 |
ໃນກອງປະຊຸມໄດ້ຮັບຟັງການເຜີຍແຜ່ເຊື່ອມຊຶມ ແລະ ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XII ຂອງພັກ, ກອງປະຊຸມໄດ້ດຳເນີນພາຍໃຕ້ຄໍາຂວັນ "ຍົກສູງບົດບາດການນໍາພາທີ່ເຂັ້ມແຂງຂອງພັກ, ຕັ້ງໜ້າສ້າງເສດຖະກິດເອກະລາດເປັນເຈົ້າຕົນເອງ, ສືບຕໍ່ບູລະນະລະບອບປະຊາທິປະໄຕ ປະຊາຊົນໃຫ້ໜັກແໜ້ນ ກ້າວຂຶ້ນສູ່ສັງຄົມນິຍົມ" ກອງປະຊຸມໃຫຍ່ໄດ້ຕີລາຄາໂດຍສັງເຂບໝາກຜົນຂອງການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ XII ຂອງພັກ, ກອງປະຊຸມໃຫຍ່ໄດ້ຮັບຮອງເອົາໂຄງການ ການເມືອງຂອງພັກ, ເພື່ອຈັດຕັ້ງຜັນຂະຫຍາຍເຂົ້າສູ່ລວງເລິກ, ສືບຕໍ່ສ້າງຄວາມເຂັ້ມແຂງ ເສີມຂະຫຍາຍສິດເປັນເຈົ້າໃຫ້ທ້ອງຖິ່ນຮາກຖານຫຼາຍຂຶ້ນ, ເອກະສານຜົນສໍາເລັດກອງປະຊຸມໃຫຍ່ຄັ້ງທີ XII ຂອງອົງຄະນະພັກແຂວງຜົ້ງສາລີ, ຄໍາສັ່ງແນະນໍາຂອງຄະນະປະຈໍາພັກແຂວງ ວ່າດ້ວຍການຈັດຕັ້ງເຊື່ອມຊຶມ ແລະ ຜັນຂະຫຍາຍມະຕິກອງປະຊຸມໃຫຍ່ຜູ້ແທນອົງຄະນະພັກແຂວງຜົ້ງສາລີ ຄັ້ງທີ XII, ຜົນສໍາເລັດຂອງກອງປະຊຸມໃຫຍ່ຜູ້ແທນສະມາຊິກພັກຄັ້ງທີ VI ຂອງອົງຄະນະພັກກະຊວງປ້ອງກັນປະເທດ, ພາຍໃຕ້ຄໍາຂວັນ " ຍົກສູງບົດບາດການນໍາພາທີ່ເຂັ້ມແຂງຂອງຄະນະພັກທຸກຂັ້ນ, ຕັ້ງໜ້າປັບປຸງກໍ່ສ້າງກອງທັບປະຊາຊົນລາວໃຫ້ແໜ້ນ, ເຂັ້ມແຂງ, ເປັນກອງທັບປະຕິວັດ, ມີແບບແຜນແຫຼມຄົມ ແລະ ທັນສະໄໝ, ເດັດດ່ຽວຮັບປະກັນໃຫ້ປະເທດຊາດມີຄວາມສະຫງົບຢ່າງໜັກແໜ້ນ ແລະ ມະຕິຕົກລົງຂອງຄະນະເລຂາທິການສູນກາງພັກ ສະບັບເລກທີ 809/ຄລສພ, ລົງວັນທີ 25/8/2025 ວ່າດ້ວຍການຮັບຮອງເອົາຄະນະບໍລິຫານງານພັກກະຊວງປ້ອງກັນປະເທດສະໄໝທີ VI.
 |
ສະຫາຍ ພັນໂທ ທອງໄຫຼ ໄຊທະວົງ ຮອງຫົວໜ້າຫ້ອງການເມືອງ ກອງບັນຊາການທະຫານແຂວງ ໄດ້ຜ່ານມະຕິຕົກລົງຂອງກອງບັນຊາການທະຫານແຂວງ ວ່າດ້ວຍການບົ່ງຕົວແຕ່ງຕັ້ງຄະນະພັກຮາກຖານ ທີ່ຂຶ້ນກັບອົງຄະນະພັກກອງບັນຊາການທະຫານແຂວງຜົ້ງສາລີ ໃນນີ້: ບົ່ງຕົວແຕ່ງຕັ້ງ ສະຫາຍ ພັນໂທ ບຸນເພັງ ແສງສຸລີ ເປັນເລຂາຄະນະພັກຮາກຖານຫ້ອງການເມືອງ, ສະຫາຍ ພັນໂທ ຄໍາແພງ ອຸ່ນສະຫວັນ ເປັນເລຂາຄະນະພັກຮາກຖານຫ້ອງເສນາທິການ, ສະຫາຍ ພັນໂທ ລິນທອງ ຍອດວິໄລ ເປັນເລຂາໜ່ວຍພັກສື່ສານ, ສະຫາຍ ພັນໂທ ສົມເພັດ ພັນໃຈ ເປັນເລຂາໜ່ວຍພັກບໍລິຫານຫ້ອງເສນາທິການ, ສະຫາຍ ພັນໂທ ຈັນເຊີນ ຄໍາປະເສີດ ເປັນເລຂາໜ່ວຍພັກວິທະຍາສາດ-ປະຫວັດສາດ, ສະຫາຍ ພັນໂທ ວີເລີດ ສອນມະນີ ເປັນເລຂາໜ່ວຍພັກບໍລິຫານຫ້ອງການ, ສະຫາຍ ພັນໂທ ສົມເພັດ ຈັນດາວົງ ເປັນຮອງເລຂາໜ່ວຍພັກວິທະຍາສາດ-ປະຫວັດສາດ, ສະຫາຍ ພັນໂທ ໄມ່ແປງ ວິໄລຈັກ ເປັນເລຂາໜ່ວຍພັກໂຄສະນາ, ສະຫາຍ ພັນຕີ ວິສິດ ຫົງຄໍາຫຼ້າ ເປັນຮອງເລຂາໜ່ວຍພັກ ແລະ ສະຫາຍ ພັນຕີ ນາງ ຈັນສຸກ ແສງມະນີ ເປັນກໍາມະການໜ່ວຍພັກ ແລະ ຜ່ານຂໍ້ຕົກລົງຂອງກົມໃຫຍ່ການເມືອງກອງທັບ ວ່າດ້ວຍການເລື່ອນຊັ້ນ, ເລື່ອນທຽບຊັ້ນນາຍທະຫານຢູ່ກອງບັນຊາການທະຫານແຂວງ. ໃນນີ້, ເລື່ອນຊັ້ນວາທີຂຶ້ນຊັ້ນຮ້ອຍຕີ 78 ສະຫາຍ ແລະ ເລື່ອນທຽບຊັ້ນຮ້ອຍຕີ 11 ສະຫາຍ.
ຂ່າວ-ພາບ: ທອງສຸກ ຈັນຖະໜອມ
ຄໍາເຫັນ