 |
ທ່ານອຸດົມສິນສີຊານົນກຳມະການພັກແຂວງຫົວໜ້າພະແນກສຶກສາທິການແລະກິລາແຂວງໄດ້ລາຍງານວ່າ: ໃນສົກຮຽນ2025 - 2026ແຂວງອັດຕະປືມີນັກຮຽນເກັ່ງໃນຂັ້ນມັດທະຍົມມ.4ແລະມ.7ຂັ້ນເມືອງ, ຂັ້ນແຂວງລວມທັງນັກຮຽນທີ່ເປັນຕົວແທນແຂວງອັດຕະປືທີ່ໄປເສັງລະດັບຊາດມີຈຳນວນ50ນ້ອງເຊິ່ງແມ່ນເປົ້າໝາຍທີ່ຈະຮັບທຶນສົ່ງເສີມການສຶກສາຈາກສະຖານທູດສປຈີນປະຈຳສປປລາວ. ໄລຍະຜ່ານມາແຂວງອັດຕະປືຍັງຂາດບຸກຄາລະກອນທີ່ມີຄວາມຮູ້ດ້ານພາສາຈີນ. ໃນຕໍ່ໜ້າເພື່ອເປັນການຊຸກຍູ້ສົ່ງເສີມນັກຮຽນຜູ້ທີ່ຮຽນເກັ່ງສືບຕໍ່ຮຽນວິຊາສະເພາະໃນລະດັບຕ່າງໆເພື່ອປະກອບສ່ວນເຂົ້າໃນການພັດທະນາໃນຕໍ່ໜ້າແຂວງອັດຕະປືແມ່ນມີຄວາມຕ້ອງການຢາກສົ່ງນັກຮຽນໄປຮຽນພາສາຈີນແລະວິຊາສະເພາະຢູ່ສປຈີນ, ເພາະໃນໄລຍະຜ່ານມາແຂວງອັດຕະປືຍັງບໍ່ເຄີຍໄດ້ຮັບທຶນຊ່ວຍເຫຼືອໃຫ້ນັກຮຽນໄປຮຽນພາສາຈີນແລະວິຊາສະເພາະຢູ່ສປຈີນເທື່ອ, ສະນັ້ນ, ຈຶ່ງຂໍສະເໜີຂັ້ນເທິງພິຈາລະນາແບ່ງປັນທຶນຊ່ວຍເຫຼືອຂອງລັດຖະບານຈີນກໍຄືບັນດາແຂວງ, ນະຄອນຂອງສປຈີນໃຫ້ແກ່ນັກຮຽນແຂວງອັດຕະປືດ້ວຍ.
 |
ໃນພິທີທ່ານນາງຟາງຫົງໄດ້ມີຄໍາເຫັນວ່າ: ການສຶກສາເປັນບ່ອນອີງຄວາມຫວັງໃນການພັດທະນາປະເທດຊາດແລະເປັນຄວາມຫວັງຂອງທຸກໆຄອບຄົວທີ່ມີຕໍ່ອະນາຄົດ. ມື້ນີ້ສະຖານເອກອັກຄະລັດຖະທູດ ສປ ຈີນປະຈຳ ສປປລາວໄດ້ມອບທຶນການສຶກສາໃຫ້ແກ່ນັກຮຽນດີ-ນັກຮຽນເກັ່ງ, ບໍ່ພຽງແຕ່ເປັນການຊຸກຍູ້ແລະໃຫ້ກຳລັງໃຈໃຫ້ທຸກຄົນຂະຫຍັນພຽນໃນການຮຽນແລະສູ້ຊົນກ້າວໜ້າເທົ່ານັ້ນ, ແຕ່ຍັງຫວັງວ່າຈະເປັນແຮງບັນດານໃຈໃຫ້ແກ່ເຍົາວະຊົນ- ຊາວໜຸ່ມໃນການກໍາເອົາຄວາມຮູ້, ເພີ່ມພູນຄວາມສາມາດ,ປ່ຽນແປງໂຊກຊະຕາດ້ວຍການສູ້ຊົນແລະປະກອບສ່ວນສະຕິປັນຍາແລະເຫື່ອແຮງຂອງຕົນເຂົ້າໃນການພັດທະນາແລະສ້າງສາປະເທດຊາດ.
ທ່ານນາງຟາງຫົງກ່າວອີກວ່າ: ຕະຫຼອດ65ປີຜ່ານມາ, ບໍ່ວ່າສະພາບການສາກົນ, ຈະມີການປ່ຽນແປງກໍຕາມ, ສອງປະເທດລາວແລະຈີນໄດ້ຮ່ວມສຸກຮ່ວມທຸກແລະຊ່ວຍເຫຼືອເຊິ່ງກັນແລະກັນມາໂດຍຕະຫຼອດ, ເປັນເພື່ອນບ້ານທີ່ດີ, ເພື່ອນມິດທີ່ດີ, ສະຫຍທີ່ດີແລະຄູ່ຮ່ວມມືທີ່ດີຢ່າງແທ້ຈິງ. ເປັນຫຍັງມິດຕະພາບລາວ-ຈີນຈຶ່ງສາມາດຜ່ານຜ່າບົດທົດສອບໃນຍຸກສະໄໝປະຕິວັດ, ຜ່ານການທົດສອບຂອງການພັດທະນາຕາມຍຸກສະໄໝແລ້ວຍັງໝັ້ນຄົງແລະເຂັ້ມແຂງກໍເພາະວ່າມິດຕະພາບນີ້ໄດ້ຖືກຊຶມເລິກຂຶ້ນໂດຍປະຊາຊົນສອງປະເທດທີ່ໄດ້ຫລັ່ງເຫື່ອສູບເລືອດແລະສູ້ຊົນຮ່ວມກັນ.
ສໍາລັບນັກຮຽນ-ນັກສຶກສາ, ຈະມີໂອກາດໃນການສຶກສາແລະເຕີບໃຫຍ່ຂຶ້ນຕື່ມ; ປະມຸກລັດຂອງສອງປະເທດໄດ້ຮ່ວມກັນຕົກລົງຈັດຕັ້ງປະຕິບັດ" ໂຄງການ10,000ຄົນ" ການຮ່ວມມືດ້ານຊັບພະຍາກອນມະນຸດລາວ-ຈີນ. ໃນຊຸມປີຕໍ່ໜ້ານີ້, ຝ່າຍຈີນຈະຝຶກອົບຮົມບຸກຄະລາກອນຄຸ້ມຄອງແລະເຕັກນິກວິຊາການຈໍານວນ3,000ຄົນໃຫ້ແກ່ລາວແລະແຕ່ລະປີຈະໃຫ້ມີນັກຮຽນລາວ10,000ຄົນເດີນທາງໄປສຶກສາຢູ່ຈີນໃຫ້ບັນລຸໃນປີ2028, ເພື່ອໃຫ້ເຍົາວະຊົນ-ຊາວໜຸ່ມລາວຈໍານວນຫຼາຍຂຶ້ນມີໂອກາດປ່ຽນແປງໂຊກຊະຕາດ້ວຍການສຶກສາ, ໃຊ້ຄວາມຮູ້ເພື່ອສ້າງອະນາຄົດ.
ທ່ານນາງຟາງຫົງກ່າວອີກວ່າ: ບັນດານັກຮຽນ-ນັກສຶກສາ,ຊາວໜຸ່ມແມ່ນອະນາຄົດຂອງປະເທດຊາດແລະກໍແມ່ນອະນາຄົດຂອງມິດຕະພາບລາວ-ຈີນເຊັ່ນກັນ. ຫວັງວ່າຈະຈົດຈໍາມິດຕະພາບມູນເຊື້ອທີ່ການນໍາຮຸ່ນກ່ອນຂອງສອງປະເທດໄດ້ຮ່ວມກັນສ້າງຂຶ້ນ, ຈົດຈໍາວິລະຊົນຢູ່ສຸສານວິລະຊົນຈີນ, ຈົດຈໍາການສູ້ຊົນຮ່ວມກັນຢູ່ "ຖໍ້າຈີນ", ຈົດຈໍາເມັດພັນມິດຕະພາບທີ່ໄດ້ຫວ່ານໄວ້ຢູ່ໂຮງຮຽນ67ເພື່ອພະຍາຍາມກາຍເປັນຜູ້ສືບທອດ, ຜູ້ສ້າງສາແລະຜູ້ເຜີຍແຜ່ມິດຕະພາບລາວ- ຈີນ, ເຮັດໃຫ້ຕົ້ນໄມ້ມິດຕະພາບລາວ-ຈີນຢັ່ງຮາກເລິກ, ໃບດົກໜາແລະໝັ້ນຄົງຕະຫຼອດກາລະນານ.
ໃນພິທີທ່ານບຸນເຖິງດວງສະຫວັນແລະທ່ານນາງຟາງຫົງໄດ້ມອບເງິນສະໝັບສະໜູນທຶນການສຶກໃຫ້ແກ່ນ້ອງນັກຮຽນເກັ່ງຈໍານວນ50ຄົນ, ໃນນີ້ມ.4ຈໍານວນ24ຄົນແລະມ.7ຈໍານວນ26ຄົນ.
ຂ່າວ: ນາງວົງສະໄໝຂ.ອັດຕະປື
ຄໍາເຫັນ