ສສຊ ແລະ ສສນວ ພົບປະຜູ້ມີສິດເລືອກຕັ້ງ 12 ບ້ານ

ສະມາຊິກສະພາແຫ່ງຊາດ (ສສຊ) ປະຈຳເຂດເລືອກຕັ້ງທີ1 ແລະ ສະມາຊິກສະພາປະຊາຊົນ ນະຄອນຫຼວງວຽງຈັນ (ສສນວ) ນຳໂດຍ ທ່ານ ສົມບັດ ຈັນທະມາດ ປະທານຄະນະກຳມະການເສດຖະກິດແຜນການແລະ ການເງິນ,ສະມາຊິກສະພາປະຊາຊົນ ນວ,ທ່ານ ທະນົງສິດ ເມືອງຈັນ ສະມາຊິກສະພາແຫ່ງຊາດ ຊຸດທີIX ປະຈຳເຂດເລືອກຕັ້ງທີ 1 ນວ,ທ່ານ ແສງສຸລິຍັນ ສິລິໂພຄາ ຮອງຫົວໜ້າຄະນະສະມາຊິກສະພາປະຊາຊົນນວ ປະຈຳເຂດເລືອກຕັ້ງເມືອງສີໂຄດຕະບອງ,ສະມາຊິກສະພາປະຊາຊົນ ນວໄດ້ລົງພົບປະຜູ້ມີສິດເລືອກຕັ້ງແລະ ເຜີຍແຜ່ຜົນສຳເລັດກອງປະຊຸມສະໄໝສາມັນເທື່ອທີ 6 ຂອງສະພາແຫ່ງຊາດຊຸດທີ IX ແລະ ສະພາປະຊາຊົນນວ ຊຸດທີ II,ໃນວັນທີ 15 ມັງກອນ ຜ່ານມາ ທີ່ວັດໜອງປາໄນເມືອງສີໂຄດຕະບອງນະຄອນຫຼວງວຽງຈັນຊຶ່ງມີອຳນາດການປົກຄອງແລະ ປະຊາຊົນ 12 ບ້ານ ຄື:ບ້ານອຸບມຸງ,ນາຄຳ,ຂຸນຕາທົ່ງ,ສີຖານເໝືອ,ໜອງປາໄນ,ວັດໄຕນ້ອຍທົ່ງ,ວັດໄຕນ້ອຍທ່າ,ອາກາດແລະ ບ້ານໜອງສະໂນຄຳເຂົ້າຮ່ວມ.
ການລົງພົບຄັ້ງນີ້ ສສຊ ແລະ ສສນວ ໄດ້ຮັບຟັງການລາຍງານສະພາບລວມຂອງ 12 ບ້ານໂດຍຫຍໍ້ຈາກນັ້ນ ສສຊ ແລະ ສສນວໄດ້ເຜີຍແຜ່ຜົນສຳເລັດກອງປະຊຸມສະໄໝສາມັນເທື່ອທີ 6 ຂອງສະພາແຫ່ງຊາດ ຊຸດທີ IX ແລະ ຜົນສຳເລັດກອງປະຊຸມສະພາປະຊາຊົນ ນວ ຊຸດທີ IIໃຫ້ພໍ່ແມ່ປະຊາຊົນໄດ້ຮັບຮູ້ແລະ ເຂົ້າໃຈຕໍ່ເນື້ອໃນສຳຄັນຂອງສອງກອງປະຊຸມດັ່ງກ່າວ,ຈາກນັ້ນ ສສຊ ແລະ ສສນວ ໄດ້ຮັບຟັງຄຳຄິດເຫັນແລະ ຄຳສະເໜີ ຂອງພໍ່ແມ່ປະຊາຊົນ ກ່ຽວກັບບັນຫາຂັດຂ້ອງໝອງໃຈພ້ອມທັງສະເໜີການແກ້ໄຂ ບັນຫາຕ່າງໆ,ຕໍ່ຄຳສະເໜີດັ່ງກ່າວ ສສຊ ແລະ ສສນວ ໄດ້ຮັບເອົາຄຳເຫັນແລະ ຄຳສະເໜີ ຂອງປະຊາຊົນເພື່ອນຳໄປສະເໜີຕໍ່ ໃຫ້ພາກສ່ວນກ່ຽວຂ້ອງນໍາ ໄປຄົ້ນຄວ້າພິຈາລະນາແລ້ວກ້າວໄປສູ່ໃນການປັບປຸງແກ້ໄຂ ແລະ ຈັດຕັ້ງປະຕິບັດໃນຕໍ່ໜ້າ.
(ຂ່າວ-ພາບ:ສຳນານ)