ໄດ້ປິດລົງດ້ວຍຜົນສຳເລັດຢ່າງຈົບງາມ ໃນວັນທີ 6 ພະຈິກນີ້ ທີ່ນະຄອນຫຼວງວຽງຈັນ, ໂດຍການເປັນປະທານ ຂອງທ່ານນາງນາລີສີສຸລິດພັນລະຍາຂອງທ່ານປະທານປະເທດແຫ່ງສປປລາວປະທານທີ່ປຶກສາກິດຕິມະສັກສະມາຄົມຫັດຖະກຳລາວ,ມີສົມເດັດພະລາຊິນີແຫ່ງລັດປະຮັງ,ມາເລເຊຍ - ອາຊີຊ່າອີດສະການດ້າ,ຜູ້ກໍ່ຕັ້ງ,ຜູ້ອຸປະຖໍາແລະປະທານມູນນິທິຕໍ່າຫູກແຫ່ງຣາຊະວົງປະຮັງ,ທ່ານນາງຈີບີ ປາກູ່ ອາລໍາປະທານສະມາຄົມສິລະປະແຜ່ນແພພື້ນເມືອງແຫ່ງອາຊີຕາເວັນອອກສ່ຽງໃຕ້,ມີທູຕານຸທູດ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.
ທ່ານນາງນາລີສີສຸລິດ ກ່າວວ່າ:ກອງປະຊຸມສໍາມະນາແຜ່ນແພພື້ນເມືອງອາຊຽນຄັ້ງທີ 9 ໄດ້ເຕົ້າໂຮມບັນດາຜູ້ຊ່ຽວຊານ, ນັກຄົ້ນຄວ້າ, ນັກຮຽນຮູ້, ຜູ້ທີ່ມີຄວາມສໍານິຊຳນານດ້ານແຜ່ນແພພື້ນເມືອງແລະມໍລະດົກວັດທະນະທຳຈາກພາກພື້ນແລະສາກົນມາພົບປະແລກປ່ຽນຄຳຄິດຄຳເຫັນຮ່ວມກັນ.ກອງປະຊຸມຄັ້ງນີ້ຍັງໄດ້ປຶກສາຫາລື,ແລກປ່ຽນຄວາມຮູ້ຂອງບັນດານັກຄົ້ນຄວ້າແລະຜູ້ເຂົ້າຮ່ວມຊຶ່ງແຜ່ນແພພື້ນເມືອງມີບົດບາດສຳຄັນສຳລັບບັນດາປະເທດສະມາຊິກອາຊຽນ,ເປັນສັນຍາລັກທາງດ້ານວັດທະນະທຳທີ່ເປັນເອກະລັກສະເພາະຂອງແຕ່ລະປະເທດ,ເປັນການສ້າງລາຍຮັບໃຫ້ແກ່ຜູ້ຜະລິດ,ເປັນການແລກປ່ຽນແລະເຊື່ອມໂຍງທາງດ້ານສິລະປະ,ວັດທະນະທຳແລະປະຫວັດສາດລະຫວ່າງບັນດາປະເທດອາຊຽນແລະພາກພື້ນ.
ທ່ານກ່າວຕື່ມວ່າ:ກອງປະຊຸມໄດ້ມີຄວາມເປັນເອກະພາບນຳກັນວ່າບັນດາຫໍພິພິທະພັນມີບົດບາດສຳຄັນຫຼາຍໃນການອະນຸລັກຮັກສາມູນມໍລະດົກທາງດ້ານວັດທະນະທຳເພາະວ່າຫໍພິພິທະພັນເປັນບ່ອນເກັບຮັກສາແລະເຜີຍແຜ່ເອກະສານ, ປຶ້ມຕ່າງໆກ່ຽວກັບແຜ່ນແພທີ່ສົມບູນແລະຄົບຖ້ວນເຮັດໃຫ້ການສືບທອດສາຍໃຍທີ່ຍືນຍາວ, ຍືນຍົງ, ຮຸ່ງເຮືອງເຫຼືອງເຫຼື້ອມຕະຫຼອດກາລະນານ ອອກຈາກສີມື ແລະ ຫົວຄິດປະດິດສ້າງ,ພ້ອມກັນນັ້ນ, ກໍເປັນເວທີສົນທະນາປຶກສາຫາລື, ແລກປ່ຽນບົດຮຽນ ແລະ ຄວາມຮູ້ຂອງຜູ້ທີ່ມີຄວາມຮັກວັດທະນະທຳ, ເພີ່ມທະວີຄວາມສາມັກຄີ ໃນຄອບຄົວວັດທະນະທຳອາຊຽນ,ແຜ່ນແພພື້ນເມືອງຂອງບັນດາປະເທດສະມາຊິກອາຊຽນເເລະສປຈີນແມ່ນມີປະຫວັດສາດອັນເກົ່າແກ່,ລວດລາຍທີ່ວິຈິດງົດງາມທີ່ເປັນເອກະລັກຂອງແຜ່ນແພແມ່ນຖືກປະດິດຄິດແຕ່ງດ້ວຍຄວາມຄິດສ້າງສັນ, ທັກສະທີ່ຄ່ອງແຄ້ວແລະພູມປັນຍາຂອງທ້ອງຖິ່ນ ຊຶ່ງໄດ້ສ່ອງແສງໃຫ້ເຫັນວິຖີຊີວິດ,ວັດທະນະທຳແລະປະຫວັດສາດຂອງແຕ່ລະປະເທດໃນປັດຈຸບັນ.
ທ່ານກ່າວຕື່ມວ່າ:ເນື່ອງຈາກການຫັນປ່ຽນວິຖີຊີວິດແບບດັ່ງເດີມໄປສູ່ວິຖີຊີວິດທີ່ທັນສະໄໝ, ພວກເຮົາພວມປະເຊີນກັບສິ່ງທ້າທາຍໃນການປົກປັກຮັກສາວັດທະນະທໍາການຜະລິດແລະການນຸ່ງຖືທີ່ນຳໃຊ້ແຜ່ນແພພື້ນເມືອງ, ດັ່ງນັ້ນມີຄວາມຈຳເປັນແລະມີຄວາມເລັ່ງທວງໃຫ້ແຕ່ລະປະເທດຄວນຖືເປັນບຸລິມະສິດແລະມີນະໂຍບາຍທີ່ເໝາະສົມໃນການອະນຸລັກຮັກສາແລະສົ່ງເສີມແຜ່ນເເພພື້ນເມືອງໃຫ້ສືບຕໍ່ຄົງຢູ່ກັບສັງຄົມພວກເຮົາ.ຫວັງຢ່າງຍິ່ງວ່າພວກເຮົາຈະສາມາດສ້າງສັງຄົມຫຼືສະມາຄົມທີ່ອະນຸລັກຮັກສາແລະສົ່ງເສີມແຜ່ນແພພື້ນເມືອງໃນອາຊຽນແລະບັນດາປະເທດອ້ອມຂ້າງເຊັ່ນ: ສປຈີນ, ສເກົາຫຼີ, ຍີ່ປຸ່ນ,ອິນເດຍແລະປະເທດອື່ນໆ.
ໃນໂອກາດດັ່ງກ່າວ ສປປ ລາວ ໄດ້ມອບທຸງໃຫ້ແກ່ປະເທດສິງກະໂປເພື່ອເປັນເຈົ້າພາບກອງປະຊຸມສຳມະນາແຜ່ນແພພື້ນເມືອງອາຊຽນຄັ້ງທີ10.
(ຂ່າວ-ພາບ:ສຳນານ)
ຄໍາເຫັນ