ການແຂ່ງຂັນຄັ້ງນີ້ ໄດ້ຈັດຂຶ້ນ ລະຫວ່າງວັນທີ 10-11 ພຶດສະພາ 2025 ຊຶ່ງມີ 8 ພາກສ່ວນ ທີ່ມາຈາກ 5 ປະເທດ ເຂົ້າຮ່ວມຊີງໄຊປະກອບມີ ໄທ ເຈົ້າພາບ 4 ທີມ ຄື: ສະໝຸດສາຄອນ, ນະຄອນພະນົມ, ສຸພັນບູລີ ແລະ ເອັດພີບີ ໄທແລນ ສ່ວນອີກ 4 ທີມ ທີ່ມາຈາກ 4 ຊາດ ຄື: ວີໄອພີ ສປປ ລາວ, ສີລັງກາ, ອິນໂດເນເຊຍ ແລະ ປະເທດ ມາເລເຊຍ.
ການແຂ່ງຂັນລາຍການດັ່ງກ່າວ ສຳລັບ 8 ທີມທີ່ເຂົ້າຮ່ວມ ຖືກຈັດແບ່ງອອກເປັນ 4 ສາຍ ສາຍລະສອງທີມ ຄັດເລືອກເອົາທີມຊະນະນັດທຳອິດ ຂຶ້ນໄປແຂ່ງຂັນລາຍການ ດີວີຊັ່ນ 1 ສ່ວນທີມເສຍລົງໄປແຂ່ງຂັນລາຍການ ດີວິຊັ່ນ 2 ຜ່ານການແຂ່ງຂັນຕະຫຼອດໄລຍະ 2 ວັນ ຜົນປະກົດວ່າ: ໃນນັດຊີງຊະນະເລີດ ທີມວີໄອພີ ສປປ ລາວ ສາມາດເອົາຊະນະ ທີມເອັດພີບີ ໄທແລນ ຈາກນະຄອນຫຼວງ ບາງກອກ 4-2 ປະຕູ ໄດ້ແຊັມລາຍກາຍນີ້ ມາຄອງຢ່າງຍິ່ງໃຫຍ່ ຂະນະທີ່ ແຊັມດີວິຊັນ 2 ເປັນຂອງທີມຈາກ ອິນໂດເນເຊຍ.
(ຂ່າວ: ສົງການ )
ຄໍາເຫັນ