ຊີວະປະຫວັດ ພະນະທ່ານ ມິນ ອອງ ລາຍ

11:10 03/07/2026

1. ຊື່: ພະນະທ່ານ ມິນ ອອງ ລາຍ(H.E. U Min Aung Hlaing) 2. ຕຳແໜ່ງປັດຈຸບັນ: ປະທານາທິບໍດີ 3. ສາສະໜາ: ພຸດ 4. ການສຶກສາທາງທະຫານ:

- ວິທະຍາຄານປ້ອງກັນຊາດກອງທັບ (Defence Services Academy) ລະດັບປະລິນຍາຕີວິທະຍາສາດການທະຫານ (B.Sc.)

- ວິທະຍາໄລບັນຊາ-ເສນາທິການກອງທັບ (Command and General Staff College)

- ວິທະຍາໄລປ້ອງກັນຊາດ (National Defence College) ລະດັບປະລິນຍາໂທ ສາຂາການສຶກສາດ້ານການປ້ອງກັນປະເທດ (M.A. Defence Studies)

5. ຕຳແໜ່ງທີ່ເຄີຍດຳລົງ

- ເຄີຍໄດ້ຖືກແຕ່ງຕັ້ງລົງຮັບໜ້າທີ່ຫຼາຍຕຳແໜ່ງໃນກົມກອງທະຫານຮາບ

- ອາຈານສອນ ຢູ່ ວິທະຍາໄລບັນຊາ-ເສນາທິການກອງທັບ

- ຜູ້ບັນຊາການກອງພົນທະຫານຮາບ

- ຜູ້ບັນຊາການໂຮງຮຽນນາຍຮ້ອຍກອງທັບ

- ປະທານສະພາສັນຕິພາບ ແລະ ພັດທະນາລັດຣາຄິນ (2004–2005) ຄວບຄູ່ກັບຕຳແໜ່ງຜູ້ບັນຊາການທະຫານພາກຕາເວັນຕົກ

- ປະທານສະພາສັນຕິພາບ ແລະ ພັດທະນາລັດຊານຕາເວັນອອກ (2005–2008) ຄວບຄູ່ກັບຕຳແໜ່ງຜູ້ບັນຊາການພາກສາມຫຼ່ຽມຄຳ

- ຜູ້ບັນຊາການສຳນັກງານກອງປະຕິບັດການພິເສດ

- ຫົວໜ້າເສນາທິການກອງທັບ (ກອງທັບບົກ, ກອງທັບເຮືອ ແລະ ກອງທັບອາກາດ)

- ຜູ້ບັນຊາການທະຫານສູງສຸດກອງທັບມຽນມາ (2011–2026)

- ປະທານສະພາບໍລິຫານແຫ່ງລັດ (State Administration Council) (2021–2025)

- ນາຍົກລັດຖະມົນຕີ ແຫ່ງສາທາລະນະລັດສະຫະພາບມຽນມາ (2021–2025)

- ປະທານຄະນະກຳມະການຄວາມໝັ້ນຄົງ ແລະ ສັນຕິພາບແຫ່ງລັດ (ກໍລະກົດ 2025 – ມີນາ 2026)

- ປະທານາທິບໍດີຮັກສາການ (ສິງຫາ 2025 – ມີນາ 2026)

- ປະທານາທິບໍດີ (10 ເມສາ 2026 – ປັດຈຸບັນ)

6. ຫຼຽນໄຊກຽດຕິຄຸນ ພາຍໃນປະເທດ

- ທິງກະຫະ (Thingaha) (2012)

- ທະເຣ ສີທູ (Thray Sithu) (2012)

- ມະຫາ ທະເຣ ສີທູ (Maha Thray Sithu) (2017)

- ທະໂດ ມະຫາ ທະເຣ ສີທູ (Thado Maha Thray Sithu) (2022)

- ທະໂດ ທິຣິ ທຸດດຳມະ (Thado Thiri Thudhamma) (2022)

- ອັກຄະ ມະຫາ ທິຣິ ທຸດດຳມະ (Agga Maha Thiri Thudhamma) (2026)

- ອັກຄະ ມະຫາ ທະເຣ ສີທູ (Agga Maha Thray Sithu) (2026)

7. ນາມມະຍົດທາງສາສະໜາ

- ໄດ້ຮັບນາມມະຍົດ “ມະຫາ ມິງກະລາ ທຳມະ ໂຊຕິກະ ທາຊະ” ຈາກສະມາຄົມພຸດທະສາສະນິກະຊົນຊາຍໜຸ່ມ (YMBA) (2019)

- ໄດ້ຮັບນາມມະຍົດ “ທະໂດ ທິຣິ ອັກຄະ ມະຫາ ມິງກະລາ ໂຊຕິກະ” ຈາກ YMBA (2020)

- ໄດ້ຮັບສົມນາມ “ອັກຄະ ມະຫາ ມິງກະລາ ທຳມະ ໂຊຕິກະທາຊະ” ຈາກ YMBA (2020)

8. ຫຼຽນ, ລາງວັນ, ນາມມະຍົດທີ່ໄດ້ຮັບ

- ເຄື່ອງ ຣາຊະອິດຊະຣິຍາພອນ ປຣະຖະມາພອນມົງກຸດໄທ ໃນປີ 2013

- ລາງວັນກຽດຕິຄຸນຄວາມກ້າຫານ ຊັ້ນໜຶ່ງ ຂອງ ກອງທັບມາເລເຊຍ ໃນປີ 2013

- ເຄື່ອງ ຣາຊະອິດຊະຣິຍາພອນ ປຣະຖະມາພອນຊ້າງເຜືອກ ໃນປີ 2018

- ປະລິນຍາດຸດສະດີກິດຕິມະສັກ (Honoris Causa) ຈາກສະຖາບັນສຶກສາຕາເວັນອອກ ສັງກັດສະຖາບັນວິທະຍາສາດຣັດເຊຍ (2020)

- ສາດສະດາຈານກິດຕິມະສັກ ວິທະຍາໄລການທະຫານຣັດເຊຍ (2021)

- ຫຼຽນໄຊ Alexander Nevsky ຂອງສະຫະພັນຣັດເຊຍ (2023)

- ປະລິນຍາດຸດສະດີກິດຕິມະສັກ ປະລິນຍາເອກສາຂາບໍລິຫານລັດ (Doctor of Public Administration, Honoris Causa) ຈາກມະຫາວິທະຍາໄລຢ່າງກຸ້ງ (2026)

9. ສະຖານະຄອບຄົວ

- ແຕ່ງງານແລ້ວ

10. ຖານະລູກ

- ມີລູກຊາຍ 1 ຄົນ ແລະ ລູກສາວ 1 ຄົນ

11. ກິດຈະກຳຍາມຫວ່າງ

- ອ່ານປຶ້ມ, ຫຼິ້ນກິລາກ໊ອບ ແລະ ຍ່າງ.

ລາຄາອາຫານໂລກໃນເດືອນກັນຍາເພີ່ມຂຶ້ນສູ່ລະດັບສູງສຸດໃນຮອບເກືອບ 4 ປີ

05/10/2026 12:08

ສຳນັກຂ່າວສານຊິນຮວາລາຍງານໃນທ້າຍອາທິດ ຜ່ານມາວ່າ: ອົງການອາຫານ ແລະ ການກະເສດ ແຫ່ງສະຫະປະຊາຊາດ (FAO) ລາຍງານວ່າ, ດັດຊະນີລາຄາອາຫານທົ່ວໂລກໃນເດືອນກັນຍາ ສະເລ່ຍຢູ່ທີ່ 136.0 ຈຸດ, ເພີ່ມຂຶ້ນຈາກໂຕເລກເດືອນສິງຫາທີ່ໄດ້ຮັບການປັບປຸງໃໝ່ທີ່ 134.0 ຈຸດ. ໂດຍເປັນການເພີ່ມຂຶ້ນສູ່ລະດັບສູງສຸດໃນຮອບເກືອບ 4 ປີ, ນັບຕັ້ງແຕ່ເດືອນພະຈິກ 2022, ທ່າມກາງບັນຫາດ້ານການຂົນສົ່ງ ແລະ ຄວາມກັງວົນກ່ຽວກັບສະພາບອາກາດ. ດັດຊະນີລາຄາມາດຕະຖານສຳລັບທັນຍາພືດ, ນ້ຳຕານ ແລະ ນ້ຳມັນພືດ ໄດ້ເພີ່ມຂຶ້ນໃນເດືອນກັນຍາ ຜ່ານມາ, ໃນຂະນະທີ່ລາຄາຊີ້ນ ແລະ ຜະລິດຕະພັນນົມຫຼຸດລົງ.

ໃນເດືອນກັນຍາ ພາກຕາເວັນອອກຂອງຍີ່ປຸ່ນປະເຊີນກັບຝົນຕົກໜັກ

05/10/2026 12:05

ຂ່າວສານຊິນຮວາລາຍງານຫວ່າງມໍ່ໆມານີ້ວ່າ: ອົງການອຸຕຸນິຍົມວິທະຍາຍີ່ປຸ່ນລາຍງານວ່າ, ພາກຕາເວັນອອກຂອງຍີ່ປຸ່ນມີຝົນຕົກໜັກຫຼາຍກວ່າສອງເທົ່າຂອງປະລິມານນ້ຳຝົນສະເລ່ຍໃນເດືອນກັນຍາ ຊຶ່ງສູງທີ່ສຸດນັບຕັ້ງແຕ່ມີການເກັບກຳຂໍ້ມູນໃນປີ 1946. ໃນຂະນະດຽວກັນ, ຈຳນວນຊົ່ວໂມງທີ່ມີແສງແດດໃນເດືອນດັ່ງກ່າວໄດ້ຫຼຸດລົງຕໍ່າສຸດ ມີພຽງແຕ່ປະມານເຄິ່ງໜຶ່ງຂອງລະດັບປົກກະຕິເທົ່ານັ້ນ.

ອັດຕາເງິນເຟີ້ຂອງເຂດທີ່ໃຊ້ເງິນເອີໂຣ ເພີ່ມຂຶ້ນສູ່ລະດັບສູງສຸດໃນຮອບ 3 ປີ

05/10/2026 12:03

ວິທະຍຸ, ໂທລະພາບສູນກາງຈີນ (CMG) ລາຍງານໃນວັນທີ 4 ຕຸລາ ຜ່ານມາວ່າ: ຂໍ້ມູນເບື້ອງຕົ້ນທີ່ອົງການສະຖິຕິສະຫະພາບເອີຣົບ ເປີດເຜີຍໃນວັນທີ 2 ຕຸລາຜ່ານມາ ສະແດງໃຫ້ເຫັນວ່າ: ຍ້ອນໄດ້ຮັບຜົນກະທົບຈາກລາຄາພະລັງງານທີ່ເພີ່ມສູງຂຶ້ນຢ່າງຫຼວງຫຼາຍ, ອັດຕາເງິນເຟີ້ຂອງເຂດທີ່ໃຊ້ເງິນເອີໂຣໃນເດືອນກັນຍາໄດ້ເພີ່ມຂຶ້ນເປັນ 3.8%, ເພີ່ມຂຶ້ນ 0.6% ຈາກລະດັບ 3.2% ໃນເດືອນສິງຫາຜ່ານມາ ຊຶ່ງເປັນລະດັບສູງສຸດນັບແຕ່ເດືອນກັນຍາປີ 2023 ເປັນຕົ້ນມາ.

ເສັ້ນທາງສາຍໄໝທາງທະເລໃນສະຕະວັດທີ 21 ກວມເອົາ 100 ກວ່າປະເທດ

05/10/2026 12:00

ວິທະຍຸ, ໂທລະພາບສູນກາງຈີນ (CMG) ລາຍງານວ່າ: ວັນທີ 3 ຕຸລາ ຜ່ານມາ ແມ່ນວັນຄົບຮອບ 13 ປີແຫ່ງການສະເໜີຂໍ້ລິເລີ່ມຮ່ວມກັນສ້າງ “ເສັ້ນທາງສາຍໄໝທາງທະເລໃນສະຕະວັນທີ 21”. ການກໍ່ສ້າງເສັ້ນທາງສາຍໄໝທາງທະເລສາຍນີ້ໄດ້ຊຸກຍູ້ການຮ່ວມມືດ້ານເສດຖະກິດການຄ້າລະຫວ່າງຈີນກັບບັນດາປະເທດໃນພາກພື້ນ ເຊັ່ນ: ອາຊີຕາເວັນອອກສ່ຽງໃຕ້, ອາຟຣິກາ ແລະ ອາເມຣິກາລາຕິນ ຢ່າງມີປະສິດທິຜົນ ແລະ ກ້າວຂຶ້ນສູ່ລະດັບໃໝ່ຢ່າງບໍ່ຢຸດຢັ້ງ.

ນາຍົກລັດຖະມົນຕີຫວຽດນາມເນັ້ນ ຕ້ອງຕັດສິນໃຈບຸກທະລຸ ໃນໄລຍະສຸດທ້າຍ

05/10/2026 11:57

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 3 ຕຸລາ ຜ່ານມາ ທີ່ນະຄອນຫຼວງຮ່າໂນ້ຍ, ໂດຍການເປັນປະທານກອງປະຊຸມລັດຖະບານປະຈຳເດືອນກັນຍາ ປີ 2026 ແລະ ກອງປະຊຸມທາງໄກກັບບັນດາກະຊວງ, ຂະ ແໜງການ, 34 ແຂວງ ແລະ ນະຄອນ. ທ່ານ ເລມິງຮຶງ ນາຍົກລັດຖະມົນຕີຫວຽດນາມ ຊີ້ໃຫ້ເຫັນຢ່າງຈະແຈ້ງເຖິງຄວາມກົດດັນໃນໄຕມາດທີ 4 ແມ່ນໃຫຍ່ຫຼວງທີ່ສຸດ, ຕ້ອງຕັດສິນໃຈບຸກທະລຸໃນໄລຍະສຸດທ້າຍ ແລະ ແມ່ນຈຸດເວລາທີ່ມີຄວາມໝາຍຕັດສິນ ເຖິງການປະຕິບັດສຳເລັດເປົ້າໝາຍຂອງທັງປີກໍຄືທັງອາຍຸການ.

ປະຊາກອນເສືອມາເລ ເລີ່ມຟື້ນຕົວຫຼັງຈາກມາເລເຊຍເພີ່ມຄວາມພະຍາຍາມອະນຸລັກ

02/10/2026 13:01

ສຳນັກຂ່າວສານຊິນຮວາລາຍງານໃນວັນທີ 30 ກັນຍາ ຜ່ານມາວ່າ: ກະຊວງຊັບພະຍາກອນທຳມະຊາດ ແລະ ຄວາມຍືນຍົງດ້ານສິ່ງແວດລ້ອມຂອງມາເລເຊຍ ໄດ້ເປີດເຜີຍວ່າ, ໂຄງການອະນຸລັກຟື້ນຟູປະຊາກອນເສືອມາເລໄດ້ບັນລຸຜົນໃນທາງບວກ ຫຼັງຈາກມາເລເຊຍດຳເນີນມາດຕະການຫຼາຍຢ່າງຕັ້ງແຕ່ປີ 2021 ເຊັ່ນ: ການຍົກລະດັບການບັງຄັບໃຊ້ກົດໝາຍເພື່ອປາບປາມການຄ້າຂາຍສັດປ່າ, ພ້ອມທັງການຕິດຕາມກວດກາ ແລະ ຟື້ນຟູປະຊາກອນເສືອ ແລະ ສັດປ່າ.

ປະຊາກອນຍີ່ປຸ່ນ ຫຼຸດລົງ 2.5% ລະຫວ່າງປີ 2020 - 2025

02/10/2026 13:00

ສຳນັກຂ່າວສານຊິນຮວາລາຍງານໃນວັນທີ 30 ກັນຍາ ຜ່ານມາວ່າ: ກະຊວງພາຍໃນ ແລະ ການສື່ສານຂອງຍີ່ປຸ່ນໄດ້ເປີດເຜີຍຜົນຂອງການສຳຫຼວດສຳມະໂນຄົວປີ 2025 ຊຶ່ງຊີ້ໃຫ້ເຫັນວ່າປະຊາກອນທັງໝົດຂອງຍີ່ປຸ່ນ, ລວມທັງຊາວຕ່າງປະເທດ, ມີປະມານ 122.97 ລ້ານຄົນ ເມື່ອນັບມາຮອດວັນທີ 1 ຕຸລາ 2025, ຫຼຸດລົງປະມານ 3.17 ລ້ານຄົນ ຫຼື 2.5%, ຈາກປີ 2020.

ດັດຊະນີການປະດິດສ້າງຂອງຈີນຢູ່ອັນດັບ 10 ຂອງໂລກ

02/10/2026 12:57

ວິທະຍຸ, ໂທລະພາບສູນກາງຈີນ (CMG) ລາຍງານໃນວັນທີ 1 ຕຸລາ ຜ່ານມາວ່າ: ອົງການຊັບສິນທາງປັນຍາໂລກໄດ້ເຜີຍແຜ່ “ບົດລາຍງານດັດຊະນີການປະດິດສ້າງທົ່ວໂລກ 2026” ສະແດງໃຫ້ເຫັນວ່າ, ໂຕເລກດັດຊະນີການປະດິດສ້າງຂອງຈີນຢູ່ອັນດັບທີ 10 ຂອງໂລກ ຊຶ່ງເທົ່າທຽມກັບປີ 2025.

ເດືອນກັນຍາ ອຸດສາຫະກຳເຕັກໂນໂລຊີດີຈີຕອນຫວຽດນາມ ເຕີບໂຕ 36%

02/10/2026 12:52

ວິທະຍຸກະຈາຍສຽງຫວຽດນາມລາຍງານໃນວັນທີ 30 ກັນຍາ ຜ່ານມາວ່າ: ເດືອນກັນຍາ ປີ 2026, ລາຍຮັບຈາກອຸດສາຫະກຳເຕັກໂນໂລຊີດີຈີຕອນ ເພີ່ມຂຶ້ນ 36% ເມື່ອທຽບກັບໄລຍະດຽວກັນໃນປີ 2025. ນີ້ແມ່ນຂໍ້ມູນ ໂດຍກະຊວງວິທະຍາສາດ ແລະ ເຕັກໂນໂລຊີ ຫວຽດນາມ ຍົກອອກມາໃນກອງປະຊຸມຖະແຫຼງຂ່າວປະຈຳເດືອນກັນຍາ 2026 ທີ່ຈັດຂຶ້ນໃນວັນທີ 30 ກັນຍາ ຜ່ານມາ ຢູ່ນະຄອນຫຼວງຮ່າໂນ້ຍ.

ໄພນ້ຳຖ້ວມຢູ່ໄທເຮັດໃຫ້ມີຜູ້ເສຍຊີວິດ 24 ຄົນ

01/10/2026 11:15

ວິທະຍຸ, ໂທລະພາບສູນກາງຈີນ (CMG) ລາຍງານວ່າ: ຫວ່າງມໍ່ໆມານີ້, ຝົນຕົກໜັກຢ່າງຕໍ່ເນື່ອງເຮັດໃຫ້ເກີດໄພນ້ຳຖ້ວມຢູ່ປະເທດໄທ, ໃນວັນທີ 30 ກັນຍາ ຜ່ານມາ, ກົມປະຊາສຳພັນ ສຳນັກນາຍົກລັດຖະມົນຕີໄທໄດ້ອອກຂ່າວໂດຍລະບຸວ່າ, ໄພນ້ຳຖ້ວມເທື່ອນີ້ໄດ້ເຮັດໃຫ້ມີຜູ້ເສຍຊີວິດ 24 ຄົນ, ຫຼາຍລ້ານຄົນປະສົບໄພ, ກະທົບເຖິງນະຄອນຫຼວງບາງກອກ ແລະ ອີກ 31 ແຂວງ.

ເພີ່ມເຕີມ