 |
ທ່ານນາງ ສີປະໄພ ເຮືອງສີ ກ່າວຕື່ມວ່າ: ສໍາລັບປີນີ້, ໂຮງຮຽນ ມສ ລາວ-ຫວຽດນາມຈະຈັດການສະເຫຼີມສະຫຼອງວັນຄູແຫ່ງຊາດຂຶ້ນໃນວັນທີ 6 ຕຸລາ 2025 ນີ້ ຊຶ່ງມີກິດຈະກໍາຄື: ມີພິທີໄຫວ້ຄູ, ຍ້ອງຍໍ-ຊົມເຊີຍຄູດີເດັ່ນໃນການປະຕິບັດໜ້າທີ່ວຽກງານການຮຽນ-ການສອນໃນໄລຍະຜ່ານມາ, ມີລາຍການສະແດງສິລະປະຂອງບັນດານັກຮຽນເພື່ອອວຍພອນວັນຄູດັ່ງກ່າວໂດຍການມີສ່ວນຮ່ວມມືຂອງຜູ້ປົກຄອງນັກຮຽນ.
 |
ເນື່ອງໃນໂອກາດວັນຄູແຫ່ງຊາດ ຄົບຮອບ 31 ປີ, ທ່ານນາງ ສີປະໄພ ເຮືອງສີຍັງໄດ້ຝາກເຖິງຄູ-ອາຈານ ກໍຄືຜູ້ມີອາຊີບຄູໃຫ້ເອົາໃຈໃສ່ໃນການສົ່ງຄວາມຮູ້, ແນະແນວສຶກສາອົບຮົມໃຫ້ລູກ-ຫຼານກ່ອນການສິດສອນໂດຍອີງໃສ່ 5 ຫຼັກມູນຂອງການສຶກສາທີ່ກະຊວງສຶກສາທິການ ແລະ ກິລາວາງອອກ ແລະ ຝາກເຖິງນັກຮຽນຈົ່ງເອົາໃຈໃສ່ໃນການມາຮໍ່າຮຽນໃຫ້ທັນໂມງເວລາ, ການຈົດກ່າຍບົດຮຽນ, ມີສ່ວນຮ່ວມໃນການແກ້ວຽກບ້ານ ຫຼື ບົດຝຶກຫັດທີ່ຄູໄດ້ແນະນໍາ. ພ້ອມນັ້ນ, ຢາກເປັນນັກຮຽນດີ-ຮຽນເກັ່ງນອກຈາກຮຽນໃນຫ້ອງຮຽນນໍາຄູ-ອາຈານແລ້ວຕ້ອງມີຄວາມດຸໝັ່ນ, ຊອກຮູ້ຮໍ່າຮຽນນໍາຜູ້ທີ່ຮູ້, ປຶ້ມຕໍາລາຮຽນ ແລະ ອື່ນໆ ແລະ ຮຽກຮ້ອງມາຍັງຂັ້ນເທິງໃຫ້ມີການປະຕິບັດນະໂຍບາຍຕ່າງໆໃຫ້ແກ່ຄູ-ອາຈານ, ຍ້ອນທາງໂຮງຮຽນຄູສອນຍັງບໍ່ພຽງພໍເນື່ອງຈາກມີຄູອອກບໍານານແລ້ວຍັງບໍ່ມີຄູມາສອນທົດແທນບາງວິຊາ.
 |
ເນື່ອງໃນໂອກາດວັນທີ 7 ຕຸລານີ້, ທ່ານນາງ ສີປະໄພ ເຮືອງສີຍັງຕາງໜ້າຄູ-ອາຈານອວຍພອນໄຊອັນປະເສີດໃຫ້ບັນດາຄູ-ອາຈານທົ່ວປະເທດຈົ່ງມີສຸຂະພາບພາລະນາໄມແຂງແຮງສົມບູນ, ມີຜົນສໍາເລັດໃນໜ້າທີ່ວຽກງານທຸກປະການ ແລະ ຝາກເຖິງຜູ້ປົກຄອງນັກຮຽນເອົາໃຈໃສ່ໃຫ້ການຮ່ວມມືສົ່ງເສີມລູກ-ຫຼານໃນການສຶກສາຮໍ່າຮຽນ, ມີຄວາມໃກ້ຊິດກັບລູກ-ຫຼານເຖິງແມ່ນວ່າຄູຈະເປັນຜູ້ສົ່ງຄວາມຮູ້ແຕ່ກໍປາສະຈາກບໍ່ໄດ້ໃນການໃຫ້ຄວາມຮ່ວມມືລະຫວ່າງຜູ້ປົກຄອງກັບຄູ ແລະ ໂຮງຮຽນ ຊຶ່ງເປັນ 3 ເສົາຄໍ້າຫຼັກເພື່ອຊ່ວຍກັນສ້າງໃຫ້ລູກ-ຫຼານກາຍເປັນຜູ້ສືບທອດຂອງຊາດໃນອະນາຄົດ.
ຄໍາເຫັນ