ທ່ານນາງໄກຍະສອນສີດາໄດ້ສະແດງຄວາມຊົມເຊີຍຕໍ່ຄະນະຮັບຜິດຊອບປັບປຸງຮ່າງກົດໝາຍວ່າດ້ວຍການບິນພົນລະເຮືອນສະບັບນີ້ເພື່ອປັບປຸງໂຄງສ້າງເນື້ອໃນຫຼາຍມາດຕາໃຫ້ສອດຄ່ອງແລະທັນສະໄໝເປັນບ່ອນອີງດ້ານກົດໝາຍໃຫ້ວຽກງາການບິນແຕ່ເຖິງຢ່າງໃດກໍຕາມຍ້ອນວ່າວຽກງານການບິນພົນລະເຮືອນແມ່ນວຽກທີ່ສໍາຄັນຂອງເສດຖະກິດທ່ອງທ່ຽວ, ການເຊື່ອມໂຍງພາກພື້ນແລະສາກົນຊຶ່ງກ່ຽວພັນໂດຍກົງກັບຄວາມປອດໄພຊີວິດແລະຊັບສິນ, ຄວາມໜັ້ນຄົງ.ຂ້າພະເຈົ້າຂໍມີຄໍາເຫັນແລກປ່ຽນໃນມາດຕາ 68 ເຂດຫ້າມບິນໃນນີ້ການແບ່ງປະເພດເຂດຫ້າມບິນແມ່ນຊັດເຈນຈະແຈ້ງດີໂດຍໄດ້ແບ່ງອອກເປັນ 3 ເຂດມີເຂດເກີອດຫ້າມ, ເຂດຈໍາກັດການບິນແລະເຂດອັນຕະລາຍເຫັນວ່າມີຄວາມສອດຄ່ອງ; ແຕ່ວ່າຂາດກົນໄກຫຼືຂັ້ນຕອນລະບຽບການໃນການສະກັດກັ້ນຫຼືກັກກັນ.ມາດຕາດັ່ງກ່າວພຽງແຕ່ບອກຄໍານິຍາມໂດຍບໍ່ໄດ້ກໍານົດອັດຕາອໍານາດຕັດສິນໃຈຂັ້ນຕອນຕາມກົດໝາຍຢ່າງຊັດເຈນ,ໃນກໍລະນີທີ່ມີເຮືອບິນພົນລະເຮືອນຫຼືໂດຣນຈົງໃຈບິນລໍ້າເຂດເກີອດຫ້າມຍຸດທະສາດເຊັ່ນ: ເຂດປ້ອງກັນຊາດ, ປ້ອງກັນຄວາມສະຫງົບ.ສະນັ້ນ,ສິ່ງນີ້ແມ່ນຜູ້ໃດທີ່ມີອໍານາດສູງສຸດໃນການອອກຄໍາສັ່ງສະກັດກັ້ນບັງຄັບລົງຈອດເພື່ອທັກຖ້ວງຊຶ່ງເຮັດໃຫ້ຜູ້ປະຕິບັດງານອາດຈະມີຄວາມສັບສົນເລື່ອງສິດອໍານາດລະຫວ່າງຫໍບັນຊາການບິນພົນລະເຮືອນແລະກອງທັບອາກາດໂດຍຜ່ານມາບັນຫາດັ່ງກ່າວກໍໄດ້ເກີດຂຶ້ນແລ້ວເຮັດໃຫ້ພົບຄວາມຫຍຸ້້ງຍາກໃນການຈັດຕັ້ງປະຕິບັດສະເໜີໃຫ້ເພີ່ມວັກທີ 5 ໃນມາດຕາ 68 ກໍານົດມາດຕະການປ້ອງກັນແລະສິດອໍານາດໃນກໍລະນີມີເຮືອບິນພົນລະເຮືອນຫຼືຍານປະທະພາຫະນະທາງອາກາດຜ່າຝືນບິນລ່ວງລໍ້າເຂດເກີອດຫ້າມໂດຍບໍ່ໄດ້ຮັບອະນຸຍາດໂດຍບໍ່ປະຕິບັດຕາມຄໍາສ່ັງເຈົ້າໜ້າທີ່ປກຊ, ປກສສາມາດນໍາໃຊ້ມາດຕະການສະກັດກັ້ນບັງຄັບໃຫ້ລົງຈອດໂດຍນໍາໃຊ້ມາດຕະການຈໍາເປັນຕາມກົດໝາຍສິ່ງນີ້ແມ່ນໃຫ້ຊັດເຈນຂຶ້ນຕື່ມແລະມາດຕາ 79 ການຊອກຄົ້ນແລະກູ້ໄພເຮືອນບິນໃນວັກສາມຂອງມາດຕານີ້.ສໍາລັບເຮືອບິນຕ່າງປະເທດທີ່ມີເຫດການຕິດຄັດຫຼືອຸບັດເຫດເກີດຂຶ້ນໃນດິນແດນລາວລັດຖະບານລາວຕ້ອງໄດ້ອະນຸຍາດໃຫ້ຜູ້ຂົນສົ່ງທາງອາກາດເຈົ້າໜ້າທີ່ປະເທດກ່ຽວຂ້ອງເຂົ້າຮ່ວມດໍາເນີນຄໍາວ່າ: ອາດຈະອະນຸຍາດສະເໜີປ່ຽນເປັນຕ້ອງໄດ້ຮັບອະນຸຍາດເປັນລາຍລັກອັກສອນຈາກລັດຖະບານແຫ່ງສປປລາວຢ່າງເປັນທາງການທຸກກໍາລັງພົນຫຼືຍານພາຫະຂອງຕ່າງປະເທດທີ່ເຂົ້າມາພາຍໃຕ້ການຄວບຄຸມນໍາພາແລະບັນຊາໂດຍກົງຂອງເຈົ້າໜ້າທີ່ຂອງສປປລາວ.
ສໍາລັບມາດຕາ 150 ການຄຸ້ມຄອງເຮືອບິນທີ່ບໍ່ມີຄົນຂັບຫຼືວ່າໂດຣນວັກສອງລະບຸວ່າການນໍາໃຊ້ເຮືອບິນທີ່ບໍ່ມີຄົນຂັບຢູ່ດິນແດນແລະນ່ານຟ້າຂອງສປປລາວຕ້ອງໄດ້ຮັບອະນຸຍາດຈາກອົງການການບິນພົນລະເຮືອນແລະຂໍສິດນໍາໃຊ້ຄື້ນຄວາມຖີ່ວິທະຍຸສື່ສານນໍາກະຊວງເຕັກໂນໂລຊີແລະການສື່ສານຂໍໃຫ້ເພີ່ມການແບ່ງໂດຣນຕາມນໍ້າໜັກຈຸດປະສົງເພື່ອກໍານົດມາດຕະການອະນຸຍາດເຫດຜົນເພາະວ່າໂດຣນແມ່ນມີຫຼາຍລຸ້ນຫຼາຍຂະໜາດເພີ່ມການຈົດທະບຽນໂດຣນຕິດປ້າຍສະແດງຕົວຕົນຄັກແນ່ແລະກໍານົດຕື່ມເຂດຫ້າມບິນໂດຣນຢ່າງເດັດຂາດໃນເຂດອ້ອມຮອບສະໜາມບິນເຂດອົງການຈັດຕັ້ງພັກ-ລັດຂັ້ນສູງສະຖານທີປກຊ-ປກສເຂດຊຸມຊົນໜາແໜ້ນແລະອື່ນໆໂດຍບໍ່ໄດ້ຮັບອະນຸຍາດ. ຂ່າວ-ພາບ: ຍຸພິນທອງ+ບຸນອູ້ມ
ຄໍາເຫັນ