ໄຊສົມບູນ ສໍາເລັດການແຂ່ງຂັນກິລາບານເຕະ ແລະ ກິລາເປຕັງ ຊິງຂັນທ່ານເຈົ້າແຂວງ

ການແຂ່ງຂັນກິລາຄັ້ງນີ້, ປະເພດກິລາບານເຕະ ມີທັງໝົດ 20 ທີມ ຄື: ລຸ້ນອາວຸໂສ ມີ 6 ທີມ, ລຸ້ນທົ່ວໄປ ມີ 14 ທີມ ແລະ ກິລາເປຕັງມີ ທັງໝົດ 62 ທີມ, ຍິງ 21 ທີມ. ໃນນີ້, ການແຂ່ງຂັນແມ່ນເລີ່ມແຕ່ ວັນທີ່ 22 ສິງຫາ-ວັນທີ 7 ກັນຍາ 2025. ຜ່ານການແຂ່ງຂັນ: ກິລາບານເຕະຫຸ່ນອາວຸໂສ ທີ່ 1 ທີມຂາແຂງເທດສະບານແຂວງ ໄດ້ຮັບເງິນ 3 ລ້ານກີບ ພ້ອມຂັນໜຶ່ງໜ່ວຍ, ທີ 2 ເມືອງທ່າໂທມ ໄດ້ຮັບເງິນ 2 ລ້ານກີບ, ທີ 3 ໄດ້ແກ່ທີມອາວຸໂສ ກອງບັນຊາການທະຫານແຂວງ ໄດ້ຮັບເງິນ 1 ລ້ານ 5 ແສນກີບ, ຊາວໜຸ່ມຫຸ່ນທົ່ວໄປ ທີ່ 1 ທີມ ກອງບັນຊາທະຫານແຂວງ ໄດ້ຮັບເງິນ 4 ລ້ານກີບ ພ້ອມຂັນໜຶ່ງໜ່ວຍ, ທີ 2 ທີມ ກອງພັນໃຫຍ່ 101 ໄດ້ຮັບເງິນ 3 ລ້ານກີບ, ທີ 3 ທີມຮ້ານສ້ອມແປງ ເອັມຊີ ໄດ້ຮັບເງິນ 2 ລ້ານກີບ. ສໍາລັບກິລາເປຕັງຍິງ: ທີ 1 ທີມກອງພັນໃຫຍ່ 101 ໄດ້ຮັບເງິນ 3 ລ້ານກີບ ພ້ອມຂັນ 1 ໜ່ວຍ, ທີ 2 ທີມກອງພັນໃຫຍ່ 101 ໄດ້ຮັບເງິນ 2 ລ້ານກີບ, ທີ 3 ທີມກອງບັນຊາການປ້ອງກັນຄວາມສະຫງົບ ໄດ້ຮັບເງິນ 1 ລ້ານ 5 ແສນກີບ. ເປຕັ່ງຊາຍ: ທີ 1 ທີມກອງພັນໃຫຍ່ 101 ໄດ້ຮັບເງິນ 3 ລ້ານກີບ ພ້ອມຂັນ 1 ໜ່ວຍ, ທີ 2 ທີມທະນາຄານສົ່ງເສີມກະສິກໍາ ໄດ້ຮັບເງິນ 2 ລ້ານກີບ, ທີ 3 ທີມກອງບັນຊາການທະຫານແຂວງ ໄດ້ຮັບເງິນ 1 ລ້ານ 5 ແສນກີບ. ໂດຍການຂຶ້ນມອບຂັນ ແລະ ເງິນລາງວັນຂອງ ທ່ານ ພອຍຄໍາ ຮຸ່ງບຸນຍວງ ເລຂາຄະນະບໍລິຫານງານພັກແຂວງ ເຈົ້າແຂວງໄຊສົມບູນ, ທ່ານ ຕົ່ງມົວ ຊົວໂກ້ ຄະນະປະຈຳພັກແຂວງ ຮອງເຈົ້າແຂວງໄຊສົມບູນ, ທ່ານ ທອງວັນ ທໍາມະວົງ ຄະນະປະຈໍາພັກແຂວງ ຫົວໜ້າຄະນະຈັດຕັ້ງແຂວງ ແລະ ທ່ານ ຢົງຢີ ລີເຍ່ຍວື ຫົວໜ້າພະແນກສຶກສາທິການ ແລະ ກິລາແຂວງ ໄດ້ຜັດປ່ຽນກັນມອບລາງວັນຕາມລໍາດັບ.

(ພາບ-ຂ່າວ: ຟອງ ນໍນິນທາ)