ແຂວງເຊກອງເອົາໃຈໃສ່ປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຄວາມຫຍຸ້ງຍາກດ້ານເສດຖະກິດ-ການເງິນ ໂດຍສະເພາະ5 ວຽກຈຸດສຸມຄື: ສົ່ງເສີມການຜະລິດກະສິກຳເປັນສິນຄ້າສົ່ງອອກ ເພື່ອທົດແທນການນຳເຂົ້າ ແລະ ບໍລິການດ້ານການທ່ອງທ່ຽວ; ສ້າງຄວາມເຂັ້ມແຂງໃຫ້ການຈັດເກັບລາຍຮັບເຂົ້າງົບປະມານ; ສົ່ງເສີມການປະຢັດ, ຕ້ານການຟູມເຟືອຍ, ຍົກສູງປະສິດທິພາບການລົງທຶນ, ແກ້ໄຂໜີ້ສິນພາຍໃນ ແລະ ຕ່າງປະເທດ; ເອົາໃຈໃສ່ສ້າງສະຖຽນລະພາບດ້ານເງິນຕາ; ຍົກສູງປະສິດທິພາບການຄຸ້ມຄອງລັດ-ຄຸ້ມຄອງສັງຄົມດ້ວຍລະບຽບກົດໝາຍ.
ທ່ານ ຄຳປະກອນ ອຸເທນທະປັນຍາ ກ່າວວ່າ: ນັບແຕ່ປີ 2021 ຫາ 2023 ແຂວງໄດ້ນໍາເຂົ້າ-ສົ່ງອອກສິນຄ້າມີມູນຄ່າທັງໝົດ 421,25 ລ້ານໂດລາ. ໃນນີ້, ມູນຄ່າສົ່ງອອກບັນລຸ 274,34 ລ້ານໂດລາ ທຽບໃສ່ແຜນ 5 ປີ ປະຕິບັດໄດ້ລື່ນແຜນ 40,14% (ແຜນ 5 ປີ 195,75 ລ້ານໂດລາ) ແລະ ຄຸ້ມຄອງການນໍາເຂົ້າຢູ່ໃນລະດັບ 146,91 ລ້ານໂດລາ ທຽບໃສ່ແຜນ 5 ປີ ປະຕິບັດໄດ້ 97,86%; ເກັບລາຍຮັບເຂົ້າງົບປະມານ (2021 ຫາເດືອນ 10/2023) ໄດ້ 489,4 ຕື້ກີບ; ຜະລິດເຂົ້າໄດ້ 89.721 ໂຕນ; ພືດສະບຽງອາຫານ 77.364 ໂຕນ; ຜະລິດເປັນສິນຄ້າໄດ້ 728.923 ໂຕນ; ອອກໃບຕາດິນໄດ້ 9.478 ຕອນ; ຂຶ້ນສໍາໂນທີ່ດິນໄດ້ 3.921 ຕອນສັງລວມລົດລັດບໍລິຫານທົ່ວແຂວງ (ປະຕິບັດຕາມດໍາລັດ 599/ນຍ) ທັງໝົດຈໍານວນ 1.560 ຄັນ ພ້ອມທັງເອົາໃຈໃສ່ຕິດຕາມ, ກວດກາ, ຊຸກຍູ້ບັນດາໂຄງການດ້ານພະລັງງານ ແລະ ບໍ່ແຮ່ໃຫ້ດຳເນີນໄປຕາມລະບຽບກົດໝາຍ, ມີບາງໂຄງການດໍາເນີນການກໍ່ສ້າງ ແລະ ບາງໂຄງການສໍາເລັດສາມາດຜະລິດ-ສົ່ງອອກ; ຫັນການເກັບລາຍຮັບໄປສູ່ລະບົບທັນສະໄໝ, ດໍາເນີນມາດຕະການເພີ່ມລາຍຮັບ, ຄຸ້ມຄອງ-ຈໍາກັດລາຍຈ່າຍ, ສໍາຫຼວດຖານລາຍຮັບໃໝ່, ຊຸກຍູ້ຜັກດັນໃຫ້ຜູ້ປະກອບການ, ຫົວໜ່ວຍວິສາຫະກິດທຸກປະເພດຫັນມາຖືບັນຊີຖືກຕ້ອງ ເພື່ອກ້າວສູ່ການກວດສອບທີ່ໂປ່ງໃສ; ຫຼຸດຜ່ອນລາຍຈ່າຍທີ່ບໍ່ຈໍາເປັນ ຕາມນະໂຍບາຍປະຢັດ ແລະ ຕ້ານການຟູມເຟືອຍຂອງລັດຖະບານ; ສ້າງສະຖຽນລະພາບດ້ານເງິນຕາ, ຫັນການເບີກຈ່າຍຊໍາລະສະສາງເງິນຕາ ຜ່ານລະບົບທະນາຄານ, ນໍາໃຊ້ສະກຸນເງິນກີບ ແລະ ຈໍາກັດລະບົບການແລກປ່ຽນເງິນຕາແບບຊະຊາຍຜິດກົດໝາຍ; ສ້າງ ແລະ ປັບປຸງນິຕິກໍາລຸ່ມກົດໝາຍ, ຊຸກຍູ້ບັນດາພະແນກການ, ຫ້ອງການ ແລະ ອົງການທຽບເທົ່າປະຕິບັດໜ້າທີ່ວຽກງານໃຫ້ຖືກຕ້ອງ-ສອດຄ່ອງຕາມລະບຽບກົດໝາຍຢ່າງເຂັ້ມງວດ.
ທ່ານ ຄໍາປະກອນ ອຸເທນທະປັນຍາ ກ່າວຕື່ມອີກວ່າ: ເພື່ອສືບຕໍ່ແກ້ໄຂສະພາບຄວາມຫຍຸ້ງຍາກທາງດ້ານເສດຖະກິດ-ການເງິນໃຫ້ມີຜົນສໍາເລັດ, ມີປະສິດທິພາບ ແລະ ປະສິດທິຜົນນັ້ນ, ແຂວງຕ້ອງສືບຕໍ່ສົ່ງເສີມການສ້າງຖານການຜະລິດ-ທຸລະກິດ, ການບໍລິການ ແລະ ສ້າງຄວາມເຂັ້ມແຂງໃຫ້ຖານລາຍຮັບ ໂດຍເລີ່ມຈາກການກວດກາ ແລະ ຈັດຕັ້ງການຜະລິດດ້ວຍຫຼາຍຮູບແບບ, ຫຼາຍລະດັບແຕ່ຮາກຖານຂຶ້ນມາ; ສ້າງເງື່ອນໄຂເອື້ອອໍານວຍໃຫ້ແກ່ການຄ້າ, ການລົງທຶນເພື່ອຍູ້ແຮງການຜະລິດ ຕາມທິດສ້າງຄວາມເຂັ້ມແຂງໃຫ້ແກ່ການຜະລິດພາຍໃນ, ເພີ່ມການສົ່ງອອກໃຫ້ຫຼາຍຂຶ້ນ; ປັບປຸງກົນໄກສົ່ງເສີມດ້ວຍການຈັດລຽງບຸລິມະສິດ ແລະ ກຳນົດລາຍການສິນຄ້າທີ່ເປັນທ່າແຮງ ແລະ ເຂດທີ່ຈະຜະລິດຢ່າງລະອຽດ; ດຳເນີນມາດຕະການສົ່ງເສີມ ແລະ ປົກປ້ອງຜູ້ຜະລິດພາຍໃນຈາກຖານຜະລິດສູ່ຕະຫຼາດຊົມໃຊ້; ປະຕິບັດນະໂຍບາຍສົ່ງເສີມ ແລະ ພັດທະນາ SMEs ໃຫ້ເປັນຮູບປະທຳ; ຫັນການຄຸ້ມຄອງເສດຖະກິດໃຫ້ເປັນເຈົ້າຕົນເອງ, ເພິ່ງຕົນເອງ, ສ້າງຄວາມເຂັ້ມແຂງດ້ວຍຕົນເອງ, ເພີ່ມປະສິດທິພາບການຄຸ້ມຄອງລັດດ້ວຍກົດໝາຍ, ຫັນໄປສູ່ສັງຄົມການຜະລິດ, ສັງຄົນນໍາໃຊ້ເງິນກີບ; ແກ້ໄຂການຮົ່ວໄຫຼຂອງການຈັດເກັບງົບປະມານ, ດຳເນີນມາດຕະການເພີ່ມລາຍຮັບງົບປະມານເຂົ້າລັດໃຫ້ສູງຂຶ້ນ, ດຳເນີນມາດຕະການ, ວິທີການຊຸກຍູ້ ແລະ ສົ່ງເສີມໃຫ້ວິສາຫະກິດທຸກປະເພດ ຫັນມາຖືບັນຊີທີ່ຖືກຕ້ອງ ເພື່ອກ້າວສູ່ການກວດສອບທີ່ໂປ່ງໃສ; ສ້າງກົນໄກ ແລະ ປະຕິບັດມາດຕະການເດັດຂາດ, ເຂັ້ມງວດຕໍ່ພະນັກງານລັດ, ຜູ້ປະກອບການທີ່ເຮັດຜິດກົດໝາຍ ແລະ ລະບຽບວິໃນດ້ານແຜນການ-ການເງິນ; ເລັ່ງແກ້ໄຂບັນຫາໜີ້ສິນ ແລະ ດຳເນີນການກວດສອບ, ກວດກາ, ປະເມີນຜົນບັນດາໂຄງການລົງທຶນຂອງລັດ, ເອກະຊົນພາຍໃນ ແລະ ຕ່າງປະເທດທີ່ບໍ່ມີປະສິດທິພາບ-ປະສິດທິຜົນ; ແກ້ໄຂບັນຫາເງິນຕາດ້ວຍການຄວບຄຸມການຊື້-ຂາຍເງິນຕາ ແລະ ການຊຳລະສະສາງຜ່ານລະບົບທະນາຄານ, ມີມາດຕະການໃຫ້ບໍລິສັດ ແລະ ຜູ້ປະກອບການ ຕ້ອງຊຳລະຊະສາງເປັນສະກຸນເງິນກີບ, ເງິນຕາ, ຜ່ານທະນາຄານພາຍໃນ; ແກ້ໄຂໜີ້ສິນສາທາລະນະດ້ວຍການບໍລິຫານຈັດການຢ່າງເປັນລະບົບ ແລະ ມີປະສິດທິພາບ.
ຂ່າວ-ພາບ: ສັນຍາ
ທ່ານ ຄຳປະກອນ ອຸເທນທະປັນຍາ ກ່າວວ່າ: ນັບແຕ່ປີ 2021 ຫາ 2023 ແຂວງໄດ້ນໍາເຂົ້າ-ສົ່ງອອກສິນຄ້າມີມູນຄ່າທັງໝົດ 421,25 ລ້ານໂດລາ. ໃນນີ້, ມູນຄ່າສົ່ງອອກບັນລຸ 274,34 ລ້ານໂດລາ ທຽບໃສ່ແຜນ 5 ປີ ປະຕິບັດໄດ້ລື່ນແຜນ 40,14% (ແຜນ 5 ປີ 195,75 ລ້ານໂດລາ) ແລະ ຄຸ້ມຄອງການນໍາເຂົ້າຢູ່ໃນລະດັບ 146,91 ລ້ານໂດລາ ທຽບໃສ່ແຜນ 5 ປີ ປະຕິບັດໄດ້ 97,86%; ເກັບລາຍຮັບເຂົ້າງົບປະມານ (2021 ຫາເດືອນ 10/2023) ໄດ້ 489,4 ຕື້ກີບ; ຜະລິດເຂົ້າໄດ້ 89.721 ໂຕນ; ພືດສະບຽງອາຫານ 77.364 ໂຕນ; ຜະລິດເປັນສິນຄ້າໄດ້ 728.923 ໂຕນ; ອອກໃບຕາດິນໄດ້ 9.478 ຕອນ; ຂຶ້ນສໍາໂນທີ່ດິນໄດ້ 3.921 ຕອນສັງລວມລົດລັດບໍລິຫານທົ່ວແຂວງ (ປະຕິບັດຕາມດໍາລັດ 599/ນຍ) ທັງໝົດຈໍານວນ 1.560 ຄັນ ພ້ອມທັງເອົາໃຈໃສ່ຕິດຕາມ, ກວດກາ, ຊຸກຍູ້ບັນດາໂຄງການດ້ານພະລັງງານ ແລະ ບໍ່ແຮ່ໃຫ້ດຳເນີນໄປຕາມລະບຽບກົດໝາຍ, ມີບາງໂຄງການດໍາເນີນການກໍ່ສ້າງ ແລະ ບາງໂຄງການສໍາເລັດສາມາດຜະລິດ-ສົ່ງອອກ; ຫັນການເກັບລາຍຮັບໄປສູ່ລະບົບທັນສະໄໝ, ດໍາເນີນມາດຕະການເພີ່ມລາຍຮັບ, ຄຸ້ມຄອງ-ຈໍາກັດລາຍຈ່າຍ, ສໍາຫຼວດຖານລາຍຮັບໃໝ່, ຊຸກຍູ້ຜັກດັນໃຫ້ຜູ້ປະກອບການ, ຫົວໜ່ວຍວິສາຫະກິດທຸກປະເພດຫັນມາຖືບັນຊີຖືກຕ້ອງ ເພື່ອກ້າວສູ່ການກວດສອບທີ່ໂປ່ງໃສ; ຫຼຸດຜ່ອນລາຍຈ່າຍທີ່ບໍ່ຈໍາເປັນ ຕາມນະໂຍບາຍປະຢັດ ແລະ ຕ້ານການຟູມເຟືອຍຂອງລັດຖະບານ; ສ້າງສະຖຽນລະພາບດ້ານເງິນຕາ, ຫັນການເບີກຈ່າຍຊໍາລະສະສາງເງິນຕາ ຜ່ານລະບົບທະນາຄານ, ນໍາໃຊ້ສະກຸນເງິນກີບ ແລະ ຈໍາກັດລະບົບການແລກປ່ຽນເງິນຕາແບບຊະຊາຍຜິດກົດໝາຍ; ສ້າງ ແລະ ປັບປຸງນິຕິກໍາລຸ່ມກົດໝາຍ, ຊຸກຍູ້ບັນດາພະແນກການ, ຫ້ອງການ ແລະ ອົງການທຽບເທົ່າປະຕິບັດໜ້າທີ່ວຽກງານໃຫ້ຖືກຕ້ອງ-ສອດຄ່ອງຕາມລະບຽບກົດໝາຍຢ່າງເຂັ້ມງວດ.
ທ່ານ ຄໍາປະກອນ ອຸເທນທະປັນຍາ ກ່າວຕື່ມອີກວ່າ: ເພື່ອສືບຕໍ່ແກ້ໄຂສະພາບຄວາມຫຍຸ້ງຍາກທາງດ້ານເສດຖະກິດ-ການເງິນໃຫ້ມີຜົນສໍາເລັດ, ມີປະສິດທິພາບ ແລະ ປະສິດທິຜົນນັ້ນ, ແຂວງຕ້ອງສືບຕໍ່ສົ່ງເສີມການສ້າງຖານການຜະລິດ-ທຸລະກິດ, ການບໍລິການ ແລະ ສ້າງຄວາມເຂັ້ມແຂງໃຫ້ຖານລາຍຮັບ ໂດຍເລີ່ມຈາກການກວດກາ ແລະ ຈັດຕັ້ງການຜະລິດດ້ວຍຫຼາຍຮູບແບບ, ຫຼາຍລະດັບແຕ່ຮາກຖານຂຶ້ນມາ; ສ້າງເງື່ອນໄຂເອື້ອອໍານວຍໃຫ້ແກ່ການຄ້າ, ການລົງທຶນເພື່ອຍູ້ແຮງການຜະລິດ ຕາມທິດສ້າງຄວາມເຂັ້ມແຂງໃຫ້ແກ່ການຜະລິດພາຍໃນ, ເພີ່ມການສົ່ງອອກໃຫ້ຫຼາຍຂຶ້ນ; ປັບປຸງກົນໄກສົ່ງເສີມດ້ວຍການຈັດລຽງບຸລິມະສິດ ແລະ ກຳນົດລາຍການສິນຄ້າທີ່ເປັນທ່າແຮງ ແລະ ເຂດທີ່ຈະຜະລິດຢ່າງລະອຽດ; ດຳເນີນມາດຕະການສົ່ງເສີມ ແລະ ປົກປ້ອງຜູ້ຜະລິດພາຍໃນຈາກຖານຜະລິດສູ່ຕະຫຼາດຊົມໃຊ້; ປະຕິບັດນະໂຍບາຍສົ່ງເສີມ ແລະ ພັດທະນາ SMEs ໃຫ້ເປັນຮູບປະທຳ; ຫັນການຄຸ້ມຄອງເສດຖະກິດໃຫ້ເປັນເຈົ້າຕົນເອງ, ເພິ່ງຕົນເອງ, ສ້າງຄວາມເຂັ້ມແຂງດ້ວຍຕົນເອງ, ເພີ່ມປະສິດທິພາບການຄຸ້ມຄອງລັດດ້ວຍກົດໝາຍ, ຫັນໄປສູ່ສັງຄົມການຜະລິດ, ສັງຄົນນໍາໃຊ້ເງິນກີບ; ແກ້ໄຂການຮົ່ວໄຫຼຂອງການຈັດເກັບງົບປະມານ, ດຳເນີນມາດຕະການເພີ່ມລາຍຮັບງົບປະມານເຂົ້າລັດໃຫ້ສູງຂຶ້ນ, ດຳເນີນມາດຕະການ, ວິທີການຊຸກຍູ້ ແລະ ສົ່ງເສີມໃຫ້ວິສາຫະກິດທຸກປະເພດ ຫັນມາຖືບັນຊີທີ່ຖືກຕ້ອງ ເພື່ອກ້າວສູ່ການກວດສອບທີ່ໂປ່ງໃສ; ສ້າງກົນໄກ ແລະ ປະຕິບັດມາດຕະການເດັດຂາດ, ເຂັ້ມງວດຕໍ່ພະນັກງານລັດ, ຜູ້ປະກອບການທີ່ເຮັດຜິດກົດໝາຍ ແລະ ລະບຽບວິໃນດ້ານແຜນການ-ການເງິນ; ເລັ່ງແກ້ໄຂບັນຫາໜີ້ສິນ ແລະ ດຳເນີນການກວດສອບ, ກວດກາ, ປະເມີນຜົນບັນດາໂຄງການລົງທຶນຂອງລັດ, ເອກະຊົນພາຍໃນ ແລະ ຕ່າງປະເທດທີ່ບໍ່ມີປະສິດທິພາບ-ປະສິດທິຜົນ; ແກ້ໄຂບັນຫາເງິນຕາດ້ວຍການຄວບຄຸມການຊື້-ຂາຍເງິນຕາ ແລະ ການຊຳລະສະສາງຜ່ານລະບົບທະນາຄານ, ມີມາດຕະການໃຫ້ບໍລິສັດ ແລະ ຜູ້ປະກອບການ ຕ້ອງຊຳລະຊະສາງເປັນສະກຸນເງິນກີບ, ເງິນຕາ, ຜ່ານທະນາຄານພາຍໃນ; ແກ້ໄຂໜີ້ສິນສາທາລະນະດ້ວຍການບໍລິຫານຈັດການຢ່າງເປັນລະບົບ ແລະ ມີປະສິດທິພາບ.
ຂ່າວ-ພາບ: ສັນຍາ
ຄໍາເຫັນ