ວາລະສານອະລຸນໃໝ່ ແລະ ວາລະສານກົງສ້ານ ທົບທວນການຮ່ວມມື

ການພົບປະກັນຄັ້ງນີ້, ສອງຝ່າຍໄດ້ທົບທວນຜົນສຳເລັດການຮ່ວມມືໃນໄລນະທີ່ຜ່ານມາ ແລະ ໄດ້ ພ້ອມກັນປຶກສາຫາລື ແລະ ແລກປ່ຽນຄຳເຫັນເພື່ອສືບຕໍ່ຜັນຂະຫຍາຍບົດບັນທຶກການຮ່ວມມື ສອງວາ ລະສານ ໃນປີ 2027 ດັ່ງນີ້: ຈະສືບຕໍ່ເພີ່ມທະວີສາຍພົວພັນການຮ່ວມມື ຢ່າງມີຈຸດສຸມ ເພື່ອແນໃສ່ແກ້ໄຂ ບັນຫາຈຳເປັນ ແລະ ຮີບດ່ວນຂອງສອງຝ່າຍ, ສືບຕໍ່ການປະຊຸມພົບປະ, ແລກປ່ຽນຄະນະຜູ້ແທນຫຼາຍ ລະດັບຂອງສອງວາລະສານຢ່າງຕໍ່ເນື່ອງເພື່ອຮັດແໜ້ນຄວາມສາມັກຄີ, ເສີມຂະຫຍາຍມູນເຊື້ອອັນດີງາມ, ຄວາມສະມັກຄີພິເສດ, ການຮ່ວມມືຮອບດ້ານ ແລະ ເປັນຫຸ້ນສ່ວນຍຸດທະສາດທີ່ສອງພັກໄດ້ລົງນາມ ໃຫ້ ມີປະສິດທິຜົນສູງສຸດ, ສືບຕໍ່ຈັດຝຶກອົບຮົມຫົວຂໍ້ສະເພາະໃຫ້ພະນັກງານວາລະສານອະລຸນໃໝ່ ໄດ້ຍົກລະ ດັບທາງດ້ານວິຊາການຢ່າງຕໍ່ເນື່ອງ ແລະ ມີລັກສະນະລົງເລິກ, ເປັນຕົ້ນແມ່ນບົດຮຽນໃນການຂຽນບົດ ຄວາມ, ບົດຂ່າວ ແລະ ບັນນາທິການໃນແຕ່ລະຂົງເຂດໃຫ້ຫັນເປັນມືອາຊີບ, ສ້າງເງື່ອນໄຂຮຽນຮູ້ ຊຶ່ງ ກັນ ແລະ ກັນ, ແລກປ່ຽນຂໍ້ມູນກັນ ແລະ ນໍາເອົາບົດຮຽນໃນການສຳມະນາແລກປ່ຽນ ນັ້ນມາລົງວາລະ ສານ ໃຫ້ມີເນື້ອໃນອຸດົມສົມບູນ, ຊ່ວຍເຫຼືອ, ສະໜັບສະໜູນໃນການຫັນເປັນທັນສະໄໝ ໃຫ້ແກ່ວາລະ ສານອະລຸນໃໝ່ ແລະ ສ້າງກົນໄກປະສານງານໂດຍກົງທາງດ້ານວິຊາການ, ວິຊາສະເພາະ ເພື່ອແລກ ປ່ຽນບັນຫາຕ່າງ ໃຫ້ມີຄວາມສະດວກ, ວ່ອງໄວ ແລະ ອື່ນໆ.

ວາລະສານອະລຸນໃໝ່ ແລະ ວາລະສານກົງສ້ານ ເປັນອົງການທິດສະດີການເມືອງ ຂອງສອງ ພັກທີ່ຮັບຜິດຊອບໜ້າທີ່ສຳຄັນໃນການຄົ້ນຄວ້າ, ເຜີຍແຜ່ແນວທາງ ແລະ ນະໂຍບາຍຂອງພັກ, ພ້ອມທັງ ປົກປ້ອງອຸດົມການຂອງພັກໃນສະພາບການໃໝ່, ຕະຫຼອດໃນໄລຍະຜ່ານມາສອງວາລະສານ ໄດ້ຮັກສາ ການພົວພັນຮ່ວມມືອັນດີງາມໂດຍຜ່ານການແລກປ່ຽນຄະນະຜູ້ແທນ, ການແລກປ່ຽນບົດຄວາມ, ການຝຶກ ອົບຮົມບຸກຄະລາກອນ ແລະ ການແລກປ່ຽນປະສົບການວິຊາການອັນໄດ້ສ້າງຜົນສຳເລັດທີ່ເປັນຮູບປະ ທຳ.

(ຂ່າວ-ພາບ: ສຳນານ)