 |
ທ່ານ ນາງ XIA HUIPING ໃຫ້ຮູ້ວ່າ: ກຸ່ມບໍລິສັດທ່ອງທ່ຽວ ວັດທະນະທໍາລາວ ມະຫາຊົນ ໄດ້ຫັນຈາກຮູບແບບທຸລະກິດ ປ່ຽນຊື່ຈາກບໍລິສັດ ຊີມັງລາວ ມະຫາຊົນ ໃນ ປີ 2023 ຊຶ່ງມີສຳນັກ ງານໃຫຍ່ຢູ່ໃຈກາງເມືອງນະຄອນຫຼວງວຽງຈັນ ກວມເນື້ອທີ່ 8,000 ຕາແມັດ ຊຶ່ງເປັນກຳມະສິດຂອງບໍລິສັດ. ນອກຈາກນັ້ນ, ຍັງມີດິນການຄ້າທີ່ສາມາດພັດທະນາໄດ້ 100,000 ຕາແມັດ ແລະ ດິນການຄ້າສະເພາະໂຄງການພັດທະນາການທ່ອງທ່ຽວ 200 ເຮັກຕາ ຕັ້ງຢູ່ເມືອງວັງວຽງ ແຂວງວຽງຈັນ. ກຸ່ມບໍລິສັດທ່ອງທ່ຽວ ວັດທະນະທໍາລາວ ມະຫາຊົນ ໂດຍໄດ້ຮັບການຊີ້ນໍາຈາກກະຊວງປ້ອງກັນປະເທດ ແລະ ກະຊວງການເງິນ ທັງເປັນການຮ່ວມມືດ້ານເສດຖະກິດຂອງສອງປະເທດລາວ-ຈີນ ແລະ ຖືວ່າເປັນຮາກຖານອຸດສາຫະກໍາແຫ່ງຊາດລາວ.
 |
ກຸ່ມບໍລິສັດທ່ອງທ່ຽວ ວັດທະນະທໍາລາວ ມະຫາຊົນ ໄດ້ສຸມໃສ່ການພັດທະນາທ່ອງທ່ຽວ ວັດທະນະທຳລາວ ເພື່ອເຮັດໃຫ້ຕົວເມືອງສວຍສົດງົດງາມຂຶ້ນກວ່າເກົ່າ ຕາມຄໍາຂັວນ: ປະດິດສ້າງໃໝ່, ປະສານສົມທົບກັນ, ສີຂຽວ, ເປີດປະຕູສູ່ພາຍນອກ ຊຶ່ງເປັນແນວຄວາມຄິດການພັດທະນາໃໝ່ ບໍລິສັດໄດ້ຄົ້ນຫາຮູບແບບການພັດທະນາໃໝ່ຄື: ວັດທະນະທໍາ,ການທ່ອງທ່ຽວ, ການຫັນເປັນຕົວເມືອງ, ຊຸກຍູ້ດ້ານການພັດທະນາແບບ, ເຕັກໂນໂລຊີ, ອຸດສາຫະກຳ,ເຂດສວນ ໃຫ້ປະກົດຜົນເປັນຈິງ. ຫັນເອົາດ້ານອຸດສາຫະກຳວັດທະນະທໍາຂອງປະເທດລາວ, ການເປັນຜູ້ຊີ້ນໍາໃນການຫັນເປັນຕົວເມືອງທັນສະໄໝຂອງປະເທດລາວ ແລະ ການເປັນແບບຢ່າງໃນຂະ ແໜງການທ່ອງທ່ຽວຂອງປະເທດລາວເປັນໃຈກາງຜ່ານ. ອຸດສາຫະກຳຫັນເປັນວັດທະນະທຳ ແລະ ວັດທະນະທຳຫັນເປັນອຸດສາຫະກຳ.
ທ່ານ ນາງ XIA HUIPING ຍັງໃຫ່ຮູ້ຕື່ມວ່າ: ທິດທາງການພັດທະນາທີ່ສໍາຄັນໃນຕໍ່ໜ້າມີ 5 ວຽກງານຄື: ອຸດສາຫະກຳວັດທະນະທຳ, ການທ່ອງທ່ຽວ, ການຫັນເປັນຕົວເມືອງທັນສະໄໝ, ກະສິກຳ ແລະ ອຸດສາຫະກຳການສຶກສາ. ໃນນັ້ນ, ຊອກຄົ້ນຮູບແບບການພັດທະນາແບບ "ວັດທະນະທໍາ" ທີ່ໄດ້ເອົາວັດທະນະທໍາເປັນຫຼັກ ແລະ ມີການປະດິດຄິດສ້າງໃໝ່ຢ່າງຮອບດ້ານຕໍ່ຍຸດທະສາດ, ລະບົບ, ເຕັກນິກ, ຜະລິດຕະພັນ ແລະ ຮູບແບບທຸລະກິດ ຊຶ່ງເປັນແນວທາງການພັດທະນາມີສີສັນພິເສດ ເຮັດໃຫ້ບໍລິສັດບັນລຸເຖິງການພັດທະນາແບບກ້າວກະໂດດ.
ຄໍາເຫັນ