ຊົມເຊີຍ ຟ້ອນລຳວົງລາວ ຖືກຮັບຮອງເປັນ ມໍລະດົມໂລກ ທາງດ້ານວັດທະນະທຳ ນາມມະທຳ

ທາງດ້ານວັດທະນະທຳ ນາມມະທຳຂອງມວນມະນຸດ ຊຶ່ງງານດັ່ງກ່າວ ໄດ້ຈັດຂຶ້ນໃນວັນທີ 5 ທັນວາ 2024 ຜ່ານມາ ທີ່ແຂວງອາຊັນຊົງ ປະເທດປາຣາໄກວ.

ໃນໂອກາດທີ່ ຟ້ອນລຳວົງລາວ ຖືກຮັບຮອງເປັນມໍຣະດົກໂລກຄັ້ງນີ້, ທ່ານ ສອນໄຊ ສີພັນດອນ ນາຍົກ ລັດຖະມົນຕີແຫ່ງ ສປປ ລາວ ໄດ້ຕາງໜ້າລັດຖະບານ ແລະ ປະຊາຊົນລາວບັນດາເຜົ່າ ມີຄໍາເຫັນສະແດງຄວາມຍິນດີເປັນຢ່າງຍິ່ງ ຕໍ່ການປະກາດຮັບຮອງເອົາການຂຶ້ນທະບຽນ “ ຟ້ອນລໍາວົງລາວ ” ເປັນມໍລະດົກໂລກໃນຄັ້ງນີ້, ອັນໄດ້ເຮັດໃຫ້ປະຊາຊົນລາວບັນດາເຜົ່າ ແລະ ສັງຄົມລາວ ໄດ້ສືບທອດຢ່າງພາກພູມ ແລະ ມີກຽດ, ເປັນປັດໄຈສຳຄັນໃນການອະນຸລັກຮັກສາມໍລະດົກ ແລະ ຄວາມຫຼາກຫຼາຍທາງວັດທະນະທຳ ທີ່ພວມປະເຊີນໜ້າກັບການຈະເລີນເຕີບໂຕຂອງໂລກາພິວັດ ຢ່າງຕໍ່ເນື່ອງ, ທັງເປັນປັດໄຈຄໍ້າປະກັນການຍືນຍົງຄົງຕົວ ຂອງຊາດລາວຕະຫຼອດໄປ.

ຟ້ອນລຳວົງລາວ ກາຍເປັນໜຶ່ງໃນການສະແດງອອກເຖິງ ວິຖີຊີວິດຂອງປະຊາຊົນບັນດາເຜົ່າ ຊາວຜູ້ອອກແຮງງານ ທີ່ໄດ້ສະສົມເປັນເອກະລັກໄປຕາມແຕ່ລະທ້ອງຖິ່ນ, ໄດ້ຮັບການຖ່າຍທອດຈາກບັນພະບູລຸດ ແລະ ສືບທອດຈາກຮຸ່ນຄົນໜຶ່ງສູ່ຮຸ່ນຄົນໜຶ່ງຢ່າງຕໍ່ເນື່ອງ ແລະ ໄດ້ຮັບການປະດິດແຕ່ງ, ປັບປຸງ ແລະ ດັດປັບໃຫ້ເຂົ້າກັບສະພາບແວດລ້ອມສັງຄົມອັນໃໝ່, ມີສາຍກ່ຽວພັນກັບທໍາມະຊາດອ້ອມຂ້າງ ແລະ ບົນພື້ນຖານປະຫວັດສາດຂອງຊຸມຊົນເຊື້ອຊາດລາວ ຈຶ່ງເຮັດໃຫ້ຊຸມຊົນເຫຼົ່ານີ້ຮັບຮູ້ ແລະ ສືບທອດເອກະລັກວັດທະນະທໍາຂອງຕົນ ເຮັດໃຫ້ມີການພັດທະນາຢ່າງຕໍ່ເນື່ອງ ແລະ ມີຄຸນຄ່າທາງດ້ານຈິດໃຈ.