ຂ່າວລະບຸວ່າ: ໂອກາດດັ່ງກ່າວ, ທ່ານ ສີຈິ້ນຜິງ ກ່າວວ່າ, ນັບຕັ້ງແຕ່ສ້າງຕັ້ງຂຶ້ນເປັນເວລາ 24 ປີຜ່ານມານີ້ ອົງການຮ່ວມມືຊຽງໄຮໄດ້ສະເໜີ ແລະ ຈັດຕັ້ງປະຕິບັດແນວຄິດໃໝ່ຫຼາຍຂໍ້ກ່ຽວກັບການບໍລິຫານໂລກ, ອົງການນີ້ນັບມື້ນັບກາຍເປັນກຳລັງແຮງອັນຕັ້ງໜ້າໃນການຊຸກຍູ້ການກໍ່ສ້າງ ແລະ ປະຕິຮູບລະບົບການບໍລິຫານໂລກ. ເມື່ອຜະເຊີນໜ້າກັບສະພາບການປ່ຽນແປງຢ່າງໃຫຍ່ຫຼວງແບບບໍ່ເຄີຍມີມາກ່ອນໃນຮອບຮ້ອຍປີທີ່ເລັ່ງຜັນແປໄວຂຶ້ນ, ອົງການຮ່ວມມືຊຽງໄຮຄວນເສີມຂະຫຍາຍບົດບາດການນຳພາ, ເປັນແບບຢ່າງທີ່ດີໃນການນຳໜ້າປະຕິບັດຂໍ້ລິເລີ່ມການບໍລິຫານໂລກໃຫ້ເກີດມີປະສິດທິຜົນ.
ຂ້າພະເຈົ້າຍິນດີສະເໜີຂໍ້ລິເລີ່ມການບໍລິຫານໂລກ, ຮ່ວມກັນກັບບັນດາປະເທດເພື່ອສ້າງລະບົບການບໍລິຫານໂລກທີ່ຍຸຕິທຳ ແລະ ສົມເຫດສົມຜົນກວ່າເກົ່າ, ຈັບມືກັນກ້າວໄປສູ່ປະຊາຄົມຮ່ວມຊາຕາກຳຂອງມວນມະນຸດ. ອັນທີໜຶ່ງ, ປະຕິບັດຕາມຫຼັກການສະເໝີພາບດ້ານອະທິປະໄຕ. ອັນທີສອງ, ເຄົາລົບ ແລະ ປະຕິບັດການຄຸ້ມຄອງຕາມກົດໝາຍສາກົນ. ອັນທີສາມ, ປະຕິບັດຕົວຈິງຕາມລັດທິຫຼາຍຝ່າຍ. ອັນທີສີ່, ສົ່ງເສີມການຖືຄົນເປັນກົກ. ອັນທີຫ້າ, ເອົາໃຈໃສ່ຖືການເຄື່ອນໄຫວຕົວຈິງເປັນທິດນຳ.
ຄໍາເຫັນ