ທີ່ຫ້ອງປະຊຸມຂອງຕົນ ໂດຍການເປັນປະທານຂອງທ່ານ ຕົ່ງມົວ ຊົວໂກ້ ຮອງເຈົ້າແຂວງໄຊສົມບູນ ປະທານສະມາຄົມກິລາ-ກາຍຍະກຳ ແຂວງ ພ້ອມດ້ວຍຄະນະຊີ້ນຳລວມ, ຄູຝຶກ ແລະ ພາກສ່ວນກ່ຽວຂ້ອງເຂົ້າຮ່ວມ.
ທ່ານ ຢົງຢີ ລີເຍ່ຍວື ຫົວໜ້າພະແນກສຶກສາທິການ ແລະ ກິລາ ແຂວງ ໃຫ້ຮູ້ວ່າ: ການແຂ່ງຂັນກິລານັກຮຽນມັດທະຍົມສຶກສາຄັ້ງນີ້, ແຂວງໄຊສົມບູນ ໄດ້ນໍາສົ່ງທິມນັກກິລາເຂົ້າຮ່ວມແຂ່ງຂັນມີ 7 ປະເພດນັກກິລາ ຄື: ກິລາແລ່ນລານ, ກິລາບານເຕະ, ກິລາບານສົ່ງ, ກິລາກະຕໍ້, ກິລາເປຕັງ, ກິລາໜ້າເກັກ ແລະ ກິລາໝາກເສິກ. ຜ່ານການແຂ່ງຂັນຕົວຈິງ ທິມນັກກິລາ ແຂວງໄຊສົມບູນ ສາມາດຍາດໄດ້ 1 ຫຼຽນທອງ ຈາກປະເພດກິລາໝາກເສິກ ໃນຈຳນວນ 7 ປະເພດກິລາ ທີ່ສົ່ງເຂົ້າຮ່ວມແຂ່ງຂັນ. ຈາກນັ້ນ ຕາງໜ້າແຕ່ລະສະມາຄົມນັກກິລາ ແລະ ທຸກພາກສ່ວນທີ່ກ່ຽວຂ້ອງ ໄດ້ຜັດປ່ຽນກັນລາຍງານຜົນຂອງການແຂ່ງຂັນ ໃນທິິມນັກກິລາທີ່ຕົນຮັບຜິດຊອບ ພ້ອມທັງຂໍ້ສະດວກ, ຂໍ້ຫຍຸ້ງຍາກ, ສິ່ງທ້າທາຍ ທີ່ພົບພໍ້ໃນການແຂ່ງຂັນຕົວຈິງ. ຂະນະດຽວກັນ ກໍໄດ້ປະກອບຄຳຄິດ-ຄຳເຫັນຫຼາຍບັນຫາ ດ້ວຍບັນຍາກາດຄຶກຂຶມ ແລະ ສ້າງສັນ ບົນພື້ນຖານຄວາມເປັນເອກະພາບ ທັງນີ້ກໍເພື່ອພ້ອມກັນຕີລາຄາຜົນຈາກການແຂ່ງຂັນ ແນໃສ່ສະຫຼຸບຖອດຖອນບົດຮຽນ ພ້ອມທັງນຳມາເປັນປະສົບການ ເພື່ອນຳໄປປັບປຸງແກ້ໄຂໃນຈຸດທີ່ຍັງເຫັນວ່າ ຍັງບໍ່ທັນໄດ້ຮັບການພັດທະນາເທົ່າທີ່ຄວນ ເພື່ອເຮັດໃຫ້ການແຂ່ງຂັນໃນຕໍ່ໜ້າ ມີເຕັກນິກທີ່ຄ່ອງແຄ້ວດີຂຶ້ນກວ່າເກົ່າ.
ໂອກາດດັ່ງກ່າວ, ທ່ານ ຕົ່ງມົວ ຊົວໂກ້ ໄດ້ເນັ້ນໜັກໃຫ້ທຸກສະມາຄົມນັກກິລາ ແລະ ພາກສ່ວນທີ່ກ່ຽວຂ້ອງ ຈົ່ງນຳເອົາບົດຮຽນ ກໍຄືປະສົບການຈາກການແຂ່ງຂັນ ທີ່ແຂວງສາລະວັນເທື່ອນີ້ ມາປັບປຸງແກ້ໄຂແຕ່ລະທິມນັກກິລາ ຂອງແຂວງໄຊສົມບູນ ໃຫ້ໄດ້ຮັບການພັດທະນາດີຂຶ້ນຕາມລຳດັບ ເພື່ອຮັບປະກັນໃຫ້ແກ່ການນຳສົ່ງນັກກິລາ ໄປແຂ່ງຂັນໃນຄັ້ງຕໍ່ໄປ ໃຫ້ມີຄວາມກຽມພ້ອມຢ່າງຮອບດ້ານ ແລະ ນຳໄປຈັດຕັ້ງປະຕິບັດຕົວຈິງ ໃຫ້ມີປະສິດທິພາບ.
(ຂ່າວ: ນາງ ສີສຸດາ ແສນວິໄລ)
ຄໍາເຫັນ