 |
ທ່ານ ພັນມະນີ ເພັງພັກດີ ເລຂາຄະນະບໍລິຫານງານຊາວໜຸ່ມຮາກຖານພະແນກ ຮສສ ນວ ກ່າວວ່າ: ຜ່ານການຈັດຕັ້ງປະຕິບັດ ແລະ ການປະເມີນກວດກາ 4 ບຸກ ໃນສົກປີ 2025 ຄະນະຊາວໜຸ່ມປະຊາຊົນ ປະຕິ ວັດລາວ ຮາກຖານພະແນກ ຮສສ ນວ ສາມາດສັງລວມດ້ານດີຕັ້ງໜ້າ ແລະ ຂໍ້ຄົງຄ້າງໄດ້ດັ່ງນີ້: ບຸກດ້ານແນວຄິດ ໂດຍຢຶດໝັ້ນທັດສະນະຊີ້ນຳຂອງພັກທີ່ວ່າ ຖືເອົາວຽກງານສຶກສາອົບຮົມການເມືອງ-ແນວຄິດເປັນກົກ ບົນພື້ນຖານດັ່ງກ່າວ ໄດ້ສົມທົບກັບຄະນະພັກໃນຂັ້ນຂອງຕົນ, ອົງການຈັດຕັ້ງຕ່າງໆໂດຍນຳເອົາແນວທາງນະໂຍ ບາຍມະຕິຄຳສັ່ງຂອງພັກ, ຂໍ້ກຳນົດລະບຽບກົດໝາຍຂອງລັດ, ມູນເຊື້ອຂອງຊາດຂອງພັກ, ຂໍ້ແຂ່ງຂັນ “ຮັກຊາດ ແລະ ພັດທະນາ” ແນໃສ່ເຮັດໃຫ້ພະນັກງານ-ລັດຖະກອນ ປະກອບສ່ວນຢ່າງຕັ້ງໜ້າ ເພື່ອສ້າງໃຫ້ປະຊາຊົນລາວບັນດາເຜົ່າມີສະຕິຕໍ່ຊາດ ສະຕິເປັນເອກະພາບ ເປັນເຈົ້າຕົນເອງ ມີຈິດໃຈປະຢັດມັດຖະຢັດ ມີຄວາມດຸໝັ່ນ ຄົ້ນຄ້ວາຮໍ່າຮຽນ ດຸໝັ່ນໃນການອອກແຮງງານ ຍົກສູງສະຕິຕື່ນຕົວ ມີນ້ຳໃຈບຸກບືນ ແລະ ສ້າງໃຫ້ມີຕົວແບບທີ່ດີເດັ່ນກ້າວໜ້າ ຕິດພັນກັບຂໍ້ແຂ່ງຂັນ 4 ບຸກຂອງຄະນະຊາວໜຸ່ມລາວ.
ບຸກດ້ານການຝຶກຝົນຫຼໍ່ຫຼອມ ຮໍ່າຮຽນ, ຄະນະບໍລິຫານງານຊາວໜຸ່ມປະຊາຊົນ ປະຕິວັດລາວ ຮາກຖານ ແລະ ໜ່ວຍຮາກຖານ ໄດ້ສ້າງເງື່ອນໄຂໃຫ້ສະມາຊິກຊາວໜຸ່ມໃນຄວາມຮັບຜິດຊອບຂອງຕົນ, ໄດ້ຄົ້ນຄ້ວາຮ່ຳ ຮຽນທິດສະດີ ແນວທາງຂອງພັກ ແນວຄິດໄກສອນ ພົມວິຫານ, ວິທະຍາສາດເຕັກນິກ, ເຕັກໂນໂລຊີທີ່ກ້າວໜ້າ ວິຊາສະເພາະ, ວິຊາຊີບ ເພື່ອຍົກລະດັບຄວາມຮູ້-ຄວາມສາມາດຢູ່ເລື້ອຍໆ ພ້ອມທັງຮ່ຳຮຽນມູນເຊື້ອປະຫວັດ ສາດຂອງຊາດ ຂອງພັກ ຂອງຄະນະຊາວໜຸ່ມປະຊາຊົນ ປະຕິວັດລາວ. ບຸກດ້ານວຽກງານການຈັດຕັ້ງ ເອົາໃຈ ໃສ່ປັບປຸງການຈັດຕັ້ງໃຫ້ໜັກແໜ້ນເຂັ້ມແຂງ ໃນແຕ່ລະໜ່ວຍມີການເຄື່ອນໄຫວຕາມພາລະບົດບາດ ແລະ ໄດ້ເປີດກອງປະຊຸມໃຫຍ່ຄະນະຊາວໜຸ່ມປະຊາຊົນ ປະຕິວັດລາວ, ຮາກຖານພະແນກ ຮສສ ຄັ້ງທີ VIII ສໍາເລັດໃນເດືອນກໍລະກົດ 2024. ບຸກດ້ານວິຊາຊີບ-ສ້າງວຽກເຮັດງານທໍາ ເອົາໃຈໃສ່ສົ່ງເສີມໃຫ້ຄະນະຊາວໜຸ່ມ ສະມາ ຊິກຊາວໝຸ່ມຂອງພະແນກ ຮສສ ນວ ຈໍານວນໜຶ່ງ ນອກຈາກເຮັດວຽກປົກກະຕິມີລາຍໄດ້ນອກຈາກເງິນເດືອນແລ້ວ ຍັງໃຊ້ເວລາຫວ່າງໃຫ້ເປັນປະໂຫຍດ, ຊອກຫາວຽກເຮັດງານທຳເພີ່ມເພື່ອສ້າງເສດຖະກິດຄອບຄົວໃຫ້ດີຂຶ້ນ ແລະ ມີລາຍໄດ້ເສີມເຊັ່ນ: ປູກຝັງ-ລ້ຽງສັດ ສອນເພີ່ມ ເປີດຮ້ານຕັດຫຍິບ ຮ້ານເສີມສວຍ ຮ້ານຕັດຜົມຊາຍ ຄ້າຂາຍ ແລະ ອື່ນໆ.
 |
ສໍາລັບທິດທາງໃນຕໍ່ໜ້າ, ເພີ່ມທະວີຄວາມສາມັກຄີເປັນປຶກແຜ່ນຂອງຄະນະຊາວໜຸ່ມຮາກຖານ ສະມາ ຊິກຊາວໜຸ່ມຢ່າງໜັກແໜ້ນ ພາຍໃຕ້ການຊີ້ນໍາ-ນຳພາຂອງພັກ ເສີມຂະຫຍາຍບົດບາດ, ສິດ, ໜ້າທີ່ຂອງຊາວໜຸ່ມໃນຂັ້ນໜ່ວຍຂອງຕົນ, ປັບປຸງກົງຈັກການຈັດຕັ້ງຊາວໜຸ່ມ ໃຫ້ມີຄວາມໜັກແໜ້ນເຂັ້ມແຂງຮອບດ້ານສອດຄ່ອງກັບສະພາບຕົວຈິງຂອງສັງຄົມ ຮັບປະກັນໃຫ້ມີຄວາມສາມັກຄີ ແລະ ຄວາມສະຫງົບພາຍໃນຢ່າງມີປະສິດທິພາບ, ສ້າງໃຫ້ຊາວໜຸ່ມມີຄວາມເຂັ້ມແຂງໃນການປະກອບອາຊີບ ໂດຍຕິດພັນກັບການພັດທະນາຊັບ ພະຍາກອນມະນຸດ ໂດຍແນໃສ່ແກ້ໄຂຄວາມທຸກຍາກຂອງຊາວໜຸ່ມ ແລະ ສ້າງຄອບຄົວຕົວແບບໃນດ້ານຕ່າງໆ.
ໃນພິທີໄດ້ມອບໃບຢັ້ງຢືນ 4 ບຸກໃຫ້ຄະນະຊາວໜຸ່ມຮາກຖານຈໍານວນ 1 ໃບ, ໜ່ວຍຊາວໜຸ່ມຂຶ້ນກັບຈໍານວນ 3 ໜ່ວຍ ແລະ ມອບໃບຍ້ອງຍໍໃຫ້ສະມາຊິກຊາວໜຸ່ມດີເດັ່ນຈໍານວນ 32 ທ່ານ.
ໂອກາດນີ້, ທ່ານ ຫຸມແພງ ສີສົມບັດ ຮຽກຮ້ອງມາຍັງຖັນແຖວຊາວໜຸ່ມ ຕ້ອງເພີ່ມທະວີຄວາມເປັນປຶກແຜ່ນແໜ້ນໜາອ້ອມຂ້າງພັກ-ລັດ ຈົ່ງເຊີດຊູນໍາໃຈຮັກຊາດ ຮັກຄວາມເປັນເອກະລາດ ເປັນເຈົ້າຕົນເອງເທື່ອລະກ້າວຢ່າງໜັກແໜ້ນ, ມອບໃຫ້ຄະນະຊາວໜຸ່ມຮາກຖານພະແນກ ຮສສ ນວ ຄົ້ນຄວ້າຜັນຂະຫຍາຍເນື້ອໃນຕ່າງໆ ເຫຼົ່ານັ້ນ ໃຫັເປັນໂຄງການ ແຜນງານອັນລະອຽດໃນການຜັນຂະຫຍາຍຈັດຕັ້ງປະຕິບັດໃຫ້ເກີດດອກອອກຜົນ ແລະ ມີຜົນສໍາເລັດທີ່ຍິ່ງໃຫຍ່ ແລະ ສູງຂຶ້ນກວ່າເກົ່າ ໃຫ້ສົມກັບຄໍາເວົ້າຂອງປະທານ ໄກສອນ ພົມວິຫານ ທີ່ວ່າ: ບ່ອນໃດຍາກຊາວໜຸ່ມບຸກ ບ່ອນໃດທຸກຊາວໜຸ່ມຜ່ານຜ່າ ບ່ອນໃດຊາດຕ້ອງການ ຊາວໜຸ່ມຂານອາສາ.
ແຫຼ່ງຂ່າວ: ວຽງຈັນໃໝ່
ຄໍາເຫັນ