ວິດີໂອຄຸນ​ຄ່າ​ຂອງ​ຄູ ສ້າງແຮງບັນດານໃຈໃຫ້ນັກຮຽນໃນອະນາຄົດ

ທ່ານ ວົງເພັດ ອຸດົມລິດ ຮອງຜູ້ອຳນວຍການ ສວສ ໄດ້ຊົມເຊີຍການຮ່ວມມືດັ່ງກ່າວ ຊຶ່ງວິດີໂອນີ້ຍົກໃຫ້ເຫັນ ການອຸທິດຕົນຂອງຄູ, ເລີ່ມແຕ່ການສຶກສາຂັ້ນພື້ນຖານໄປເຖິງການສຶກສາຂັ້ນສູງ, ຄູແມ່ນກະດູກສັນຫຼັງຂອງລະບົບ ການສຶກສາ.” ລັດຖະບານອົສຕຣາລີກຳລັງໃຫ້ການສະໜັບສະໜູນດ້ານທຶນ ແລະ ເຕັກນິກສຳລັບການຜະລິດວິດີໂອ ທີ່ໜ້າສົນໃຈ 4 ບົດເລື່ອງທີ່ອອກແບບມາ ເພື່ອປ່ຽນແນວຄິດກ່ຽວກັບການສຶກສາ.

ທ່ານ ນາງ ວາເນັດຊາ ເຮັກກາທີ ເລຂາເອກສະຖານທູດອົສຕຣາລີ ໄດ້ອະທິບາຍເຖິງແຜນໂຄສະນາວ່າ: “ຜ່ານເລື່ອງຈິງ ແລະ ການມີສ່ວນຮ່ວມຂອງຊຸມຊົນທີ່ມີຄວາມໝາຍ, ພວກເຮົາແນໃສ່ຊຸກຍູ້ໃຫ້ນັກຮຽນເຂົ້າໂຮງຮຽນ, ຮັບປະກັນໃຫ້ຜູ້ປົກຄອງໄດ້ຮັບຜົນປະໂຫຍດດ້ານການສຶກສາຕະຫຼອດຊີວິດ ແລະ ສະເຫຼີມສະຫຼອງບົດບາດທີ່ຂາດບໍ່ ໄດ້ຂອງຄູໃນການສອນໃຫ້ເດັກທີ່ຈະເປັນຜູ້ນຳຂອງລາວໃນອະນາຄົດ. ລັດຖະບານອົສຕຣາລີ ຮູ້ສຶກເປັນກຽດທີ່ໄດ້ເຮັດ ວຽກຮ່ວມກັບກະຊວງ ສສກ ໃນແຜນໂຄສະນາການສຶກສາທີ່ສຳຄັນນີ້.”

ວິດີໂອທຳອິດແມ່ນບົດເລື່ອງ “ສອງເສັ້ນທາງ” ໄດ້ຮັບການຕອບຮັບເປັນຢ່າງດີ ຊຶ່ງອອກອາກາດຕອນເປີດສົກ ຮຽນໃໝ່. ເລື່ອງນີ້ສະແດງໃຫ້ເຫັນເຖິງອະນາຄົດຂອງໄວໜຸ່ມທີ່ເລືອກການສຶກສາ ແລະ ຜູ້ທີ່ບໍ່ໄດ້ສຶກສາຮຽນຕໍ່, ເນັ້ນ ໃຫ້ເຫັນເຖິງວິທີການສຶກສາ ເຮັດໃຫ້ຄົນມີທັກສະການຄົ້ນຄິດແບບວິເຄາະ, ຄວາມຮູ້ກ່ຽວກັບຕົນເອງ ແລະ ໂລກ ແລະ ຄວາມສາມາດໃນການສ້າງໂອກາດໃຫ້ກັບຕົນເອງ. ສຳລັບບົດເລື່ອງທີສອງມີຊື່ວ່າ: “ຄຸນຄ່າຂອງຄູ”. ໃນບົດເລື່ອງນີ້ມີ ບົດບາດເດັ່ນ ສ່ອງແສງເຖິງການອຸທິດຕົນຂອງຜູ້ເຮັດວຽກໃນຂະແໜງການສຶກສາ ສະທ້ອນໃຫ້ເຫັນສິ່ງທ້າທາຍທີ່ຄູ ພົບພໍ້ຜ່ານມາ.

ທ່ານ ວົງເພັດ ອຸດົມລິດ ກ່າວຕື່ມອີກວ່າ: ພວກເຮົາວາງແຜນທີ່ຈະອອກອາກາດວິດີໂອນີ້ ໃນວັນຄູແຫ່ງຊາດ ເພື່ອເປັນກຽດໃຫ້ຜູ້ເຮັດວຽກໃນຂະແໜງການສຶກສາ ແລະ ຍໍ້າຕໍ່ສັງຄົມວ່າການສິດສອນຂອງຄູສາມາດປ່ຽນອະນາຄົດ ຂອງນັກຮຽນໄດ້.”

ຂ່າວ: ບີຄວາ