ 2023 ທິດທາງປີ 2024; ຮັບຟັງລາຍງານ ກ່ຽວກັບການຈັດຕັ້ງປະຕິບັດວຽກງານ ປະຈໍາປີ 2023, ທິດທາງແຜນການປີ 2024 ຂອງອົງການໄອຍະການປະຊາຊົນແຂວງ; ຮັບຟັງລາຍງານ ກ່ຽວກັບການຈັດຕັ້ງປະຕິບັດວຽກງານ ປະຈໍາປີ 2023, ທິດທາງແຜນການປີ 2024 ຂອງສານປະຊາຊົນແຂວງ; ຮັບຟັງລາຍງານ ກ່ຽວກັບການຈັດຕັ້ງປະຕິບັດວຽກງານ ປະຈໍາປີ 2023, ທິດທາງແຜນການປີ 2024 ຂອງອົງການໄອຍະການປະຊາຊົນພາກເໜືອ; ຮັບຟັງລາຍງານ ກ່ຽວກັບການຈັດຕັ້ງປະຕິບັດວຽກງານ ປະຈໍາປີ 2023, ທິດທາງແຜນການປີ 2024 ຂອງສານປະຊາຊົນພາກເໜືອ; ຮັບຟັງກລາຍງານ ກ່ຽວກັບການຈັດຕັ້ງປະຕິບັດວຽກງານ ປະຈໍາປີ 2023, ທິດທາງແຜນການປີ 2024 ຂອງສະພາປະຊາຊົນແຂວງ ແລະ ບັນຫາອື່ນໆ ທີ່ນຳເຂົ້າມາປຶກສາຫາລື ໃນກອງປະຊຸມຄັ້ງນີ້.
ຂ່າວ: ແຂວງຫຼວງພະບາງ
ຄໍາເຫັນ