 |
ໃນພິທີ, ສະຫາຍ ພັນເອກ ອິນພອນ ໄຊຍະສິດ ຮອງຫົວໜ້າກົມພະນັກງານ ກົມໃຫຍ່ການເມືອງກອງທັບໄດ້ຜ່ານຂໍ້ຕົກລົງຂອງກະຊວງປ້ອງກັນປະເທດ ວ່າດ້ວຍການອະນຸມັດໃຫ້ນາຍທະຫານຢູ່ໂຮງຮຽນວັດທະນະທຳຊົນເຜົ່າກອງທັບ ພັກການເພື່ອກຽມຮັບບຳນານ, ໂດຍອີງຕາມກົດໝາຍນາຍທະຫານກອງທັບປະຊາຊົນລາວ ແລະ ການຄົ້ນຄວ້າຕົກລົງເຫັນດີເປັນເອກະພາບຂອງກອງປະຊຸມຄະນະປະຈຳພັກ ກະຊວງປ້ອງກັນປະເທດ ໄດ້ຕົກລົງອະນຸມັດໃຫ້ສະຫາຍ ພັນເອກ ສະແຫວງ ແດນນາມົນ ຫົວໜ້າການເມືອງໂຮງຮຽນວັດທະນະທໍາຊົນເຜົ່າກອງທັບ ພັກການກຽມຮັບບຳນານ. ພ້ອມນີ້, ໄດ້ຕົກລົງຍົກຍ້າຍສະຫາຍ ພັນເອກ ວັນໄຊ ວົງປັນຍາ ຮອງອໍານວຍການໂຮງຮຽນ ຮັບຜິດຊອບວຽກງານພະລາທິການເຕັກນິກ ຫົວໜ້າຫ້ອງພະລາທິການ-ເຕັກນິກ ໂຮງຮຽນວັດທະນະທໍາຊົນເຜົ່າກອງທັບໄປຮັບໜ້າທີ່ໃໝ່ຢູ່ຫ້ອງການເມືອງ ກົມໃຫຍ່ພະລາທິການກອງທັບ ແລະ ຜ່ານຂໍ້ຕົກລົງຂອງກະຊວງປ້ອງກັນປະເທດ ວ່າດ້ວຍການແຕ່ງຕັ້ງສະຫາຍ ພັນເອກ ຄໍາສິງ ບຸດຈັນແພງ ເປັນຮັກສາການຫົວໜ້າການເມືອງໂຮງຮຽນວັດທະນະທໍາຊົນເຜົ່າກອງທັບ ແລະ ສະຫາຍ ພັນໂທ ບົວຄິດ ດາລາວົງ ເປັນຮອງອໍານວຍການໂຮງຮຽນ ຮັບຜິດຊອບວຽກງານພະລາທິການ-ເຕັກນິກ, ຫົວໜ້າຫ້ອງພະລາທິການ-ເຕັກນິກ, ສະຫາຍ ພັນໂທ ຕຸ້ຍອຸດອນ ພິລາວົງ ເປັນຮອງຫົວໜ້າຫ້ອງພະລາທິການ-ເຕັກນິກ.
ໂອກາດນີ້, ສະຫາຍປະທານໄດ້ສະແດງຄວາມຍ້ອງຍໍຊົມເຊີຍຕໍ່ສະຫາຍ ຜູ້ທີ່ພັກການບຳນານ ທີ່ໄດ້ສຸມເຫື່ອແຮງ, ສະຕິປັນຍາປະກອບສ່ວນເຂົ້າໃນວຽກງານນໍາພາ-ຊີ້ນໍາ ຈົນເຮັດສຳເລັດໜ້າທີ່ໃນໄລຍະຜ່ານມາ ພ້ອມທັງຮຽກຮ້ອງມາຍັງສະຫາຍຜູ້ທີ່ໄດ້ຮັບໜ້າທີ່ໃໝ່ ຕ້ອງຍົກສູງພາລະບົດບາດການນໍາພາ-ຊີ້ນໍາ ຕໍ່ໜ້າທີ່ການເມືອງທີ່ໄດ້ຮັບມອບໝາຍ, ຖືເອົາວຽກງານສຶກສາອົບຮົມການເມືອງ-ນໍາພາແນວຄິດ, ວຽກງານກໍ່ສ້າງພັກ-ພະນັກງານໃຫ້ມີຄວາມເຂັ້ມແຂງໜັກແໜ້ນ, ເພີ່ມທະວີຄວາມສາມັກຄີພາຍໃນໝູ່ຄະນະ, ປະຕິບັດຫຼັກການລວມສູນປະຊາທິປະໄຕ, ມີຄວາມເປັນເອກະພາບພາຍໃນທຸກຂົງເຂດວຽກງານ, ຕັ້ງໜ້າປັບປຸງກໍ່ສ້າງກົມກອງໃຫ້ມີຄວາມເຕີບໃຫຍ່ເຂັ້ມແຂງຢ່າງມີຫຼັກການວິທະຍາສາດ, ມີແບບແຜນ ແລະ ທັນສະໄໝ ເພື່ອເຮັດສໍາເລັດໜ້າທີ່ການເມືອງທີ່ພັກ-ລັດມອບ ໝາຍໃຫ້.
ຂ່າວ: ກອງທັບ
ຄໍາເຫັນ