, ໂດຍໃຫ້ກຽດເຂົ້າຮ່ວມຂອງ ທ່ານ ຄູນ ສັກບົວວົງ ອະທິການບໍດີ ມຂ ແລະ ແຂກຖືກເຊີນເຂົ້າຮ່ວມ.
ການເຊັນສັນຍາຄັ້ງນີ້, ທັງສອງສະຖາບັນການສຶກສາຈະໄດ້ຮ່ວມມືກັນໃນການສົ່ງເສີມ ແລະພັດທະນາການຮຽນ-ການສອນພາສາຈີນສຳລັບນັກສຶກສາ, ສ້າງ ແລະ ເພີ່ມທັກສະບຸກຄະລາກອນ, ສ້າງໂອກາດໃນການຊອກວຽກເຮັດງານທຳໃນອະນາຄົດ, ສົ່ງເສີມການຮຽນ-ການສອນພາສາຈີນໃນມະຫາວິທະຍາໄລຢ່າງມີປະສິດທິພາບ, ພັດທະນາຫຼັກສູດການຮຽນ-ການສອນພາສາຈີນທີ່ທັນສະໄໝ ຕັ້ງແຕ່ອະນຸບານຈົນເຖິງມັດທະຍົມຕອນປາຍ, ເປີດໂອກາດໃຫ້ຄູສອນ ແລະ ນັກສຶກສາໄດ້ພັດທະນາພາສາຈີນຜ່ານການປະຕິບັດຕົວຈິງເຊັ່ນ: ການສົນທະນາ ຫຼື ກິດຈະກຳທາງດ້ານວັດທະນະທຳລະຫວ່າງສອງຝ່າຍ. ໃນນັ້ນ, ໃນສັນຍາຍັງໄດ້ເວົ້າເຖິງຜົນປະໂຫຍດຂອງແຕ່ລະຝ່າຍ ຊຶ່ງຜົນປະໂຫຍດຂອງມະຫາວິທະຍາໄລສະຫວັນນະເຂດຈະໄດ້ຮັບ 15% ຂອງມູນຄ່າທີ່ເກັບໄດ້ຈາກ ຄ່າຮຽນ ແລະ ຄ່າລົງທະບຽນທັງໝົດ, ນະໂຍບາຍຄ່າຮຽນ ສຳລັບລູກຫຼານຂອງຄູ-ອາຈານພາຍໃນມະຫາວິທະຍາໄລສະຫວັນນະເຂດ, ພະນັກງານ ແລະ ຄູສອນ ໄດ້ຮັບການຍົກລະດັບດ້ານພາສາ ແລະ ທຶນການສຶກສາຢູ່ ສປ ຈີນ. ໃຫ້ກຽດລົງນາມສັນຍາຄັ້ງນີ້ ໂດຍມີທ່ານ ຄູນ ສັກບົວວົງ ແລະ ທ່ານ ຊູຊຸ່ນຮົງ ຜູ້ອຳນວຍການໂຮງຮຽນມິດຕະພາບວຽງຈັນ.
(ແຫຼ່ງຂ່າວ: ແຂວງສະຫວັນນະເຂດ)
ຄໍາເຫັນ