ປີນີ້ແມ່ນປີທີ່ທະນາຄານລົງທຶນພື້ນຖານໂຄງລ່າງອາຊີສ້າງຕັ້ງຂຶ້ນຄົບຮອບ 10 ປີ. ໃນໄລຍະ 10 ປີຜ່ານມາ, ທະນາຄານດັ່ງກ່າວໄດ້ຂະຫຍາຍສະມາຊິກຜູ້ກໍ່ສ້າງຈາກ 57 ປະເທດ ເພີ່ມຂຶ້ນເປັນ 110 ປະເທດ, ກວມເອົາ 81% ຂອງປະຊາກອນທົ່ວໂລກ ແລະ 65% ຂອງ GDP ທົ່ວໂລກ. ໂຄງການລະດົມທຶນໄດ້ຂະຫຍາຍໄປທົ່ວອາຊີ, ເອີຣົບ, ອາຟຣິກາ ແລະ ອາເມຣິກາລາຕິນ, ໂດຍສຸມໃສ່ຂະແໜງການທີ່ສຳຄັນເຊັ່ນ: ພະລັງງານ, ການຄົມມະນາຄົມ, ຊົນລະປະທານ, ສາທາລະນະສຸກ ແລະ ພື້ນຖານໂຄງລ່າງດີຈີຕອນ. ທະນາຄານໄດ້ຊຸກຍູ້ການລົງທຶນຫຼາຍກວ່າ 200 ຕື້ໂດລາ ເຂົ້າໃນການກໍ່ສ້າງພື້ນຖານໂຄງລ່າງ, ໄດ້ປະກອບສ່ວນກຳລັງແຮງພິເສດເຂົ້າໃນການສົ່ງເສີມການພັດທະນາໃນພາກພື້ນ ແລະ ການຮ່ວມມືຫຼາຍຝ່າຍ.
ໄພນ້ຳຖ້ວມຢູ່ໄທເຮັດໃຫ້ມີຜູ້ເສຍຊີວິດ 24 ຄົນ
ວິທະຍຸ, ໂທລະພາບສູນກາງຈີນ (CMG) ລາຍງານວ່າ: ຫວ່າງມໍ່ໆມານີ້, ຝົນຕົກໜັກຢ່າງຕໍ່ເນື່ອງເຮັດໃຫ້ເກີດໄພນ້ຳຖ້ວມຢູ່ປະເທດໄທ, ໃນວັນທີ 30 ກັນຍາ ຜ່ານມາ, ກົມປະຊາສຳພັນ ສຳນັກນາຍົກລັດຖະມົນຕີໄທໄດ້ອອກຂ່າວໂດຍລະບຸວ່າ, ໄພນ້ຳຖ້ວມເທື່ອນີ້ໄດ້ເຮັດໃຫ້ມີຜູ້ເສຍຊີວິດ 24 ຄົນ, ຫຼາຍລ້ານຄົນປະສົບໄພ, ກະທົບເຖິງນະຄອນຫຼວງບາງກອກ ແລະ ອີກ 31 ແຂວງ.
ຄໍາເຫັນ