 |
ທ່ານ ຄຳວຽນ ສີຫານາດ ກຳມະການພັກແຂວງ ຫົວໜ້າຫ້ອງວ່າການແຂວງ ໄດ້ຜ່ານຄຳສັ່ງ ສະບັບເລກທີ06/ນຍ, ລົງວັນທີ7ມີນາ2026 ວ່າດ້ວຍການຕິດຕາມ, ກວດກາ ແລະ ແກ້ໄຂບັນຫາ ແຮ່ຄຳຕົກຂ້ອນ, ຫີນແລະ ຊາຍ ຕາມບັນດາສາຍນ້ຳ, ຮ່ອງຫ້ວຍ ແລະ ຄຸ້ມຄອງການຂຸດຄົ້ນແຮ່ທາດຕ່າງໆ ໃນຂອບເຂດທົ່ວປະເທດ; ຄຳສັ່ງ ສະບັບເລກທີ46/ນຍ, ລົງວັນທີ13ເມສາ2026 ວ່າດ້ວຍການຕ້ານ ແລະ ສະກັດກັ້ນ ການລັກລອບຂຸດຄົ້ນ, ປຸງແຕ່ງ, ເກັບຊື້-ຂາຍ, ນຳເຂົ້າ-ສົ່ງອອກແຮ່ທາດ ແລະ ຜະລິດຕະພັນແຮ່ທາດຕ່າງໆ ທີ່ບໍ່ຖືກຕ້ອງຕາມກົດໝາຍ ແລະ ລະບຽບການ ໃນຂອບເຂດທົ່ວປະເທດ; ຄຳສັ່ງສະບັບເລກທີ47/ນຍ, ລົງວັນທີ31ກໍລະກົດ2026 ວ່າດ້ວຍການເພີ່ມທະວີຄວາມເຂັ້ມງວດ ໃນການຄຸ້ມຄອງນ້ຳໜັກລົດບັນທຸກ ແລະ ມາດຕະການປັບໄໝ, ລົງວິໄນ, ລົງໂທດຕໍ່ຜູ້ລະເມີດບັນທຸກນ້ຳໜັກເກີນກຳນົດ; ຄຳສັ່ງສະບັບເລກທີ32/ນຍ, ລົງວັນທີ12ທັນວາ2025 ວ່າດ້ວຍການເພີ່ມທະວີສະກັດກັ້ນ ແລະ ແກ້ໄຂອາດສະຍາກຳທາງດ້ານອິນເຕີເນັດ, ການພະນັນອອນລາຍ, ຄຳສັ່ງສະບັບເລກທີ2117/ປກສ, ລົງວັນທີ10ກໍລະກົດ2026 ວ່າດ້ວຍການຄຸ້ມຄອງ ການແກ້ໄຂບັນຫາສະແກມເມີ ແລະ ການຫຼີ້ນພະນັນອອນລາຍ, ຄຳສັ່ງສະບັບເລກທີ16/ປກສ, ລົງວັນທີ16ກໍລະກົດ2026 ວ່າດ້ວຍການຈັດຕັ້ງຜັນຂະຫຍາຍຄຳສັ່ງຂອງນາຍົກລັດຖະມົນຕີ ວ່າດ້ວຍການເກັບກູ້ອາວຸດປືນ ແລະ ວັດຖຸລະເບີດ.
ໂອກາດນີ້ທ່ານພົນຈັດຕະວາ ສີວັນທາ ເພຍສະຂາ ໄດ້ມີຄຳເຫັນໂອ້ລົມ ເຊິ່ງທ່ານໄດ້ກ່າວວ່າ: ທຸກພາກສ່ວນຈົ່ງພ້ອມກັນຈັດຕັ້ງປະຕິບັດ ຕາມຄຳສັ່ງຂອງສູນກາງ ແລະ ຂອງແຂວງ ວາງອອກ ຢ່າງແຂງແຮງ, ມີສະຕິ ຕໍ່ມາດຕະການ ລະບຽບກົດໝາຍ, ເປັນເຈົ້າການ ກວດກາ ຕິດຕາມ ໃຫ້ຂໍ້ມູນແກ່ພາກສ່ວນທີ່ກ່ຽວຂ້ອງ ເພື່ອດຳເນີນມາດຕະການ ແລະ ແກ້ໄຂໃຫ້ທັນເວລາ, ຈົ່ງເຜີຍແຜ່ບັນດາຄຳສັ່ງດັ່ງກ່າວ ໃຫ້ຮັບຮູ້ທຸກທົ່ວໜ້າ ແລະ ພ້ອມກັນຈັດຕັ້ງປະຕິບັດ, ຢຸດຕິການລັກລອບຂຸດຄົ້ນແຮ່ ແລະ ບັນທຸກນ້ຳໜັກເກີນກຳນົດ, ມີສະຕິ ເປັນເຈົ້າການໃນການສະກັດກັ້ນ ຕ້ານອາດສະຍາກຳໄຊເບີ ແລະ ການຫຼີ້ນເກມ ພະນັນອອນລາຍ, ຈົ່ງໃຫ້ການຮ່ວມມືໃນການເກັບກູ້ອາວຸດປືນ ແລະ ວັດຖຸລະເບີດ, ຊ່ວຍກັນປົກປັກຮັກສາຄວາມສະຫົງບໃຫ້ເຂັ້ມແຂງຂື້ນເລື້ອຍໆ.
ຂ່າວ: ບຸນມີ ແສງທຸມມີ
ຄໍາເຫັນ