ຊາວ​ນາ​ເມືອງ​ບໍ່​ແຕນໄດ້​ຮັບ​ຜົນ​ກະ​ທົບ​ຈາກ​ໄພ​ທຳ​ມະ​ຊາດ-ສັດ​ຕູ​ພືດ

ຕາມການລະຍງານຂອງທ່ານນາຍບ້ານໜອງໃຫຍ່ແລະ ບ້ານນ້ຳພຽງ ໃຫ້ຮູ່ວ່າ: ບ້ານໜອງໃຫຍ່ ມີເນື້ອທີ່ນາທັງມົດ 53.93 ເຮັກຕາມາຮອດປັດຈຸບັນນາທີ່ຍັງບໍ່ໄດ້ປັກດຳມີ 16.86 ເຮັກຕາມີຄອບຄົວທີ່ຖືກຜົນກະທົບທັງໝົດ 31 ຄອບຄົວ; ບ້ານນ້ຳພຽງມີເນື້ອທີ່ນາທັງໝົດ 33.87 ເຮັກຕາ, ໃນນີ້ເນື້ອທີ່ນາບໍ່ໄດ້ປັກດຳ 3.69 ເຮັກຕາ, ມີ 13ຄອບຄົວ,ສາເຫດທີ່ບໍ່ໄດ້ປັກດຳແມ່ນນາທີ່ບໍ່ມີຊົນລະປະທານ ໂດຍອາໄສນ້ຳຝົນຈາກທຳມະຊາດ,ສະນັ້ນທາງຄະນະພັກອົງການປົກຄອງເມືອງຈຶ່ງໄດ້ລົງຕິດຕາມແລະຊຸກຍູ້ປະຊາຊົນຜູ້ໄດ້ຮັບຜົນກະທົບໃຫ້ຫັນເອົາຕອນດິນດັ່ງກ່າວເຮັດນາຢອດແລະປູກພືດຊະນິດອື່ນແທນເປັນຕົ້ນແມ່ນຖົ່ວດິນ,ສາລີແຂງ.

ຈາກນັ້ນກໍໄດ້ລົງຕິດຕາມການລະບາດຂອງສັດຕູພືດເປັນຕົ້ນແມ່ນເພ້ຍລົງນາເຂົ້າຂອງປະຊາຊົນບ້ານຕົ້ນຕານ ເຊິ່ງມີຄອບຄົວທີ່ໄດ້ຮັບຜົນກະທົບທັງໝົດ 4 ຄອບຄົວ, ມີເນື້ອທີ່ນາຖືກຜົນກະທົບ 2.75 ເຮັກຕາ, ຈາກນັ້ນທາງອົງການປົກຄອງເມືອງຈຶ່ງໄດ້ນຳເອົາຢາຂ້າສັດຕູພືດມອບໃຫ້ຄອບຄົວຜູ້ທີ່ໄດ້ຮັບຜົນກະທົບ.

ຂ່າວ-ພາບ:ສາຍຄຳ ບຸນຍາວົງ