ເມື່ອບໍ່ດົນມານີ້ ຢູ່ທີ່ສະໂມສອນເມືອງມຸນລະປາໂມກ ແຂວງຈໍາປາສັກ, ສະມາຊິກສະພາແຫ່ງຊາດ (ສສຊ)ເຂດເລືອກຕັ້ງທີ 15 ແຂວງຈໍາປາສັກ ນໍາໂດຍທ່ານ ພັອ ສີວິໄລ ແກ້ວປະເສີດ ຮອງເລຂາຄະນະພັກຮາກຖານ ຮອງຫົວໜ້າກອງບັນຊາການປກສ ແຂວງ ສະມາຊິກສະພາແຫ່ງຊາດ ເຂດເລືອກຕັ້ງ ທີ 15 ແຂວງຈໍາປາສັກ ສົມທົບກັບ ທ່ານ ນາງ ສົມຫັວງ ມູນສີງໂຄດ ຮອງເລຂາພັກເມືອງ ຫົວໜ້າຄະນະສະມາຊິກສະພາປະຊາຊົນແຂວງ ເຂດເລືອກຕັ້ງເມືອງມຸນລະປາໂມກ, ພ້ອມຄະນະ ໄດ້ລົງເຄື່ອນໄຫວພົບປະຢ້ຽມຢາມ ແລະ ເຜີຍແຜ່ຜົນສຳເລັດກອງປະຊຸມສະໄໝສາມັນເທື່ອທີ 6 ຂອງສະພາແຫ່ງຊາດຊຸດທີ IX ແລະ ສະພາປະຊາຊົນແຂວງ ຊຸດທີ II ໃຫ້ຄະນະນຳຂອງເມືອງ,ພະນັກງານລັດຖະກອນ,ກຳລັງປ້ອງ ກັນຊາດ-ປ້ອງກັນຄວາມສະຫງົບ,ອົງການປົກ ຄອງບ້ານ ແລະ ພໍ່ແມ່ປະຊາຊົນ ເຂດເມືອງມຸນລະປາໂມກ ແຂວງຈຳປາສັກ,ໂດຍການຕ້ອນຮັບຈາກ ຄະນະນຳຂອງເມືອງ,ອົງການປົກຄອງບ້ານ ພ້ອມດ້ວຍ ພໍ່ແມ່ປະຊົນຢ່າງອົບອຸ່ນ.
ການລົງເຄື່ອນໄຫວຄັ້ງນີ້, ໄດ້ເຄື່ອນໄຫວໃນລະຫວ່າງວັນທີ 21-23 ກຸມພາ ຜ່ານມາ ຢູ່ທີ່ກຸ່ມນາດີ, ກຸ່ມກະດັນ,ກຸ່ມເວີນແຄນ ແລະ ຈຸດສຳນັກງານເມືອງ (ສະໂມສອນເມືອງ). ຈຸດປະສົງຂອງການລົງເຄື່ອນໄຫວ ກໍເພື່ອຢ້ຽມຢາມຖາມຂ່າວ ຕິດພັນກັບ ການນໍາເອົາບາງເນື້ອໃນສໍາຄັນຂອງຜົນສຳເລັດກອງປະຊຸມສະໄໝສາມັນເທື່ອທີ 6 ຂອງສະພາແຫ່ງຊາດ ຊຸດທີ IX ແລະ ສະພາປະຊາຊົນແຂວງຈໍາປາສັກ ຊຸດທີ II ທີ່ໄດ້ພິຈາລະນາຮັບຮອງເອົາບັນຫາສໍາຄັນຂອງຊາດ ແລະ ຂອງທ້ອງຖິ່ນ ມາເຜີຍແຜ່ໃຫ້ອົງການປົກຄອງທ້ອງຖິ່ນ ແລະ ປະຊາຊົນໄດ້ຮັບຮູ້, ເຂົ້າໃຈຢ່າງເລິກເຊິ່ງ. ຈາກນັ້ນ, ກໍໄດ້ເປີດໂອກາດໃຫ້ຄະນະນຳຂອງເມືອງ, ອົງການປົກຄອງບ້ານ, ພໍ່ແມ່ປະຊາຊົນ ໄດ້ປະກອບຄໍາຄິດເຫັນ ແລະ ຄໍາສະເໜີ ທີ່ພົວພັນເຖິງວຽກງານການຄຸ້ມຄອງບໍລິຫານລັດ, ການພັດທະນາເສດຖະກິດ-ສັງຄົມ, ການພັດທະນາທີ່ມີຜົນກະທົບຕໍ່ສັງຄົມ ແລະ ສິ່ງແວດລ້ອມ, ຕໍ່ກັບຄໍາຄິດເຫັນຂອງບັນດາທ່ານທີ່ສະເໜີຕໍ່ ສສຊ ແລະ ສສຂ. ສະມາຊິກສະພາແຫ່ງຊາດ ແລະ ສະມາຊິກສະພາປະຊຊົນແຂວງ ບາງບັນຫາກໍໄດ້ອະທິບາຍຊີ້ແຈ້ງກັບທີ່, ບາງບັນຫາກໍໄດ້ນໍາເອົາໄປລາຍງານຕໍ່ຄະນະປະຈໍາສະພາແຫ່ງຊາດ ແລະ ຄະນະປະຈໍາສະພາປະຊາຊົນ ແຂວງຈໍາປາສັກ ໃນການຄົ້ນຄວ້າພິຈາລະນາ ແລະ ຊຸກຍູ້ໃຫ້ພາກສ່ວນກ່ຽວຂ້ອງແກ້ໄຂ.
(ຂ່າວ-ພາບ: ນ ໜູລີ່ ຊາພັກດີ ຖວທ ເມືອງ)
ການລົງເຄື່ອນໄຫວຄັ້ງນີ້, ໄດ້ເຄື່ອນໄຫວໃນລະຫວ່າງວັນທີ 21-23 ກຸມພາ ຜ່ານມາ ຢູ່ທີ່ກຸ່ມນາດີ, ກຸ່ມກະດັນ,ກຸ່ມເວີນແຄນ ແລະ ຈຸດສຳນັກງານເມືອງ (ສະໂມສອນເມືອງ). ຈຸດປະສົງຂອງການລົງເຄື່ອນໄຫວ ກໍເພື່ອຢ້ຽມຢາມຖາມຂ່າວ ຕິດພັນກັບ ການນໍາເອົາບາງເນື້ອໃນສໍາຄັນຂອງຜົນສຳເລັດກອງປະຊຸມສະໄໝສາມັນເທື່ອທີ 6 ຂອງສະພາແຫ່ງຊາດ ຊຸດທີ IX ແລະ ສະພາປະຊາຊົນແຂວງຈໍາປາສັກ ຊຸດທີ II ທີ່ໄດ້ພິຈາລະນາຮັບຮອງເອົາບັນຫາສໍາຄັນຂອງຊາດ ແລະ ຂອງທ້ອງຖິ່ນ ມາເຜີຍແຜ່ໃຫ້ອົງການປົກຄອງທ້ອງຖິ່ນ ແລະ ປະຊາຊົນໄດ້ຮັບຮູ້, ເຂົ້າໃຈຢ່າງເລິກເຊິ່ງ. ຈາກນັ້ນ, ກໍໄດ້ເປີດໂອກາດໃຫ້ຄະນະນຳຂອງເມືອງ, ອົງການປົກຄອງບ້ານ, ພໍ່ແມ່ປະຊາຊົນ ໄດ້ປະກອບຄໍາຄິດເຫັນ ແລະ ຄໍາສະເໜີ ທີ່ພົວພັນເຖິງວຽກງານການຄຸ້ມຄອງບໍລິຫານລັດ, ການພັດທະນາເສດຖະກິດ-ສັງຄົມ, ການພັດທະນາທີ່ມີຜົນກະທົບຕໍ່ສັງຄົມ ແລະ ສິ່ງແວດລ້ອມ, ຕໍ່ກັບຄໍາຄິດເຫັນຂອງບັນດາທ່ານທີ່ສະເໜີຕໍ່ ສສຊ ແລະ ສສຂ. ສະມາຊິກສະພາແຫ່ງຊາດ ແລະ ສະມາຊິກສະພາປະຊຊົນແຂວງ ບາງບັນຫາກໍໄດ້ອະທິບາຍຊີ້ແຈ້ງກັບທີ່, ບາງບັນຫາກໍໄດ້ນໍາເອົາໄປລາຍງານຕໍ່ຄະນະປະຈໍາສະພາແຫ່ງຊາດ ແລະ ຄະນະປະຈໍາສະພາປະຊາຊົນ ແຂວງຈໍາປາສັກ ໃນການຄົ້ນຄວ້າພິຈາລະນາ ແລະ ຊຸກຍູ້ໃຫ້ພາກສ່ວນກ່ຽວຂ້ອງແກ້ໄຂ.
(ຂ່າວ-ພາບ: ນ ໜູລີ່ ຊາພັກດີ ຖວທ ເມືອງ)
ຄໍາເຫັນ