ຂ່າວລະບຸວ່າ: ເພື່ອຜັນຂະຫຍາຍການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ - ສ ເກົາຫຼີ ໃຫ້ມີປະສິດທິຜົນ ແລະ ແທດຈິງກວ່າເກົ່າ, ທ່ານ ເລມິງຮຶງ ສະເໜີໃຫ້ 2 ຝ່າຍສືບຕໍ່ປັບປຸງຄວາມໄວ້ເນື້ອເຊື່ອໃຈດ້ານການເມືອງ ບົນພື້ນຖານເປີດກວ້າງການຮ່ວມມືດ້ານປ້ອງກັນຊາດ, ປ້ອງກັນຄວາມສະຫງົບ ແລະ ການຕ່າງປະເທດໃຫ້ແທດຈິງກວ່າເກົ່າ; ສະເໜີໃຫ້ 2 ຝ່າຍສົມທົບກັນຜັນຂະຫຍາຍບັນດາໝວດໜ້າທີ່ໃນແຜນການປະຕິບັດເປົ້າໝາຍນຳວົງເງິນການຄ້າ 2 ຝ່າຍໃຫ້ຂຶ້ນເຖິງ 150 ຕື້ໂດລາ ຕາມທິດດຸ່ນດ່ຽງກວ່າໃນປີ 2030; ສືບຕໍ່ເປີດກວ້າງຕະຫຼາດໃຫ້ແກ່ສິນຄ້າຂອງ 2 ປະເທດ; ຊຸກຍູ້ການຮ່ວມມືດ້ານວິທະຍາສາດເຕັກໂນໂລຊີ, ນະວັດຕະກຳ ແລະ ການຫັນເປັນດີຈີຕອນ.
ທ່ານ ລີແຈມຽງ ຢືນຢັນວ່າ: ສ ເກົາຫຼີ ພ້ອມແລ້ວທີ່ຈະຮ່ວມເດີນທາງພ້ອມກັບ ຫວຽດນາມ ບົນເສັ້ນທາງຫັນ ບັນດາເປົ້າໝາຍພັດທະນາໃຫ້ປະກົດຜົນເປັນຈິງ, ນຳ ຫວຽດນາມ ກາຍເປັນປະເທດພວມພັດທະນາ ມີອຸດສາຫະກຳທັນສະໄໝເມື່ອຮອດປີ 2030 ແລະ ກາຍເປັນປະເທດພັດທະນາ, ມີລາຍຮັບສູງເມື່ອຮອດປີ 2045.
ຄໍາເຫັນ