ວາລະສານອະລຸນໃໝ່ ແລະ ໂຮງພິມແຫ່ງລັດ ຈັດກິດຈະກໍາແຂ່ງຂັນກິລາບານເຕະມິດຕະພາບ

ວາລະສານອະລຸນໃໝ່ ແລະ ໂຮງພິມແຫ່ງລັດ ຈັດກິດຈະກໍາແຂ່ງຂັນກິລາບານເຕະມິດຕະພາບ

12:34 17/02/2026

ກິດຈະກຳແຂ່ງຂັນກິລາບານເຕະມິດຕະພາບ ລະຫວ່າງວາລະສານອະລຸນໃໝ່ ຄະນະໂຄສະນາອົບຮົມສູນກາງພັກ (ຄອສພ) ກັບໂຮງພິມແຫ່ງລັດ ໄດ້ຈັດຂຶ້ນເມື່ອບໍ່ດົນມານີ້ ທີ່ເດີນເຕະບານທະນົງອາດ ເມືອງໄຊເສດຖາ ນະຄອນຫຼວງວຽງຈັນ ໂດຍເປັນກຽດເຂົ້າຮ່ວມຂອງທ່ານ ຫີນເພັດ ໄຊຍະສີພັນດອນ ຮັກສາການບັນນາທິການໃຫຍ່ວາລະສານອະລຸນໃໝ່, ທ່ານ ກົງໃຈ ຊຸມພົນພັກດີ ຜູ້ອຳນວຍການ ລັດວິສາຫະກິດໂຮງພິມແຫ່ງລັດ, ມີນັກກິລາ, ຜູ້ຊົມເຊຍ ເຂົ້າຮ່ວມຢ່າງເປັນຂະບວນຟົດຟຶ້ນ.

ວາລະສານອະລນໃໝ ແລະ ໂຮງພມແຫງລດ ຈດກດຈະກາແຂງຂນກລາບານເຕະມດຕະພາບ - image 1

ການຈັດກິດຈະກຳໃນຄັ້ງນີ້, ເພື່ອສ້າງຂະບວນການສະເຫຼີມສະຫຼອງວັນສ້າງຕັ້ງສະຫະພັນກຳມະບານລາວ ຄົບຮອບ 70 ປີ ແລະ ກອງປະຊຸມໃຫຍ່ຄັ້ງທີ VI ຂອງອົງຄະນະພັກ ຄອສພ ທີ່ຈະມາເຖິງນີ້ໃຫ້ມີບັນຍາກາດຟົດຟື້ນ. ພ້ອມດຽວກັນນັ້ນ, ກໍເປັນການສ້າງຂະບວນການເພື່ອຕ້ອນຮັບວັນສ້າງຕັ້ງວາລະສານອະລຸນໃໝ່ ຄົບຮອບ 41 ປີ (22/3/1985-22/3/2026) ໃຫ້ເປັນຂະບວນຟົດຟື້ນ, ມີຄວາມໝາຍສໍາຄັນ. ພ້ອມນັ້ນ, ຍັງເປັນການຮັດແໜ້ນຄວາມສາມັກຄີ ລະຫວ່າງວາລະສານ ອະລຸນໃໝ່ ກັບໂຮງພິມແຫ່ງລັດ ໃຫ້ນັບມື້ແໜ້ນແຟ້ນຍິ່ງຂຶ້ນ.

ວາລະສານອະລນໃໝ ແລະ ໂຮງພມແຫງລດ ຈດກດຈະກາແຂງຂນກລາບານເຕະມດຕະພາບ - image 2

ໃນໂອກາດດັ່ງກ່າວ, ທ່ານ ກົງໃຈ ຊຸມພົນພັກດີ ໄດ້ສະໜັບສະໜູນມອບເສື້ອກິລາ ແລະ ອຸປະກອນກິລາ ປະກອບມີ: ເສື້ອກິລາຈໍານວນ 25 ຜືນ, ໄມ້ຕີດອກຈໍານວນ 4 ອັນ ແລະ ຟີເລ້, ໄມ້ຕີປິງປ່ອງຈໍານວນ 4 ອັນ ແລະ ຟີເລ້ ໃຫ້ວາລະສານອະລຸນໃໝ່.

ວາລະສານອະລນໃໝ ແລະ ໂຮງພມແຫງລດ ຈດກດຈະກາແຂງຂນກລາບານເຕະມດຕະພາບ - image 3

ຂ່າວ-ພາບ: ວັນເພັງ

ຄໍາເຫັນ

ຂ່າວສືກສາ-ກິລາ

ສຳເລັດການສອບເສັງແຂ່ງຂັນນັກນັກຮຽນເກັ່ງຂັ້ນແຂວງສາລະວັນ ສົກຮຽນ 2025-2026

17/02/2026 12:13

ນັກຮຽນເກັ່ງທີ່ເປັນຕົວແທນໃຫ້ແຕ່ລະເມືອງ ໃນທົ່ວແຂວງສາລະວັນ ເຂົ້າຮ່ວມສອບເສັງນັກຮຽນເກັ່ງຂັ້ນແຂວງ ມີທັງໝົດ 176 ຄົນ ຍິງ 122 ຄົນ, ຊັ້ນປະຖົມສຶກສາ ແລະ ມັດທະຍົມສຶກສາ ປະຈຳສົກຮຽນ 2025-2026. ໃນນັ້ນ, ຊັ້ນປະຖົມ (ປ5) ມີ 48 ຄົນ ຍິງ 36 ຄົນ, ຊັ້ນມັດທະຍົມຕົ້ນ (ມ4) ມີ 64 ຄົນ ຍິງ 41 ຄົນ, ຊັ້ນມັດທະຍົມປາຍ (ມ7) ມີ 64 ຄົນ ຍິງ 45 ຄົນ. ວິຊາສອບເສັງ ຊັ້ນປະຖົມ ປະກອບມີ: ພາສາລາວ, ຄະນິດສາດ, ວິຂາວິທະຍາສາດ ແລະ ສິ່ງແວດລ້ອມ, ຊັ້ນມັດທະຍົມຕອນຕົ້ນ ແລະ ຕອນປາຍ ມີ: ພາສາລາວ-ວັນນະຄະດີ, ຄະນິດສາດ, ຟີຊິກສາດ ແລະ ເຄມີສາດ. ໂດຍໃຊ້ເວລາສອບເສັງ 1 ວັນ.

ລັດຖະມົນຕີ ສສກ ພົບປະພະນັກງານຫຼັກແຫຼ່ງຂົງເຂດການສຶກສາສາ ແລະ ກິລາ ແຂວງວຽງຈັນ.

17/02/2026 12:07

ໃນວັນທີ 16 ກຸມພາຜ່ານນີ້, ທ່ານ ທອງສະລິດ ມັງໜໍ່ເມກ ກຳມະການກົມການເມືອງສູນກາງພັກ ລັດຖະມົນຕີ ກະຊວງສຶກສາທິການ ແລະ ກິລາ (ສສກ), ຜູ້ສະໝັກຮັບເລືອກຕັ້ງສະມາຊິກສະພາແຫ່ງຊາດ (ສສຊ) ຊຸດທີ X ປະຈຳເຂດເລືອກຕັ້ງທີ 10 ແຂວງວຽງຈັນ, ພ້ອມດ້ວຍຄະນະ ໄດ້ລົງຢ້ຽມຢາມພົບປະໂອ້ລົມພະນັກງານຫຼັກແຫຼ່ງຂົງເຂດວຽກງານການສຶກສາ ແລະ ກິລາຂອງແຂວງວຽງຈັນ ໂດຍໃຫ້ການຕ້ອນຮັບຈາກທ່ານ ຄຳ ຂັນທະວີວອນ ກຳມະການພັກແຂວງ ຫົວໜ້າພະແນກສຶກສາທິການ ແລະ ກິລາ ແຂວງວຽງຈັນ, ພ້ອມດ້ວຍຄະນະ, ມີຜູ້ບໍລິການການສຶກສາ, ຜູ້ອຳນວຍການໂຮງຮຽນ, ຄູອາຈານຈາກໂຮງຮຽນລັດ ແລະ ເອກະຊົນ ເຂົ້າຮ່ວມ.

ເມືອງຈັນທະບູລີ ແຂ່ງຂັນສິລະປະນັກຮຽນສາມັນສຶກສາຂັ້ນເມືອງ

12/02/2026 15:38

ຫ້ອງການສຶກສາທິການ ແລະ ກິລາ ເມືອງຈັນທະບູລີ ນະຄອນຫຼວງວຽງຈັນ (ນວ) ເປີດການແຂ່ງຂັນສິລະປະນັກຮຽນສາມັນສຶກສາຂັ້ນເມືອງປະຈໍາສົກຮຽນ 2025-2026 ຂຶ້ນໃນວັນທີ 12 ກຸມພານີ້ ທີ່ສູນການຄ້າທົ່ງຂັນຄໍາ ໂດຍການເຂົ້າຮ່ວມຂອງທ່ານ ແສງສະທິດ ພິມເມືອງ ປະທານຄະນະກໍາມະການປົກຄອງເມືອງ, ມີທ່ານ ສົມລີ ຫຼວງພະຈັນ ຮອງຫົວໜ້າພະແນກສຶກສາທິການ ແລະ ກິລາ ນວ ພ້ອມດ້ວຍພະນັກງານຄູ-ອາຈານ ແລະ ນັກຮຽນທັງພາກລັດ-ເອກະຊົນທົ່ວເມືອງເຂົ້າຮ່ວມ.

ຖະແຫຼງຂ່າວແຂ່ງຂັນເຕະບານລາຍການ COPA COCA COLA LAOS 2026

09/02/2026 13:57

ກະຊວງສຶກສາທິການ ແລະ ກິລາ ຮ່ວມກັບ ບໍລິສັດ ລາວໂຄຄາ-ໂຄລາ ບ໊ອຕຕລິງ ຈຳກັດ ໄດ້ຖະແຫຼງຂ່າວການກະກຽມຄວາມພ້ອມຈັດງານແຂ່ງຂັນເຕະບານ COPA COCA COLA LAOS 2026 ເພື່ອຄັດເລືອກຫາສຸດຍອດນັກເຕະດາວເດັ່ນທົ່ວປະເທດ ຂຶ້ນບໍ່ດົນມານີ້ ທີ່ສະໂມສອນຄະນະກໍາມະການໂອແລັມປິກແຫ່ງຊາດລາວ, ການແຂ່ງຂັນເຕະບານນັກຮຽນມັດທະຍົມສຶກສາ ຍິງ-ຊາຍ ທົ່ວປະເທດ COPA COCA COLA LAOS ປະຈຳປີ 2026 ຊີງຂັນທ່ານລັດຖະມົນຕີ ກະຊວງສຶກສາທິການ ແລະ ກິລາ(ສສກ) ຄັ້ງທີ VIII ຊຶ່ງເປັນການຮ່ວມມືລະຫວ່າງກົມກິລາລະດັບສູງ ກະຊວງສຶກສາທິການ ແລະ ກິລາ, ສະຖາບັນກິລາກາຍະກຳ ແລະ ບໍລິສັດ ລາວໂຄຄາ-ໂຄລາ ບ໊ອຕຕລິງ ຈຳກັດ, ບໍລິສັດ ຮຸ່ງອາລຸນ ການຄ້າເອເລັກໂຕນິກ ຈຳກັດ ເປັນຜູ້ປະສານງານຈັດການແຂ່ງຂັນ.

ມະຫາວິທະຍາໄລແຫ່ງຊາດ ເຊື່ອມຊຶມເອກະສານສຳຄັນຂອງພັກ

09/02/2026 13:13

ມະຫາວິທະຍາໄລແຫ່ງຊາດ (ມຊ) ຈັດກອງປະຊຸມເຜີຍແຜ່ເຊື່ອມຊຶມ ແລະ ຜັນຂະຫຍາຍມະຕິກອງປະຊຸມໃຫຍ່ຂອງອົງຄະນະພັກ ກະຊວງສຶກສາທິການ ແລະ ກິລາ (ສສກ) ຄັ້ງທີ X ແລະ ມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XII ຂອງພັກ ຂຶ້ນໃນວັນທີ 6 ກຸມພາຜ່ານມາ ທີ່ ມຊ ໂດຍການເປັນປະທານຂອງສະຫາຍ ນາງ ດາລາວອນ ກິດຕິພັນ ຮອງເລຂາຄະນະພັກ ກະຊວງ ສສກ, ມີບັນດາຄະນະພັກ, ສະມາຊິກພັກ ແລະ ພະນັກງານທີ່ກ່ຽວຂ້ອງເຂົ້າຮ່ວມ.

ນັກຮຽນມັດທະຍົມສົມບູນທົ່ວເມືອງອຸທຸມພອນຮຽນຮູ້ວິຊາພື້ນຖານປ້ອງກັນຕົວ

09/02/2026 12:21

ໃນວັນທີ 9 ກຸມພານີ້ ທີ່ສະໂມສອນ ສຶກສາ ສາມັກຄີເມືອງອຸທຸມພອນ ແຂວງສະຫວັນນະເຂດ,ໄດ້ຍົກລະດັບຄວາມຮູ້ກ່ຽວກັບການຫັດແອບວິຊາພື້ນຖານປ້ອງກັນຕົວ,ໂດຍການເປັນປະທານຂອງທ່ານ ແຖວຄໍາ ພົມມະວົງ ປະທານປ້ອງກັນຊາດ-ປ້ອງກັນຄວາມສະຫງົບຂັ້ນເມືອງ.

ເມືອງພຽງ ສອບເສັງນັກຮຽນເກັ່ງ ຂັ້ນ ປ5, ມ4 ແລະ ມ7 ປະຈຳສົກຮຽນ 2025-2026

05/02/2026 09:39

ເມືອງພຽງ ແຂວງໄຊຍະບູລີ ຈັດພິທີສອບເສັງນັກຮຽນເກັ່ງ ສາຍສາມັນສຶກສາ ຂັ້ນ ປ5, ມ4 ແລະ ມ7 ປະຈຳສົກຮຽນ 2025-2026 ຂຶ້ນໃນວັນທີ 4 ກຸມພານີ້ ທີຫ້ອງປະຊຸມຂອງເມືອງ ໂດຍມີທ່ານ ຄຳພັນ ຄຳພູບົວ ປະທານຄະນະກຳມະການປົກຄອງເມືອງ, ທ່ານ ສີທັດ ຜຸຍແກ້ວ ຫົວໜ້າຫ້ອງການສຶກສາທິການ ແລະ ກິລາເມືອງ, ມີພາກສ່ວນກ່ຽວຂ້ອງ ແລະ ນັກສອບເສັງເຂົ້າຮ່ວມ.

ກຸ່ມບໍລິສັດ ລາວ ໂທລະຄົມ ມອບເງິນສະໜັບສະໜູນ ນັກກິລາທີມຊາດລາວ

04/02/2026 14:44

ໃນວັນທີ 4 ກຸມພາ ນີ້, ກຸ່ມບໍລິສັດ ລາວ ໂທລະຄົມ ໄດ້ຈັດພິທີ ມອບລາງວັນສະໜັບສະໜູນເພື່ອເປັນຂວັນກຳລັງໃຈໃຫ້ແກ່ນັກກິລາທີມຊາດລາວ ທີ່ສ້າງຜົນງານອັນໂດດເດັ່ນໃນການແຂ່ງຂັນກິລາຊີເກມ (SEA Games) ຄັ້ງທີ 33 ທີ່ປະເທດໄທ ໃນລະຫວ່າງວັນທີ 9-20 ທັນວາ 2025 ທີ່ຜ່ານມາ.

ຫາລືກຽມຄວາມພ້ອມເປັນເຈົ້າພາບ ຈັດກອງປະຊຸມ AMMSTI-22

04/02/2026 13:58

ກະຊວງສຶກສາທິການ ແລະ ກິລາ (ສສກ) ຈັດກອງປະຊຸມປຶກສາຫາລື ແລະ ລາຍງານຄວາມຄືບໜ້າ ການກະກຽມຄວາມພ້ອມເປັນເຈົ້າພາບຈັດກອງປະຊຸມລັດຖະມົນຕີວິທະຍາສາດ ເຕັກໂນໂລຊີ ແລະ ນະວັດຕະກຳອາຊຽນ ຄັ້ງທີ 22 (AMMSTI-22) ໃນເດືອນມິຖຸນາ 2026 ເມື່ອວັນທີ 2 ກຸມພາຜ່ານມາ ທີ່ ສສກ ໂດຍການເປັນປະທານຂອງທ່ານ ກິ່ງມະໂນ ພົມມະຫາໄຊ ຮອງລັດຖະມົນຕີກະຊວງ ສສກ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

ສ້າງຂີດຄວາມສາມາດການຮຽນ-ການສອນອອນໄລ

02/02/2026 14:51

ສູນພັດທະນາການສຶກສານອກໂຮງຮຽນ ກົມການສຶກສານອກໂຮງຮຽນ ກະຊວງສຶກສາທິການ ແລະ ກິລາ (ສສກ) ຮ່ວມກັບຫ້ອງການ DVV International ຈັດກອງປະຊຸມເຜີຍແຜ່ ແລະ ປະກາດທົດລອງນໍາໃຊ້ “Ed App” ເພື່ອເປັນເຄື່ອງມືເສີມສ້າງຂີດຄວາມສາມາດການຮຽນ-ການສອນອອນໄລ ໃນຂະແໜງການສຶກສານອກໂຮງຮຽນທົ່ວປະເທດ.

ເພີ່ມເຕີມ