ແລະ ກອງປະຊຸມໃຫຍ່ຜູ້ແທນສະມາຊິກພັກ ຄັ້ງທີ VI ຂອງອົງຄະນະພັກ ກອງບັນຊາການທະຫານແຂວງວຽງຈັນ ໃຫ້ມີບັນຍາກາດຟົດຟື້ນ, ໂດຍການເປັນປະທານຂອງສະຫາຍ ພົນຈັດຕະວາ ບຸນຜອງ ບຸດທະວົງ ຫົວໜ້າການເມືອງ ກອງບັນຊາການທະຫານແຂວງວຽງຈັນ, ມີຄະນະພັກ-ຄະນະບັນຊາອົງການ 5 ຫ້ອງ, ພະແນກການ, ຄະນະຮັບຜິດຊອບ ພ້ອມດ້ວຍນັກກິລາຈາກກົມກອງອ້ອມຂ້າງ ເຂົ້າຮ່ວມ.
ສະຫາຍ ພັນໂທ ອຳມະລາ ຈັນທະວົງ ຮອງຫົວໜ້າຫ້ອງເສນາທິການ ກອງບັນຊາການທະຫານແຂວງວຽງຈັນ ໄດ້ລາຍງານກ່ຽວກັບການກະກຽມເປີດຂະບວນການແຂ່ງຂັນກິລາ ສຳລັບກິລາການທະຫານທີ່ນຳມາແຂ່ງຂັນໃນຄັ້ງນີ້ປະກອບມີ: ກິລາແລ່ນມ້າງປະກອບອາວຸດ ແລະ ກິລານັກຮົບແຂງແຮງ, ສ່ວນກິລາມວນຊົນປະກອບມີ: ກິລາເຕະບານຊາຍ, ບານສົ່ງຊາຍ, ບານສົ່ງຍິງ, ກິລາກະຕໍ້ຊາຍ, ກິລາເປຕັງປະສົມ ຊາຍ-ຍິງ ແລະ ກິລາປິ່ງປ່ອງ, ລວມມີ 13 ທີມນັກກິລາ ທີ່ມາຈາກອົງການ 5 ຫ້ອງ, ກົມກອງອ້ອມຂ້າງ, ກອງບັນຊາການທະຫານເມືອງ, ໂຮງຮຽນ ແລະ ໂຮງໝໍ ເຂົ້າຮ່ວມແຂ່ງຂັນ.
ການເປີດຂະບວນການແຂ່ງຂັນກິລາໃນຄັ້ງນີ້ ກໍເພື່ອເປັນການຊຸກຍູ້ຂະບວນການດ້ານຕ່າງໆ ໃຫ້ມີບັນຍາກາດຟົດຟື້ນ ທັງເປັນການເສີມສ້າງສຸຂະພາບຂອງພະນັກງານ-ນັກຮົບ ໃຫ້ມີຄວາມແຂງແຮງ, ມີຈິດໃຈເບີກບານມ່ວນຊື່ນ ແລະ ເປັນການພົບປະແລກປ່ຽນຖອດຖອນບົດຮຽນຊຶ່ງກັນ ແລະ ກັນ ລະຫວ່າງ ນັກກິລາອົງການກັບກົມກອງ ເພື່ອສ້າງຜົນງານຂ່ຳນັບຮັບຕ້ອນວັນປະຫວັດສາດທີ່ສຳຄັນຂອງຊາດ, ຂອງພັກ ເປັນຕົ້ນແມ່ນ ວັນສ້າງຕັ້ງກອງທັບປະຊາຊົນລາວ ຄົບຮອບ 76 ປີ ແລະ ກອງປະຊຸມໃຫຍ່ຜູ້ແທນສະມາຊິກພັກ ຄັ້ງທີ VI ຂອງອົງຄະນະພັກ ກອງບັນຊາການທະຫານແຂວງວຽງຈັນ ໃຫ້ມີບັນຍາກາດຟົດຟື້ນກວ້າງຂວາງ.
(ຂ່າວ-ພາບ: ສາຍຄຳ ພອນມະນີ)
ຄໍາເຫັນ