ຂ່າວລະບຸວ່າ: ການເຄື່ອນໄຫວນີ້ຖືເປັນຂີດໝາຍສຳຄັນໃນຂະບວນການກໍ່ສ້າງຂອບກົດໝາຍຮອບດ້ານ ແລະ ໂປ່ງໃສໃຫ້ແກ່ຂະແໜງ AI ຢູ່ EU. ບັນດາຜູ້ທີ່ລົງນາມລວມມີບັນດາວິສາຫະກິດຂ້າມຊາດເຊັ່ນດຽວກັບວິສາຫະກິດຂະໜາດກາງ ແລະ ນ້ອຍ (SME) ຈາກຂະແໜງການຕ່າງໆເຊັ່ນ: ເຕັກໂນໂລຊີຂໍ້ມູນຂ່າວສານ, ໂທລະຄົມ, ສາທາລະນະສຸກ, ການທະນາຄານ, ລົດຍົນ ແລະ ການບິນ.
ສົນທິສັນຍາ AI ມີຈຸດປະສົງເພື່ອຊ່ວຍໃຫ້ບໍລິສັດປະຕິບັດຕາມກົດໝາຍ AI ຂອງ EU, ເຖິງແມ່ນວ່າກົດໝາຍຍັງບໍ່ທັນມີຜົນບັງຄັບໃຊ້ຢ່າງເປັນທາງການ. ຈຸດປະສົງຂອງສົນທິສັນຍາແມ່ນເພື່ອຊຸກຍູ້ໃຫ້ວິສາຫະກິດເລີ່ມຕົ້ນນໍາໃຊ້ຫຼັກການຂອງກົດໝາຍວ່າດ້ວຍ AI ແລະ ເພີ່ມທະວີການຮ່ວມມືລະຫວ່າງຫ້ອງການ AI ຂອງ EU ແລະພາກສ່ວນກ່ຽວຂ້ອງ, ລວມທັງບໍລິສັດ, ອົງກອນ ແລະ ບຸກຄົນຂອງອົງການຈັດຕັ້ງສັງຄົມ ແລະ ບັນດາສະຖາບັນການສຶກສາ.
ບັນດາບໍລິສັດທີ່ເຂົ້າຮ່ວມສົນທິສັນຍາ AI ຂອງ EU ໃຫ້ຄຳໝັ້ນສັນຍາຈະປະຕິບັດຢ່າງໜ້ອຍສາມມາດຕະການເພື່ອຮັບປະກັນການປະຕິບັດຕາມລະບຽບການ ແລະ ການພັດທະນາ AI ແບບຍືນຍົງ. ທໍາອິດ, ບັນດາບໍລິສັດຈະພັດທະນາຍຸດທະສາດການຄຸ້ມຄອງ AI, ສະເໜີມາດຕະການເພື່ອສົ່ງເສີມການຮັບຮອງເອົາ AI ມານຳໃຊ້ພາຍໃນອົງກອນແລະກະກຽມສໍາລັບການປະຕິບັດຕາມກົດໝາຍວ່າດ້ວຍ AI ຢ່າງເຕັມທີ່ໃນອະນາຄົດ.
ຄໍາເຫັນ