ໂອກາດນີ້, ທ່ານ ຄຳພັນ ພົມມະທັດ ໄດ້ຕີລາຄາສູງຕໍ່ທ່ານ ນາງ ຄຣອງຂະນິດ ຮັກຈະເລີນ ທີ່ໄດ້ມາຢ້ຽມຢາມກະຊວງຍຸຕິທຳຄັ້ງນີ້ ຊຶ່ງເປັນການປະກອບສ່ວນອັນສຳຄັນເຂົ້າໃນການເສີມຂະຫຍາຍສາຍພົວພັນມິດຕະພາບອັນດີງາມລະຫວ່າງສອງຊາດ ລາວ-ໄທ ໂດຍສະເພາະແມ່ນການຮ່ວມມືລະຫວ່າງກະຊວງຍຸຕິທຳ ສປປ ລາວ ແລະ ກະຊວງຍຸຕິທຳຣາຊະອານາຈັກໄທ ທີ່ມີມາແຕ່ດົນນານແລ້ວນັ້ນ ໃຫ້ນັບມື້ແໜ້ນແຟ້ນຍິ່ງໆຂຶ້ນ ຊຶ່ງເປັນເສັ້ນທາງໃຫ້ການພັດທະນາຮ່ວມກັນ ດ້ານການປະຕິບັດກົດໝາຍ ແລະ ຄຳຕັດສິນຂອງສານທາງແພ່ງ, ວຽກງານທະບຽນສານ ແລະ ກົນໄກການໄກ່ເກ່ຍ ແລະ ແກ້ໄຂຂໍ້ຂັດແຍ່ງ ແລະ ດ້ານອື່ນໆ.
ຈາກນັ້ນ, ທ່ານ ນາງ ຄຣອງຂະນິດ ຮັກຈະເລີນ ກໍໄດ້ກ່າວສະແດງຄວາມຂອບໃຈ ຕໍ່ທ່ານ ຄຳພັນ ພົມມະທັດ ທີ່ໄດ້ໃຫ້ການຕ້ອນຮັບຢ່າງອົບອຸ່ນ ແລະ ເຕັມໄປດ້ວຍໄມຕີຈິດມິດຕະພາບ ພ້ອມທັງໄດ້ລາຍງານກ່ຽວກັບຈຸດປະສົງການມາເຄື່ອນໄຫວຢ້ຽມຢາມໃນຄັ້ງນີ້, ເພື່ອປະກອບສ່ວນເພີ່ມທະວີການຮ່ວມມືຮອບດ້ານລະຫວ່າງ ສອງກະຊວງຍຸຕິທຳ ໄທ-ລາວ, ລາວ-ໄທ ໂດຍສະເພາະ ແມ່ນການພົວພັນຮ່ວມມືຊ່ວຍເຫຼືອຊຶ່ງກັນ ແລະ ກັນ ໃຫ້ນັບມື້ກ້າວສູ່ລວງເລິກ ແລະ ມີໝາກຜົນຕົວຈິງ.
ຂ່າວ-ພາບ: ບຸນຕອມ
ຄໍາເຫັນ