 |
ທ່ານ ອຸທິດ ທິບມະນີ ຮອງຜູ້ອໍານວຍການ ສະຖາບັນຄົ້ນຄວ້າວິທະຍາສາດການສຶກສາ ໄດ້ກ່າວວ່າ: “ກະຊວງສຶກສາທິການ ແລະ ກິລາ ແຫ່ງ ສປປ ລາວ ໂດຍໄດ້ຮັບການສະໜັບສະໜູນຈາກລັດຖະບານອົສຕຣາລີເປັນຜູ້ນຳພາຂະບວນການສົ່ງເສີມການສຶກສາໃນທົ່ວປະເທດ, ໂດຍຜ່ານການເລົ່າເລື່ອງລາວ ທີ່ເປັນແຮງບັນດານໃຈແລະ ການມີສ່ວນຮ່ວມຂອງຊຸມຊົນດ້ວຍຄວາມສາມັກຄີ, ການໂຄສະນາດັ່ງກ່າວ ມີຈຸດປະສົງເພື່ອກະຕຸ້ນໃຫ້ນັກຮຽນສືບຕໍ່ການຮຽນ, ສ້າງຄວາມໝັ້ນໃຈໃຫ້ແກ່ປະຊາຊົນໃຫ້ຮັບຮູ້ຄວາມສຳຄັນຂອງການສຶກສາ ແລະ ຊົມເຊີຍບົດບາດຂອງຄູໃນການສ້າງອະນາຄົດປະເທດ”.
ທ່ານ ນາງ ວາເນັດຊາ ເຮັກກາທີ ເລຂາເອກ ສະຖານທູດອົສຕຣາລີ ໄດ້ກ່າວວ່າ: “ຂະບວນການຕອບໂຕ້ວິກິດການດ້ານການສຶກສາໃນລາວທີ່ມີນັກຮຽນປະລະການຮຽນຍ້ອນວ່າເຂົາເຈົ້າບໍ່ເຫັນຄຸນຄ່າຂອງການສຶກສາ ວ່າຈະຮັບປະກັນໃຫ້ມີວຽກເຮັດງານທຳ ຫຼື ຈະຊ່ວຍສ້າງອະນາຄົດຂອງເຂົາເຈົ້າ. ໂດຍມີບົດເລື່ອງ “ສອງເສັ້ນທາງ” ໄດ້ບອກເລົ່າເລື່ອງລາວທີ່ສະແດງການປຽບທຽບ ອະນາຄົດຂອງໄວໜຸ່ມຜູ້ທີ່ເລືອກການສຶກສາແລ້ວສືບຕໍ່ຮຽນ ແລະ ຜູ້ທີ່ບໍ່ຮຽນຈົນ. ຍົກໃຫ້ເຫັນວ່າ ການສຶກສາໄດ້ຊ່ວຍໃຫ້ຄົນຜູ້ໜຶ່ງຮູ້ຈັກຄົ້ນຄິດ, ມີຄວາມຮູ້ໃນການພັດທະນາຕົນເອງ, ຮູ້ທັນໂລກ ແລະ ມີຄວາມສາມາດທີ່ຈະສ້າງໂອກາດໃຫ້ແກ່ຕົນເອງ.
 |
ການຖ່າຍທຳບົດເລື່ອງທຳອິດແມ່ນດຳເນີນງານໂດຍສູນໂຄສະນາຂ່າວສານການສຶກສາ ແລະ ກິລາ (ສສກ) ດ້ວຍຄວາມມຸ່ງໝັ້ນ ແລະ ເປັນມືອາຊີບ. ທີມງານມີຄວາມຕັ້ງໃຈ ແລະ ກະຕືລືລົ້ນທີ່ຈະນໍາເອົາຂໍ້ຄວາມທີ່ສໍາຄັນນີ້ຈັດຕັ້ງປະຕິບັດໂດຍອອກອາກາດຜ່ານວິດີໂອໃຫ້ໄດ້ຮັບຊົມໃນທົ່ວປະເທດ. ເພື່ອເພີ່ມສຽງທີ່ເປັນເອກະລັກ ແລະ ເປັນແຮງບັນດານໃຈໃຫ້ກັບບົດເລື່ອງ, ທ່ານ ນາງ ປ່າເຢັ້ງຊາ ລໍ່ ນາງງາມຊົນເຜົ່າມົ້ງຄົນທຳອິດທີ່ໄດ້ເປັນຕົວແທນປະເທດລາວໃນການປະກວດ Miss Universe ແລະ ເປັນຜູ້ທີ່ຊ່ວຍໂຄສະນາກ່ຽວກັບການສຶກສາທີ່ມີຊື່ສຽງໂດ່ງດັງ, ໄດ້ອາສາເປັນຜູ້ບັນຍາຍໃນບົດເລື່ອງ “ສອງເສັ້ນທາງ” ແລະ ເລື່ອງອື່ນໆ ຈົນສຳເລັດ ແລະ ໄດ້ຮັບຊົມທົ່ວປະເທດໄວໆນີ້.
ຄໍາເຫັນ