 |
ທີ່ໂຮງແຮມເມືອງແທ໋ງ ນະຄອນຫຼວງວຽງຈັນ. ເປັນກຽດເຂົ້າຮ່ວມພິທີເປີດ ໂດຍ ສະຫາຍ ວັນສີ ກົວມົວ ກໍາມະການສູນກາງພັກ ຮອງຫົວໜ້າຄະນະໂຄສະນາອົບຮົມສູນກາງພັກ, ສະຫາຍ ນາງ ດັງ ທິເຟືອງຖ່າວ ຮອງຫົວໜ້າກົມສື່ມວນຊົນ ກະຊວງວັດທະນະທຳ, ກິລາ ແລະ ການທ່ອງທ່ຽວ ແຫ່ງ ສສ ຫວຽດນາມ, ບັນດາສະຫາຍ ຄູ-ອາຈານ, ວິທະຍາກອນຜູ້ຊ່ຽວຊານ ຈາກ ສສ ຫວຽດນາມ, ບັນດາສະຫາຍ ຄະນະຮັບຜິດຊອບຈັດຊຸດຝຶກອົບຮົມ ຝ່າຍລາວ ແລະ ຝ່າຍຫວຽດນາມ, ພ້ອມດ້ວຍສໍາມະນາກອນ.
 |
ຈຸດປະສົງຂອງການຝຶກອົບຮົມ ເພື່ອຍົກລະດັບຄວາມຮູ້ ແລະ ຄວາມເຂົ້າໃຈດ້ານວຽກງານສື່ມວນຊົນໃນຍຸກດີຈີຕອນ ກໍຄືທັກສະການນໍາໃຊ້ເຄື່ອງມືປັນຍາປະດິດ (AI), ເພີ່ມທັກສະການຜະລິດເນື້ອຫາຂ່າວສານ, ການຖ່າຍທຳ, ການຕັດຕໍ່ພາບ-ວີດີໂອ ຜ່ານໂທລະສັບມືຖື, ການນໍາໃຊ້ສື່ດີຈີຕອນ ແລະ ສ້າງຄວາມສາມາດໃນການນຳໃຊ້ເຕັກໂນໂລຊີ ແລະ ຊ່ອງທາງອອນລາຍ ເພື່ອເຜີຍແຜ່ຂ່າວສານໄດ້ຢ່າງມີປະສິດທິຜົນ.
 |
ສະຫາຍ ວັນສີ ກົວມົວ ກ່າວບາງເນື້ອໃນສໍາຄັນ ວ່າ: ຂ້າພະເຈົ້າ ຮູ້ສຶກເປັນກຽດຢ່າງສູງ ແລະ ມີຄວາມຍິນດີຢ່າງຍິ່ງ ທີ່ໄດ້ຕາງໜ້າໃຫ້ແກ່ ຄະນະພັກ, ຄະນະນໍາ ຂອງຄະນະໂຄສະນາອົບຮົມສູນກາງພັກ ມາຮ່ວມເປັນປະທານ ແລະ ກ່າວເປີດຊຸດຝຶກອົບຮົມວຽກງານສື່ມວນຊົນ, ກິດຈະກຳໃນມື້ນີ້ແມ່ນນິມິດໝາຍອັນສໍາຄັນຍິ່ງ, ຍ້ອນວ່າມັນແມ່ນໝາກຜົນຕົວຈິງອັນທໍາອິດ ພາຍຫຼັງທີ່ພວກເຮົາຫາກໍໄດ້ລົງນາມໃນບົດບັນທຶກຄວາມເຂົ້າໃຈ (MOU) ຮ່ວມກັນໃນວັນທີ 13 ພຶດສະພາ 2026 ຜ່ານມາ. ຊຸດຝຶກອົບຮົມຄັ້ງນີ້ ບໍ່ແມ່ນພຽງແຕ່ ການຮຽນ-ການສອນທຳມະດາ, ແຕ່ມັນຄື "ບາດກ້າວທໍາອິດ ທີ່ໜັກແໜ້ນ ຂອງ 15 ບາດກ້າວໃຫຍ່" ທີ່ພວກເຮົາຈະໄດ້ຮ່ວມກັນຈັດຕັ້ງປະຕິບັດຕະຫຼອດໄລຍະ 5 ປີ (2026-2030) ຕາມ ແຜນການທີ່ໄດ້ກຳນົດໄວ້. ສິ່ງທີ່ໜ້າພາກພູມໃຈຕື່ມອີກໃນມື້ນີ້ ແມ່ນພວກເຮົາໄດ້ເຫັນການເຕົ້າໂຮມກໍາລັງແຮງຂອງບຸກຄະລາກອນສື່ມວນຊົນລາວເຖິງ 40 ສະຫາຍ ຊຶ່ງໃນນີ້ມີນັກຮົບສື່ມວນຊົນຍິງເຖິງ 8 ສະ ຫາຍ, ທີ່ມາຈາກຫຼາກຫຼາຍພາກສ່ວນ ບໍ່ວ່າຈະເປັນ ອົງການສື່ລະດັບສູນກາງ, ສື່ກອງທັບ, ສື່ປ້ອງກັນ ຄວາມສະຫງົບ ແລະ ບັນດາສະຫາຍຈາກທ້ອງຖິ່ນຕ່າງແຂວງທົ່ວປະເທດ. ການເຂົ້າຮ່ວມຢ່າງ ພ້ອມພຽງນີ້ ສະແດງໃຫ້ເຫັນເຖິງຄວາມເປັນເອກະພາບ ແລະ ຄວາມຕື່ນຕົວໃນການພັດທະນາວຽກງານສື່ມວນຊົນຂອງພວກເຮົາໃນທຸກລະດັບ.
ດັ່ງທີ່ພວກເຮົາຮັບຮູ້ແລ້ວວ່າ, ສື່ມວນຊົນແມ່ນແນວຮົບອັນແຫຼມຄົມ ທີ່ເປັນກະບອກສຽງ ໃຫ້ແກ່ພັກ-ລັດ. ໃນຍຸກປັດຈຸບັນ, ການຕໍ່ສູ້ກັບຂ່າວປອມ (Fake News) ແລະ ຂໍ້ມູນບິດເບືອນ ຕ້ອງການເຄື່ອງມືທີ່ທັນສະໄໝ. ຊຸດຝຶກອົບຮົມ 5 ວັນນີ້ ຖືກອອກແບບມາຢ່າງກ້າວໜ້າທີ່ສຸດ ຊຶ່ງບັນດາສະຫາຍຈະບໍ່ພຽງແຕ່ໄດ້ຮຽນຮູ້ເຕັກນິກການຜະລິດສື່ຜ່ານໂທລະສັບມືຖືເທົ່ານັ້ນ, ແຕ່ຍັງຈະໄດ້ເຈາະເລິກເຖິງການນໍາໃຊ້ປັນຍາປະດິດ (AI) ຢ່າງສ້າງສັນ. ພວກສະຫາຍຈະໄດ້ຮຽນຮູ້ການສ້າງ "ຜູ້ຊ່ວຍ AI" (AI Assistant) ໂດຍບໍ່ຈໍາເປັນຕ້ອງມີພື້ນຖານການຂຽນໂປຣແກຣມ, ພ້ອມທັງຈະໄດ້ສຶກສາເຖິງໂອກາດ, ຄວາມສ່ຽງ ແລະ ຈັນຍາບັນໃນການນໍາໃຊ້ AI ຢ່າງເລິກເຊິ່ງ.
ໂອກາດດັ່ງກ່າວ, ສະຫາຍ ວັນສີ ກົວມົວ ຍັງຮຽກຮ້ອງມາຍັງສໍາມະນາກອນທຸກສະຫາຍ ຈົ່ງຍົກສູງຄວາມຮັບຜິດຊອບ, ເອົາໃຈໃສ່ຕິດຕາມຮັບຟັງ, ຕັ້ງໃຈຄົ້ນຄວ້າ, ກ້າຕັ້ງຄໍາຖາມ ແລະ ແລກປ່ຽນຄໍາຄິດຄໍາເຫັນນໍາຄູ-ອາຈານ ຢ່າງກົງໄປກົງມາ. ເພື່ອເກັບກ່ຽວເອົາບົດຮຽນອັນມີຄ່ານີ້ ໄປໝູນໃຊ້ ແລະ ພັດ ທະນາວຽກງານຢູ່ພາກສ່ວນຂອງຕົນ ໃຫ້ມີຄຸນນະພາບໃໝ່ ທີ່ວ່ອງໄວ ແລະ ແຫຼມຄົມກວ່າເກົ່າ.
(ຂ່າວ-ພາບ: ແສງຈັນ-ວັນເພັງ)
ຄໍາເຫັນ