ທ່ານເຈິ່ນແທັງເໝິນປະທານສະພາແຫ່ງຊາດຫວຽດນາມໄດ້ເປັນປະທານການເຮັດວຽກກັບຜູ້ປະຈຳການກຳມາທິການເສດຖະກິດ; ກຳມາທິການການເງິນ, ງົບປະມານ; ກຳມາທິການວິທະຍາສາດ, ເຕັກໂນໂລຊີແລະສິ່ງແວດລ້ອມຂອງສະພາແຫ່ງຊາດຫວຽດນາມ.
ທ່ານເຈິ່ນແທັງເໝິນກ່າວຄຳເຫັນວ່າ:ໃນໄລຍະກວ່າເຄິ່ງອາຍຸການຜ່ານມາ, 3 ກຳມາທິການດັ່ງກ່າວໄດ້ພະຍາຍາມປະຕິບັດສຳເລັດຫຼາຍໜ້າທີ່ທີ່ສຳຄັນ, ຕອບສະໜອງຄວາມຄືບໜ້າແລະຄຸນນະພາບຂອງວຽກງານທີ່ໄດ້ຮັບການມອບໝາຍດ້ວຍຫຼາຍເນື້ອໃນທີ່ຍາກ, ສັບສົນ, ວຽກດ່ວນຫຼືເກີດຂຶ້ນໃໝ່ໃນທຸກຂົງເຂດເຄື່ອນໄຫວ.
ໃນກອງປະຊຸມບັນດາຜູ້ແທນໄດ້ຮັບຟັງປະທານກຳມາທິການລາຍງານກ່ຽວກັບການເຄື່ອນໄຫວຕ່າງໆຂອງຕົນນັບແຕ່ຕົ້ນອາຍຸການຊຸດທີXV ມາຮອດປັດຈຸບັນ. ບັນດາກຳມາທິການໄດ້ຮັບໃຊ້ສະພາແຫ່ງຊາດພິຈາລະນາ, ຕັດສິນຫຼາຍເນື້ອໃນສຳຄັນ, ສົ່ງຜົນກະທົບຢ່າງເລິກເຊິ່ງ, ຮອບດ້ານເຖິງຊີວິດເສດຖະກິດ - ສັງຄົມຂອງປະເທດຊາດເຊັ່ນ: ກົດໝາຍວ່າດ້ວຍທີ່ດິນ (ສະບັບປັບປຸງ), ກົດໝາຍວ່າດ້ວຍບັນດາອົງການສິນເຊື່ອ (ສະບັບປັບປຸງ), ກົດໝາຍວ່າດ້ວຍການຮັບເໝົາ (ສະບັບປັບປຸງ), ມະຕິວ່າດ້ວຍການວາງແຜນຜັງເຂດທະເລແຫ່ງຊາດ…ມາຮອດປັດຈຸບັນ, ບັນດາອົງການໄດ້ປະຕິບັດສຳເລັດ89 ເນື້ອໃນໃນຈຳນວນ109 ເນື້ອໃນ, ໜ້າທີ່ໃນໂຄງການດຳເນີນງານຂອງຄະນະຮັບຜິດຊອບວຽກງານພັກສະພາແຫ່ງຊາດວາງອອກ, ບັນລຸ81,7%.
ຄໍາເຫັນ