ທ່ານ ບຸນທົງ ຖິ່ນດອນໂຂງ ຮັກສາການຫົວໜ້າພະແນກຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ (ຖວທ) ແຂວງເຊກອງ ໄດ້ລາຍງານກ່ຽວກັບການກະກຽມຄວາມພ້ອມເປີດປີທ່ອງທ່ຽວລາວ 2024 ທີ່ແຂວງເຊກອງ ຕໍ່ກອງປະຊຸມສະໄໝສາມັນເທື່ອທີ 6 ຂອງສະພາປະຊາຊົນແຂວງເຊກອງ ຊຸດທີ II ໃນວັນທີ 3 ມັງກອນ 2024 ວ່າ: ພິທີເປີດປີທ່ອງທ່ຽວລາວ 2024 ທີ່ແຂວງເຊກອງ ແມ່ນຈະຈັດຂຶ້ນໃນທ້າຍເດືອນມັງກອນນີ້ ຕິດພັນກັບການຈັດງານບຸນປະເພນີ 10 ເຜົ່າ ເສົາຫຼັກເມືອງ ຊຶ່ງໄດ້ກະກຽມຄວາມພ້ອມ ໂດຍໄດ້ແຕ່ງຕັ້ງຄະນະຊີ້ນໍາ ແລະ ອະນຸກໍາມະການຕ່າງໆເຄື່ອນໄຫວຕິດຕາມ ກວດກາ ຊຸກຍູ້ ແລະ ຈັດຕັ້ງປະຕິບັດກິດຈະກໍາຕ່າງໆ ເປັນຕົ້ນ ຈັດງານປະກວດສິລະປະ-ວັນນະຄະດີ; ເຄື່ອນໄຫວເກັບກໍາ-ຂໍ້ມູນຂຶ້ນບັນຊີແຫຼງທ່ອງທ່ຽວ; ຊຸກຍູ້ການໂຄສະນາທ່າແຮງການທ່ອງທ່ຽວ; ຜະລິດປະຕິທິນງານບຸນປະເພນີບັນດາເຜົ່າ; ປັບປຸງຍົກລະດັບທາງການບໍລິການໃຫ້ແກ່ຫົວໜ່ວຍທຸລະກິດ, ຜູ້ປະກອບການສະຖານທີ່ພັກແຮມ, ຮ້ານອາຫານ ແລະ ຮ້ານກິນດື່ມ-ບັນເທີງ.
ທ່ານ ບຸນທົງ ຖິ່ນດອນໂຂງ ຍັງໃຫ້ຮູ້ຕື່ມວ່າ: ສໍາລັບປີທ່ອງທ່ຽວລາວ 2024 ຊຶ່ງນອກຈາກ ງານບຸນປະເພນີ 10 ເຜົ່າ ເສົາຫຼັກເມືອງແລ້ວ, ທາງແຂວງຍັງໄດ້ກຳນົດເອົາບັນດາກິດຈະກໍາຕ່າງໆໃນການຕ້ອນຮັບນັກທ່ອງທ່ຽວທີ່ເຂົ້າມາທ່ຽວຊົມ ເປັນຕົ້ນ ແມ່ນງານບຸນຊ່ວງເຮືອເມືອງລະມາມ; ບຸນສະຫຼອງຜົນສໍາເລັດຂອງເຜົ່າກະຕູບ້ານກັນດອນໃໝ່ເມືອງທ່າແຕງ; ບຸນຊ່ວງເຮືອ-ແພເມືອງດາກຈຶງ; ບຸນພາເຂົ້າໂດຍສານບ້ານຈະແຣະເມືອງກະລຶມ ແລະ ງານສະເຫຼີມສະຫຼອງວັນສ້າງ ຕັ້ງແຂວງເຊກອງ ຄົບຮອບ 40 ປີ ຊຶ່ງຄາດວ່າ ຈະມີນັກທ່ອງທ່ຽວເຂົ້າມາທ່ຽວຊົມໃນປີ 2024 ຈໍານວນ 50 ພັນຄົນ.
ປັດຈຸບັນທົ່ວແຂວງມີແຫຼງທ່ອງທ່ຽວທັງໝົດ 42 ແຫ່ງ. ໃນນີ້, ແຫຼ່ງທ່ອງທ່ຽວທໍາມະຊາດ 22 ແຫ່ງ, ວັດທະນະທໍາ 7 ແຫ່ງ, ປະຫວັດສາດ 9 ແຫ່ງ ແລະ ແຫຼ່ງທ່ອງທ່ຽວກະສິກໍາ 4ແຫ່ງ; ພ້ອມນີ້, ກໍຍັງມີສຖານທີ່ບໍລິການ ຄື: ໂຮງແຮມ 8 ແຫ່ງ, ເຮືອນພັກ 33 ແຫ່ງ, ຮ້ານອາຫານ 19 ແຫ່ງ ແລະ ຮ້ານບັນເທີງ 2 ແຫ່ງ; ຊຶ່ງນັບແຕ່ເດືອນມັງກອນ ຫາ ເດືອນພະຈິກ 2023 ມີນັກທ່ອງທ່ຽວເຂົ້າມາທ່ຽວແຂວງທັງໝົດ 48.379 ຄົນ. ໃນນີ້, ນັກທ່ອງທ່ຽວພາຍໃນ 29.534 ຄົນ ແລະ ນັກທ່ອງທ່ຽວຕ່າງປະເທດ 18.845 ຄົນ, ສາມາດສ້າງລາຍຮັບໄດ້ເກືອບ 3 ລ້ານໂດລາ.ຂ່າວ: ສັນຍາພາບ: ບູ້ສຸວັນ
ທ່ານ ບຸນທົງ ຖິ່ນດອນໂຂງ ຍັງໃຫ້ຮູ້ຕື່ມວ່າ: ສໍາລັບປີທ່ອງທ່ຽວລາວ 2024 ຊຶ່ງນອກຈາກ ງານບຸນປະເພນີ 10 ເຜົ່າ ເສົາຫຼັກເມືອງແລ້ວ, ທາງແຂວງຍັງໄດ້ກຳນົດເອົາບັນດາກິດຈະກໍາຕ່າງໆໃນການຕ້ອນຮັບນັກທ່ອງທ່ຽວທີ່ເຂົ້າມາທ່ຽວຊົມ ເປັນຕົ້ນ ແມ່ນງານບຸນຊ່ວງເຮືອເມືອງລະມາມ; ບຸນສະຫຼອງຜົນສໍາເລັດຂອງເຜົ່າກະຕູບ້ານກັນດອນໃໝ່ເມືອງທ່າແຕງ; ບຸນຊ່ວງເຮືອ-ແພເມືອງດາກຈຶງ; ບຸນພາເຂົ້າໂດຍສານບ້ານຈະແຣະເມືອງກະລຶມ ແລະ ງານສະເຫຼີມສະຫຼອງວັນສ້າງ ຕັ້ງແຂວງເຊກອງ ຄົບຮອບ 40 ປີ ຊຶ່ງຄາດວ່າ ຈະມີນັກທ່ອງທ່ຽວເຂົ້າມາທ່ຽວຊົມໃນປີ 2024 ຈໍານວນ 50 ພັນຄົນ.
ປັດຈຸບັນທົ່ວແຂວງມີແຫຼງທ່ອງທ່ຽວທັງໝົດ 42 ແຫ່ງ. ໃນນີ້, ແຫຼ່ງທ່ອງທ່ຽວທໍາມະຊາດ 22 ແຫ່ງ, ວັດທະນະທໍາ 7 ແຫ່ງ, ປະຫວັດສາດ 9 ແຫ່ງ ແລະ ແຫຼ່ງທ່ອງທ່ຽວກະສິກໍາ 4ແຫ່ງ; ພ້ອມນີ້, ກໍຍັງມີສຖານທີ່ບໍລິການ ຄື: ໂຮງແຮມ 8 ແຫ່ງ, ເຮືອນພັກ 33 ແຫ່ງ, ຮ້ານອາຫານ 19 ແຫ່ງ ແລະ ຮ້ານບັນເທີງ 2 ແຫ່ງ; ຊຶ່ງນັບແຕ່ເດືອນມັງກອນ ຫາ ເດືອນພະຈິກ 2023 ມີນັກທ່ອງທ່ຽວເຂົ້າມາທ່ຽວແຂວງທັງໝົດ 48.379 ຄົນ. ໃນນີ້, ນັກທ່ອງທ່ຽວພາຍໃນ 29.534 ຄົນ ແລະ ນັກທ່ອງທ່ຽວຕ່າງປະເທດ 18.845 ຄົນ, ສາມາດສ້າງລາຍຮັບໄດ້ເກືອບ 3 ລ້ານໂດລາ.ຂ່າວ: ສັນຍາພາບ: ບູ້ສຸວັນ
ຄໍາເຫັນ