ການສູ້ຊົນ ຄື ສີສັນພື້ນຖານອັນໜັກແໜ້ນທີ່ສຸດຂອງໄວໜຸ່ມ.
ທ່ານ ສີຈິ້ນຜິງ ເຄີຍກ່າວວ່າ: “ມີພຽງແຕ່ຊີວິດໄວໜຸ່ມທີ່ໄດ້ດຳເນີນການສູ້ຊົນ ຢ່າງກະຕືລືລົ້ນເທົ່ານັ້ນ, ມີພຽງແຕ່ຊີວິດໄວໜຸ່ມທີ່ໄດ້ດຳເນີນການບາກບັ່ນສູ້ຊົນ ຢ່າງໜຽວແໜ້ນເທົ່ານັ້ນ, ມີພຽງແຕ່ຊີວິດໄວໜຸ່ມທີ່ໄດ້ປະກອບສ່ວນເພື່ອປະຊາ ຊົນເທົ່ານັ້ນ ຈຶ່ງຈະສາມາດສ້າງຄວາມຊົງຈຳແຫ່ງໄວໜຸ່ມທີ່ມີຄຸນຄ່າເຕັມປ່ຽມ, ອົບອຸ່ນ, ຍືນຍົງ ແລະ ບໍ່ກິນແໜງ.”
ທ່ານ ສີຈິ້ນຜິງ ໃນໄວໜຸ່ມເຄີຍເປັນພະນັກງານລົງພື້ນຖານຢູ່ບ້ານຈ້າວເຈ່ຍເຫີ ແລະ ເຄີຍເປັນເລຂາໜ່ວຍພັກບ້ານຫຼຽງເຈ່ຍເຫີ ເມືອງຢຽນຊ່ວນ ແຂວງສ້ານຊີ່, ເພິ່ນເວົ້າຢ່າງກົງໄປກົງມາ ວ່າ: “ຊີວິດອັນຫຍຸ້ງຍາກລຳບາກຕະຫຼອດໄລຍະລົງ ພື້ນຖານຢູ່ຊົນນະບົດ ເປັນເວລາ 7 ປີ ເຮັດໃຫ້ຂ້າພະເຈົ້າໄດ້ຮັບການຝຶກຝົນ ຫຼໍ່ຫຼອມຢ່າງຫຼວງຫຼາຍ.”
ປີ 1973, ທ່ານ ສີຈິ້ນຜິງ ທີ່ມີອາຍຸ 20 ປີ ໄດ້ຖືກແຕ່ງຕັ້ງໄປລົງພື້ນຖານຢູ່ບ້ານຈ້າວເຈ່ຍເຫີ. ຕອນກາງເວັນ, ເພິ່ນເປັນພະນັກງານການນຳທີ່ໂຄສະນາເຜີຍແຜ່ເນື້ອໃຈຈິດໃຈເອກະສານການເມືອງ, ນຳໜ້າພັດທະນາການຜະລິດ ແລະ ຍັງເປັນແຮງງານໜຸ່ມແໜ້ນເຂັ້ມແຂງທີ່ສ້າງເຂື່ອນກັ້ນດິນເພື່ອປູກຕົ້ນໄມ້; ຕອນກາງຄືນ, ເພິ່ນເປັນຄູ{ອາຈານຢູ່ໂຮງຮຽນປະຊາສຶກສາເພື່ອຮັບຜິດຊອບສອນຊາວບ້ານຂຽນຊື່ຂອງຕົນພາຍໃຕ້ແສງຕະກຽງ.
ຢູ່ບ້ານຫຼຽງເຈ່ຍເຫີ, ເມື່ອປະເຊີນໜ້າກັບຄວາມຫຍຸ້ງຍາກດ້ານນ້ຳດື່ມ, ທ່ານ ສີຈິ້ນຜິງ ໄດ້ນຳພາຊາວບ້ານຂຸດນ້ຳສ້າງ; ຊາວບ້ານຂາດເຄື່ອງມືອອກແຮງງານເຊັ່ນ: ກ່ຽວ, ຈົກ, ຊວ້ານ ແລະ ອື່ນໆ, ເພິ່ນກໍນຳພາຊາວບ້ານສ້າງສະຫະກອນຕີເຫຼັກ; ເມື່ອເນື້ອທີ່ດິນປູກຝັງບໍ່ພຽງພໍ, ເພິ່ນກໍໄດ້ນຳພາຊາວບ້ານສ້າງເຂື່ອນກັ້ນດິນເພື່ອບຸກເບີກເນື້ອທີ່ດິນປູກຝັງ; ນອກນີ້, ຍັງໄດ້ສ້າງຕັ້ງສະຫະກອນຕັດຫຍິບ, ຫ້ອງໂມ້, ຮ້ານຄ້າຕົວແທນຈຳໜ່າຍ ແລະ ອື່ນໆ.
ຊາວບ້ານຫຼຽງເຈ່ຍເຫີ ໄດ້ຫວນຄືນຫຼັງວ່າ: “ຈິ້ນຜິງ ບໍ່ໄດ້ເຮັດແບບລັດທິຮູບການ, ຫາກແມ່ນມຸ່ງໝັ້ນເຮັດໃນສິ່ງທີ່ສຳຄັນຍິ່ງ, ເຮັດໃນສິ່ງທີ່ມີຜົນປະໂຫຍດຕົວຈິງໃຫ້ແກ່ປະຊາຊົນ.”
ທ່ານ ສີຈິ້ນຜິງ ເຫັນວ່າ: “ສູ້ຊົນຮ່ວມກັນກັບປະຊາຊົນ, ຊີວິດໄວໜຸ່ມຈຶ່ງຈະມີຄວາມສະຫງ່າລາສີ, ກ້າວໄປຂ້າງໜ້າພ້ອມກັບປະຊາຊົນ, ຊີວິດໄວໜຸ່ມຈຶ່ງຈະສະຫງ່າຜ່າເຜີຍ, ມີຄວາມຝັນຮ່ວມກັບປະຊາຊົນ, ຊີວິດໄວໜຸ່ມຈຶ່ງຈະບໍ່ມີຄວາມກິນ ແໜງ.”
ທ່ານ ສີຈິ້ນຜິງ ເຄີຍກ່າວວ່າ: “ໄວໜຸ່ມຄືກຸ່ມຄົນທີ່ມີຊີວິດຊີວາທີ່ສຸດ, ມີຄວາມປະດິດສ້າງຫຼາຍທີ່ສຸດໃນສັງຄົມ, ສົມຄວນກ້າວເດີນຢູ່ແຖວໜ້າແຫ່ງການປະດິດສ້າງ”
ຊາວໜຸ່ມເປັນຜູ້ທີ່ມີການພັດທະນາໃໝ່ຢ່າງບໍ່ຢຸດຢັ້ງ, ມີຄວາມກະຕືລືລົ້ນຫຼາຍທີ່ສຸດໃນດ້ານການປະດິດສ້າງ ແລະ ມີແຮງຂັບເຄື່ອນຫຼາຍທີ່ສຸດໃນການປະດິດສ້າງ.
ວັນທີ 4 ພຶດສະພາ 2013 ຊຶ່ງເປັນວັນຊາວໜຸ່ມຈີນ, ທ່ານ ສີຈິ້ນຜິງ ໄດ້ເດີນທາງໄປສະຖາບັນຄົ້ນຄວ້າເຕັກໂນໂລຊີອະວະກາດຈີນ ຂອງກຸ່ມບໍລິສັດວິທະຍາສາດເຕັກໂນໂລຊີການບິນອະວະກາດຈີນ ເພື່ອເຂົ້າຮ່ວມກິດຈະກຳຄະນະຊາວ ໜຸ່ມກອມມູນິດຈີນຂອງສະຖາບັນດັ່ງກ່າວພາຍໃຕ້ຫົວຂໍ້ “ບັນລຸຄວາມໃຝ່ຝັນຂອງຈີນ, ໄວໜຸ່ມກ້າແບກຫາບ”, ໂດຍ ເພິ່ນໄດ້ໂອ້ລົມສົນທະນາກັບຜູ້ຕາງໜ້າຊາວ ໜຸ່ມດີເດັ່ນວົງການຕ່າງໆ.
ເພິ່ນກ່າວວ່າ: “ຊາວໜຸ່ມທັງຫຼາຍຕ້ອງກ້າປະດິດສ້າງ. ການປະດິດສ້າງຄືຂໍກຸນແຈສຳຄັນແຫ່ງຄວາມກ້າວໜ້າຂອງຊາດ, ເປັນບໍ່ເກີດພະລັງແຮງທີ່ບໍ່ເຫືອດແຫ້ງສຳລັບຄວາມຈະເລີນຮຸ່ງເຮືອງຂອງປະເທດໜຶ່ງ, ທັງເປັນພອນສະຫວັນທີ່ເລິກເຊິ່ງທີ່ສຸດຂອງປະຊາຊາດຈີນ, ດັ່ງຄຳບູຮານວ່າ: ‘ຫາກຄົນໆໜຶ່ງສາມາດປັບປ່ຽນໃໝ່ໄດ້ມື້ໜຶ່ງ, ກໍຄວນປັບປ່ຽນໃໝ່ໃນທຸກໆມື້ ແລະ ຮັກສາການປັບປ່ຽນໃໝ່ຢ່າງບໍ່ຢຸດຢັ້ງ.’”.
ຫຼັງຈາກນັ້ນ 9 ປີ, ຄະນະຊາວໜຸ່ມກໍ່ສ້າງສະຖານີອະວະກາດ ກຸ່ມບໍລິສັດວິທະຍາສາດເຕັກໂນໂລຊີການບິນອະວະກາດຈີນ ໄດ້ຂຽນຈົດໝາຍໄປເຖິງທ່ານ ສີຈິ້ນຜິງ ໂດຍຕາງໜ້າໃຫ້ຊາວໜຸ່ມ 80.000 ຄົນ ຂອງກຸ່ມບໍລິສັດດັ່ງກ່າວ ລາຍງານສະພາບການກ່ຽວກັບການກ້າແບກຫາບໜ້າທີ່ອັນໜັກໜ່ວງໃນການຊຸກຍູ້ການພັດທະນາວິທະຍາສາດເຕັກໂນໂລຊີ ການບິນອະວະກາດໃນຕະຫຼອດໄລຍະ 9 ປີຜ່ານມາ, ພ້ອມທັງສະແດງຄວາມໝາຍໝັ້ນອັນເດັດດ່ຽວ ໃນການຮ່ວມກັນສູ້ຊົນເພື່ອສ້າງສາປະເທດເຂັ້ມແຂງດ້ານການບິນອະວະກາດ.
ທ່ານ ສີຈິ້ນຜິງ ໄດ້ຕອບຄືນຈົດໝາຍຂອງຄະນະຊາວໜຸ່ມດັ່ງກ່າວ ຊຶ່ງມີເນື້ອໃນບາງຕອນຂຽນວ່າ: “ໄລຍະເວລາ 9 ປີຜ່ານມານີ້, ຈາກສະຖານີອະວະກາດ ‘ທ່ຽນກົ່ງ’, ລະບົບດາວທຽມນຳທາງ ‘ເປີຍໂຕ’, ຍານສຳຫຼວດດວງຈັນ ‘ສາງເອີ’ ຕະຫຼອດຮອດ ຍານອະວະກາດໂມດູນແກນກາງ ‘ທ່ຽນເຫີ’, ຍານສຳຫຼວດດາວອັງຄານ ‘ທ່ຽນເວີ້ນ’ ແລະ ດາວທຽມສຳຫຼວດດວງອາທິດ ‘ຊີ່ເຫີ’, ພາລະກິດການບິນອະວະກາດຂອງຈີນ ໄດ້ສ້າງປະຫວັດສາດໃໝ່ຢ່າງບໍ່ຢຸດຢັ້ງ, ຊາວ ໜຸ່ມທີ່ເຮັດວຽກການບິນອະວະກາດຈຳນວນຫຼວງຫຼາຍໄດ້ແບກຫາບໜ້າທີ່ອັນໜັກໜ່ວງ ຊຶ່ງສະແດງໃຫ້ເຫັນເຖິງໂສມໜ້າ ແລະ ຈິດໃຈບຸກບືນກ້າວໜ້າຂອງຊາວ ໜຸ່ມຈີນໃນຍຸກໃໝ່.”
ຈົດໝາຍຕອບຂອງທ່ານ ສີຈິ້ນຜິງ ໄດ້ເປັນກຳລັງໃຈໃຫ້ແກ່ພະນັກງານໜຸ່ມທີ່ເຮັດວຽກການບິນອະວະກາດທັງຫຼາຍຈົ່ງກ້າປະດິດສ້າງ ແລະ ບຸກທະລຸ, ສ້າງຜົນງານອັນສະຫງ່າລາສີບົນເສັ້ນທາງແຫ່ງການໄລ່ລ່າຄວາມຝັນຢູ່ອະວະກາດ.
ຕໍ່ກັບກຸ່ມຄົນຊາວໜຸ່ມ, ເພິ່ນເຄີຍໃຫ້ທັດສະນະວ່າ: “ຄວາມຫວັງຂອງຊາດຂຶ້ນກັບຊາວໜຸ່ມ, ອະນາຄົດຂອງຊາດຂຶ້ນກັບຊາວໜຸ່ມ.”
ໂດຍ: ຊີອາໄອ
ຄໍາເຫັນ