ຂ່າວລະບຸວ່າ: ໃນເວທີປາໄສ, ບັນດາເຈົ້າໜ້າທີ່ລັດຖະບານ, ການນຳວິສາຫະກິດ, ນັກລົງທຶນ ແລະ ບັນດາຄູ່ຮ່ວມມືພັດທະນາໄດ້ວາງອອກທິດທາງແຜນການໃນອະນາຄົດໃຫ້ແກ່ພື້ນຖານເສດຖະກິດພາກພື້ນທີ່ຍຸຕິທຳ ແລະ ມີຄວາມສາມາດຟື້ນຟູເປັນຢ່າງດີ. ຈຸດເດັ່ນຂອງເວທີປາໄສແມ່ນພິທີເປີດຕົວກອບການສ້າງກຳລັງຄວາມສາມາດ ແລະ ພັດທະນາຜູ້ມີຄວາມເກັ່ງກ້າສາມາດໃຫ້ແກ່ວິສາຫະກິດກວມລວມຢູ່ອາຊຽນ. ບັນດາການປຶກສາຫາລືທີ່ເວທີປາໄສ ໄດ້ສຸມໃສ່ຫຼາຍຍຸດທະສາດທີ່ແຕກຕ່າງກັນ ເພື່ອເປີດກວ້າງຂອບຂະໜາດບັນດາຂໍ້ລິເລີ່ມດຳເນີນທຸລະກິດຢ່າງຮອບດ້ານ, ນັບແຕ່ການປັບປຸງຄວາມສາມາດເຂົ້າເຖິງດ້ານການເງິນ ຕະຫຼອດຮອດການມອບສິດໃຫ້ແກ່ວິສາຫະກິດໂດຍແມ່ຍິງນຳພາ.
ມຽນມາ ກະກຽມການເລືອກຕັ້ງປະທານາທິບໍດີໃນທ້າຍເດືອນມີນາ
ວິທະຍຸກະຈາຍສຽງຫວຽດນາມລາຍງານໃນວັນທີ 22 ມີນາ ຜ່ານມາວ່າ: ທ່ານ ອອງ ລິນ ດະເວ ປະທານສະພາສູງຄົນໃໝ່ຂອງ ມຽນມາ ແຈ້ງໃຫ້ຮູ້ວ່າ: ສະພາແຫ່ງຊາດ ມຽນມາ ຈະດໍາເນີນການເລືອກຕັ້ງປະທານາບໍດີຄົນໃໝ່ໃນວັນທີ 30 ມີນາ ຈະມາເຖິງນີ້, ດ້ວຍຂັ້ນຕອນການເລືອກຕັ້ງທີ່ປະຕິບັດຢ່າງເຂັ້ມງວດຜ່ານ 2 ໄລຍະ ຄື: ໄລຍະທີ 1, ລວມມີ ສະພາຕ່ຳ, ສະພາສູງ ແລະ ກຸ່ມຕາງໜ້າໃຫ້ກອງທັບ ແຕ່ລະຝ່າຍຈະສະເໜີຜູ້ສະໝັກຮັບເລືອກຕັ້ງສະຫາຍໜຶ່ງໃຫ້ດຳລົງຕຳແໜ່ງຮອງປະທານາທິບໍດີ. ຫຼັງຈາກນັ້ນ, ສະພາແຫ່ງຊາດຈະດຳເນີນການປ່ອນບັດເພື່ອເລືອກເອົາ 1 ໃນຈຳນວນ 3 ສະຫາຍນີ້ຮັບດຳລົງຕຳແໜ່ງປະທານາທິບໍດີ; 2 ສະຫາຍທີ່ຍັງເຫຼືອຈະດຳລົງຕຳແໜ່ງຮອງປະທານາທິບໍດີ.
ຄໍາເຫັນ