 |
ຂະບວນການໃນຄັ້ງນີ້ ໄດ້ສຸມໃສ່ 5 ຈຸດໂຮງຮຽນ ທີ່ຂຶ້ນກັບ 5 ບ້ານ ຂອງຕາແສງໜອງງາ. ໂດຍບັນດາກຳລັງຊຸມຊົນໄດ້ພ້ອມກັນຕັດຫຍ້າ, ເກັບກວາດຂີ້ເຫຍື້ອ, ອະນາໄມອາຄານ-ຫ້ອງຮຽນ, ພ້ອມທັງສ້ອມແປງໂຕະ-ຕັ່ງ ທີ່ ເປ່ເພຊຸດໂຊມ ໃຫ້ມີຄວາມສົມບູນ, ປອດໄພ ແລະ ພ້ອມນຳໃຊ້ເຂົ້າໃນການຮຽນ-ການສອນ.
ກິດຈະກຳດັ່ງກ່າວ ບໍ່ພຽງແຕ່ເປັນການປະຕິບັດພັນທະ ເພື່ອຕ້ອນຮັບສົກຮຽນໃໝ່ໃຫ້ມີຄວາມຮຽບຮ້ອຍ ແລະ ມີສະພາບແວດລ້ອມທີ່ເອື້ອອຳນວຍເທົ່ານັ້ນ, ແຕ່ຍັງເປັນການສະແດງໃຫ້ເຫັນເຖິງຄວາມເອົາໃຈໃສ່ຂອງອຳນາດການປົກຄອງທຸກຂັ້ນ ຕໍ່ກັບຂະແໜງການສຶກສາ, ທັງເປັນການປູກຈິດສຳນຶກ ແລະ ເສີມສ້າງຄວາມສາມັກຄີອັນແໜ້ນແຟ້ນ ລະຫວ່າງ ອຳນາດການປົກຄອງ, ຄູ-ອາຈານ ແລະ ປະຊາຊົນ ໃນການຮ່ວມມືກັນພັດທະນາການສຶກສາຂອງລູກຫຼານ ໃຫ້ມີຄຸນນະພາບດີຂຶ້ນເລື້ອຍໆ.
ການສ້າງຂະບວນການໃນເທື່ອນີ້ ໄດ້ສະແດງໃຫ້ເຫັນເຖິງຄວາມພ້ອມ ຂອງຕາແສງໜອງງາ ໃນການຕ້ອນຮັບບັນດານັກຮຽນ ເຂົ້າສູ່ສົກຮຽນໃໝ່ 2026-2027 ຢ່າງເປັນຂະບວນຟົດຟື້ນ.
ຂ່າວ: ເມືອງມຸນລະປາໂມກ
ຄໍາເຫັນ