ເມື່ອບໍ່ດົນມານີ້, ທ່ານ ອາລອຍ ແຄັດສະເລີ ອະດີດປະທານສະມາຄົມການສຶກສາ-ກິລາເພື່ອສຸຂະພາບລາວ-ສະວິດເຊີແລນພ້ອມຄະນະ ໄດ້ເຄື່ອນໄຫວຢ້ຽມຢາມເຮັດວຽກຢູ່ແຂວງສາລະວັນ, ໃນໂອກາດດຽວກັນນີ້ທ່ານໄດ້ໄປຢ້ຽມຢາມກອງວິຊາການວັດທະນະທຳພະແນກຖະແຫຼງຂ່າວ, ວັດທະນະທຳ ແລະທ່ອງທ່ຽວ (ຖວທ) ແຂວງ ເປັນກຽດຕ້ອນຮັບຂອງທ່ານ ມະໄລວອນ ສີປະເສີດ ຫົວໜ້າພະແນກ ຖວທ ແຂວງ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ການມາຢ້ຽມຢາມຄັ້ງນີ້,ທ່ານ ອາລອຍ ແຄັດສະເລີ ໄດ້ຊົມການສະແດງເສບດົນຕີພື້ນເມືອງລາວຈາກນັກຮຽນພາຍໃນກອງວັດທະນະທຳ ຊຶ່ງປະກອບມີ 6 ລາຍການສະແດງເຊັ່ນ: ສຽງແຄນແດນສາລະວັນ, ຈຳປາເມືອງລາວ, ລຳສາລະວັນ, ສຽງແຄນລາວ, ລຳສີພັນດອນ ແລະລຳວາລະວັນ ສ່ອງແສງໃຫ້ເຫັນເຖິງມູນເຊື້ອທີ່ເປັນມູນມໍລະດົກທາງດ້ານວັດທະນະທຳຂອງຊາດລາວ.ຈາກນັ້ນທ່ານໄດ້ມອບເຄື່ອງດົນຕີພື້ນເມືອງຂອງສະວິດເຊີແລນ ແລະມອບເງິນຈຳນວນ 3.000 ກ່ວາໂດລາເພື່ອຈັດຊື້ເຄື່ອງສຽງ ແລະອຸປະກອນດົນຕີທີ່ຈຳເປັນເພື່ອສືບຕໍ່ພັດທະນາກອງວິຊາການວັດທະນະທຳພະແນກ ຖວທ ແຂວງ ກ່າວຮັບໂດຍທ່ານ ມະໄລວອນ ສີປະເສີດ.
ຂ່າວ-ພາບ: ລັດຕະນາ ແສງສຸວັນ
ຄະນະກໍາມະການຮ່ວມມືລາວ-ຫວຽດນາມ ປຶກສາຫາລືຊຸກຍູ້ບັນດາໜ້າວຽກຮ່ວມມື
ກອງປະຊຸມຊຸກຍູ້ບັນດາໜ້າວຽກຮ່ວມມື ລະຫວ່າງສອງຄະນະກໍາມະການຮ່ວມມື, ສອງກະຊວງການເງິນ ລາວ-ຫວຽດນາມ ໄດ້ຈັດຂຶ້ນໃນວັນທີ 5 ສິງຫາຜ່ານມາ ທີ່ຫ້ອງການຄະນະກໍາມະການຮ່ວມມືລາວ-ຫວຽດນາມ ກະຊວງການເງິນ ໂດຍການເປັນປະທານຮ່ວມຂອງ ສະຫາຍ ສຸລິວັດ ສຸວັນນະຈູມຄຳ ຮອງລັດຖະມົນຕີກະຊວງການເງິນ ສປປ ລາວ ຮອງປະທານຄະນະກໍາມະການຮ່ວມມື ລາວ-ຫວຽດນາມແລະ ສະຫາຍ ເຈິ່ນ ກວັກ ເຟືອງ ຮອງລັດຖະມົນຕີກະຊວງການເງິນ ສສ ຫວຽດນາມ ຮອງປະທານຄະນະກໍາມະການຮ່ວມມືຫວຽດນາມ-ລາວ, ພ້ອມດ້ວຍບັນດາຄະນະກົມທີ່ກ່ຽວຂ້ອງສອງຝ່າຍເຂົ້າຮ່ວມ.
ຄໍາເຫັນ