ເອົາໃຈໃສ່ສ້າງນາຍທະຫານ ໃຫ້ກາຍເປັນພະນັກງານສືບທອດປ່ຽນແທນທີ່ມີຄຸນນະພາບ

ສະຫາຍ ພັນເອກ ສຸດໃຈ ລືໄຊສົມບັດ ຮອງອໍານວຍການ ຫົວໜ້າຫ້ອງອົບຮົມ ໄດ້ໃຫ້ຮູ້ວ່າ: ຄະນະພັກ-ຄະນະບັນຊາທຸກຂັ້ນໃນ ວິທະຍາຄານເຕັກນິກການທະຫານ ໄດ້ຖືສໍາຄັນໃນການສຶກສາອົບຮົມ ການເມືອງນໍາພາແນວຄິດໃຫ້ພະນັກງານ, ຄູ-ອາຈານ, ນັກສຶກສາແຕ່ລະເປົ້າໝາຍຢ່າງເປັນປົກກະຕິ ດ້ວຍຫຼາຍຮູບການ, ວິທີການທີ່ແຕກຕ່າງກັນ ໂດຍຖືເອົາໜ້າທີ່ການເມືອງ ແລະ ຄວາມຮັບຜິດຊອບຕົວຈິງ ຂອງແຕ່ລະອົງການແຕ່ລະເປົ້າໝາຍ ເປັນມາດຖານໃນການສຶກສາອົບຮົມ, ຫັນທຸກການເຄື່ອນໄຫວວຽກງານ, ການດໍາລົງຊີວິດ ແລະ ການຄົ້ນຄວ້າຮໍ່າຮຽນເຂົ້າສູ່ແບບແຜນ, ຄຸ້ມຄອງບໍລິຫານດ້ວຍຂໍ້ກຳນົດ ກົດລະບຽບຂອງກົມກອງ ແລະ 7 ລະບອບ 18ວຽກຂອງກອງທັບວາງອອກ.

ສຳລັບໃນສົກຮຽນປີ 2024-2025 ນີ້ ຈຳນວນນັກສຶກສາ 136 ສະຫາຍ, ຜ່ານການຄົ້ນຄວ້າຮໍ່າຮຽນ ສອບເສັງຈົບລາຍວິຊາ ສອບເສັງຈົບຊັ້ນ ແລະ ປ້ອງກັນບົດສາມາດສະຫຼຸບໄດ້ ວ່າ: ບັນດາສະຫາຍນັກສຶກສາ ໄດ້ມີຄວາມຮູ້ພື້ນຖານທາງດ້ານທິດສະດີການເມືອງ, ການທະຫານ ແລະ ກຳແໜ້ນດ້ານວິຊາສະເພາະ, ໄດ້ເສັງຈົບທຸກວິຊາ, ສຳເລັດການລົງຝຶກງານ ແລະ ກິດຈະກຳຕ່າງໆ ທີ່ໄດ້ກຳນົດໃນຫຼັກສູດຊຶ່ງຜົນໄດ້ຮັບຕົວຈິງສະແດງອອກ: ນັກສຶກສາປະລິນຍາຕີຄະແນນສະເລ່ຍຕະຫຼອດໄລຍະສຶກສາຮໍ່າຮຽນ 5 ປີ ແລະ ສອບເສັງຈົບຊັ້ນວິຊາການເມືອງ, ປ້ອງກັນບົດຈົບຊັ້ນຄື: ນັກສຶກສາປະລິນຍາຕີເຕັກນິກລົດໂອໂຕການທະຫານ ຈໍານວນພົນທັງໝົດ 24 ສະຫາຍ ລະດັບ B+: 6 ສະຫາຍ, ລະດັບ B: 17 ສະຫາຍ, ລະດັບ C: 1 ສະຫາຍ ກວມເອົາ 4%; ນັກສຶກສາປະລິນຍາຕີເຕັກນິກຍຸດໂທ ຈໍານວນພົນທັງໝົດ 25 ສະຫາຍ, ລະດັບ B+: 5 ສະຫາຍ, ລະດັບ B: 20 ສະຫາຍ; ປະລິນຍາຕີຕໍ່ເນື່ອງລົດໂອໂຕການທະຫານ ຄະແນນສະເລ່ຍຕະຫຼອດໄລຍະສຶກສາຮໍ່າຮຽນ 2 ປີ ແລະ ສອບເສັງຈົບຊັ້ນວິຊາການເມືອງ, ປ້ອງກັນບົດ ຈົບຊັ້ນຄື: ນັກສຶກສາປະລິນຍາຕິຕໍ່ເນື່ອງເຕັກນິກລົດໂອໂຕການທະຫານ ຈໍານວນພົນທັງໝົດ 20 ສະຫາຍ ລະດັບ B: 6 ສະຫາຍ, ລະດັບ B 14 ສະຫາຍ, ນັກສຶກສາເຕັກນິກຍຸດໂທຊັ້ນສູງຕໍ່ເນື່ອງ ຄະແນນສະເລ່ຍຕະຫຼອດໄລຍະການສຶກສາຮໍ່າຮຽນ 1 ປີ ແລະ ສອບເສັງຈົບຊັ້ນວິຊາການເມືອງ, ປ້ອງກັນບົດຈົບຊັ້ນຄື: ນັກສຶກສາຊັ້ນສູງຕໍ່ເນື່ອງເຕັກນິກຍຸດໂທຈໍານວນພົນທັງໝົດ 19 ສະຫາຍ ລະດັບ B: 10 ສະຫາຍ, ລະດັບ B: 9 ສະຫາຍ ກວມເອົາ 47%; ນັກສຶກສາຊັ້ນກາງ ຄະແນນສະເລ່ຍຕະຫຼອດໄລຍະສຶກສາຮໍ່າຮຽນ ແລະ ສອບເສັງຈົບຊັ້ນວິຊາການເມືອງ, ວິຊາສະເພາະຄື:ນັກສຶກສາເຕັກນິກລົດໂອໂຕ ຈໍານວນພົນທັງໝົດ 24 ສະຫາຍ ລະດັບ B: 1 ສະຫາຍ, ລະດັບ B 16 ສະຫາຍ, ລະດັບ C+7 ສະຫາຍ ກວມເອົາ 29%, ນັກສຶກສາເຕັກນິກຍຸດໂທ ຈໍານວນພົນທັງໝົດ 24 ສະຫາຍ, ລະດັບ B+ 4 ສະຫາຍ, ລະດັບ B 19 ສະຫາຍ, ລະດັບ C+ 1 ສະຫາຍ.

ສັງລວມແລ້ວ, ຕະຫຼອດໄລຍະຜ່ານມາ ຜ່ານການອົບຮົມບຳລຸງກໍ່ສ້າງ ສາມາດຮັບປະກັນໄດ້ທາງດ້ານເນື້ອໃນທິດສະດີ ແລະ ພາກປະຕິບັດຕົວຈິງ ຊຶ່ງມັນສະແດງອອກໃນເວລາທີ່ນັກສຶກສາ, ນັກຝຶກອົບຮົບແຕ່ລະຮຸ່ນທີ່ຈົບອອກໄປ ແມ່ນສາມາດນຳເອົາບົດຮຽນດັ່ງກ່າວໄປໝູນໃຊ້ຢູ່ພາຍໃນກົມກອງຂອງຕົນມີປະສິດທິພາບສູງ ເພື່ອປະກອບສ່ວນໃນການປົກປັກຮັກສາ ແລະ ສ້າງສາພັດທະນາປະເທດຊາດ ກໍຄືສ້າງກອງທັບໃຫ້ມີຄວາມໜັກແໜ້ນເຂັ້ມແຂງທາງດ້ານປະລິມານ ແລະ ຄຸນນະພາບ.