 |
ຈຸດປະສົງກິດຈະກຳເພື່ອແລກປ່ຽນປະສົບການ ແລະ ສ້າງຄວາມສຳພັນອັນດີ ລະຫວ່າງອົງການກາແດງແຫ່ງຊາດລາວ ແລະ ກາແດງ ສ ເກົາຫຼີ, ສົ່ງເສີມສະພາບແວດລ້ອມດ້ານການຮຽນ-ການສອນ ໃຫ້ມີຄວາມປອດໄພ, ສະດວກ ແລະ ພຽງພໍຂຶ້ນ ໂດຍຜ່ານການປັບປຸງເພດານ, ປ່ຽນຫຼັງຄາ ແລະ ທາສີອາຄານໂຮງຮຽນ ພ້ອມທັງໄດ້ແຈກຢາຍອຸປະກອນການຮຽນໃຫ້ແກ່ນັກຮຽນ.
ນອກນັ້ນ, ຍັງໄດ້ມີການສາທິດວິທີການປະຖົມພະຍາບານ, ການສະແດງສິລະປະແລກປ່ຽນທັງສອງຝ່າຍ ແລະ ຫຼັງຈາກສຳເລັດກິດຈະກຳກໍຍັງໄດ້ມີພິທີບາສີສູ່ຂວັນຮ່ວມກັນ ເພື່ອແລກປ່ຽນວັດທະນະ ທຳ, ຄວາມຮັກແພງ ແລະ ຄວາມສາມັກຄີອັນດີງາມ ຊຶ່ງມູນຄ່າການຊ່ວຍເຫຼືອຈາກກາແດງ ສ ເກົາຫຼີ ມູນຄ່າ 14,038 ໂດລາ.
ໃນໂອກາດທີ່ມາຢ້ຽມຢາມ ຕາງໜ້າຄະນະອາສາສະໝັກຈາກກາແດງ ສ ເກົາຫຼີ ໄດ້ກ່າວວ່າ: ກິດ ຈະກຳໄດ້ເຮັດໃຫ້ເຂົ້າໃຈຫຼາຍສິ່ງຫຼາຍຢ່າງຫຼາຍຂຶ້ນ ເຊັ່ນ: ຮີດຄອງປະເພນີ, ວັດທະນະທຳ, ອາຫານການກິນ ແລະ ຍັງໄດ້ຮັບຮູ້ເຖິງຄວາມອົບອຸ່ນ ແລະ ຄວາມມີນໍ້າໃຈ ໄດ້ສຳຜັດເຖິງຄວາມເຂົ້າໃຈຊຶ່ງກັນ ແລະ ກັນ.
(ຂ່າວ: ກາແດງ)
ຄໍາເຫັນ