ຊຶ່ງມາຮອດປັດຈຸບັນ (8 ມັງກອນ 2026) ມີຈໍານວນ 47 ພັກ ຄື: ພັກກອມມູນິດຫວຽດນາມ, ພັກກອມມູນິດຈີນ, ພັກແຮງງານເກົາຫຼີ, ພັກກອມມູນິດກູບາ, ພັກປະຊາຊົນກຳປູເຈຍ, ພັກຣັດເຊຍເອກະພາບ, ພັກປະຊາຊົນມົງໂກລີ, ພັກກອມມູນິດສະຫະພັນຣັດເຊຍ, ພັກກອມມູນິດປອກຕຸຍການ, ພັກກອມມູນິດຊາວກອມມູນິດຣັັດເຊຍ, ພັກອາແຊກໄບຊານໃໝ່, ພັກກອມມູນິດແມັກຊິກ, ພັກເພື່ອໄທ, ພັກປະຊາທິປັດ, ພັກກອມມູນິດເຢຍລະມັນ, ພັກກອມມູນິດອູແກຣນ, ພັກກອມມູນິດອົສຕຣາລີ, ພັກເບລາຢາຣຸດສ, ພັກກອມມູນິດເບລາຣຸດຊີ, ພັກແນວໂຮມປົດປ່ອຍຊາວ ຊັງດິ (ນິກາລາກົວ), ພັກກອມມູນິດເກຣັກ, ພັກສະຫະພັນປະຊາຊົນກາລິເຊຍ (ແອັດສະປາຍ), ພັກກອມມູນິດເປຣູ-ປິຕຸພູມແດງ (ປະເທດເປຣູ), ພັກອາມານັດ (ສ ກາຊັກສະຖານ), ພັກກອມມູນິດອິນເດຍ, ພັກກອມມູນິດອັງກິດ, ພັກກອມມູນິດກາຕາໂລນີ (ແອັດສະປາຍ), ພັກກຳມະກອນຮົງກາລີ, ພັກກອມມູນິດນອກແວ, ພັກກ້າວໜ້າປະຊາຊົນຜູ້ອອກແຮງງານ (ໄຊປຣັດ), ພັກກອມມູນິດຝຣັ່ງ, ພັກກອມມູນິດຍີ່ປຸ່ນ, ພັກກອມມູນິດດານມາກ, ພັກກຳມະກອນອຽກລັງ, ພັກກອມມູນິດອາເມຣິກາ, ພັກກອມມູນິດສະວິດ, ພັກກອມມູນິດບຣາຊິນ, ພັກກອມມູນິດສີລັງກາ, ພັກກອມມູນິດອີຕາລີ, ອົງການມິດສະຫາຍແຫ່ງສັງຄົມນິຍົມຈີນ (ສຳນັກງານຕັ້ງຢູ່ ລອນດອນ ປະເທດອັງກິດ), ພັກກອມມູນິດເຄີດິດສະຖານ (ອີຣັກ), ພັກກອມມູນິດກຳມະກອນຣັດເຊຍ, ຂະບວນການສັງຄົມນິຍົມອາແຊກໄບຊານ, ພັກກອມມູນິດຢູໂກສະໂລວີໃໝ່, ພັກກອມມູນິດຊາວກຳມະ ກອນແອັດສະປາຍ, ພັກກອມມູນິດຊີເລ ແລະ ອົງການມິດສະຫາຍແຫ່ງອິດສະລະພາບຂອງຊາວສະວາຊີ.
ບັນດາສານອວຍພອນດັ່ງກ່າວໄດ້ສະແດງຄວາມອວຍພອນອັນອົບອຸ່ນ ເຖິງກອງປະຊຸມໃຫຍ່, ສະ ມາຊິກພັກ ແລະ ປະຊາຊົນລາວອ້າຍນ້ອງທຸກຖ້ວນໜ້າ ໃຫ້ສຳເລັດການດຳເນີນກອງປະຊຸມຢ່າງຈົບງາມ; ໄດ້ສະແດງຄວາມຍ້ອງຍໍຊົມເຊີຍ ຕໍ່ບັນດາຜົນສຳເລັດທີ່ປະຊາຊົນລາວບັນດາເຜົ່າຍາດມາໄດ້ ໃນໄລຍະ 5 ປີ ຜ່ານມາ ພາຍໃຕ້ການນຳພາ-ຊີ້ນຳ ອັນສະຫຼາດສ່ອງໃສຂອງ ພັກປະຊາຊົນປະຕິວັດລາວ, ໂດຍສະ ເພາະແມ່ນການຮັກສາໄດ້ສະຖຽນລະພາບທາງດ້ານການເມືອງ, ການພັດທະນາເສດຖະກິດ-ສັງຄົມ ໄດ້ຮັບການຂະຫຍາຍຕົວຢ່າງຕໍ່ເນື່ອງ ສາມາດຍົກສູງສະພາບການເປັນຢູ່ຂອງປະຊາຊົນລາວບັນດາເຜົ່າໃຫ້ດີຂຶ້ນເລື້ອຍໆ. ພ້ອມທັງສະແດງຄວາມເຊື່ອໝັ້ນວ່າ ມະຕິກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XII ຂອງ ພັກປະຊາຊົນປະຕິວັດລາວ ຈະເປັນເຂັມທິດເຍືອງທາງອັນສຳຄັນເພື່ອສືບຕໍ່ບຸກທະລຸໃນການພັດທະ ນາເສດຖະກິດ-ສັງຄົມຂອງ ສປປ ລາວ ໃຫ້ກ້າວໜ້າຢ່າງບໍ່ຢຸດຢັ້ງ ແລະ ສືບຕໍ່ຮັກສາສະຖຽນລະພາບທາງການເມືອງ ເພື່ອເປັນພື້ນຖານອັນດີ ໃນການພົວພັນກັບບັນດາພັກການເມືອງ ໃຫ້ໄດ້ຮັບການເສີມຂະ ຫຍາຍນັບມື້ກວ້າງຂວາງ ແລະ ລົງເລິກກວ່າເກົ່າ. ພ້ອມນີ້, ຍັງໄດ້ຕີລາຄາສູງຕໍ່ບົດບາດຂອງ ສປປ ລາວ ທີ່ນັບມື້ນັບສູງເດັ່ນຂຶ້ນ ໃນເວທີພາກພື້ນ ແລະ ສາກົນ, ໂດຍສະເພາະແມ່ນການປະກອບສ່ວນຢ່າງຕັ້ງໜ້າເຂົ້າໃນພາລະກິດລວມຂອງມວນມະນຸດ ເພື່ອສັນຕິພາບ ແລະ ການພັດທະນາທີ່ຍືນຍົງ.
ການໄດ້ຮັບສານອວຍພອນຄັ້ງນີ້ເປັນການສະແດງເຖິງຄວາມໄວ້ເນື້ອເຊື່ອໃຈ, ນໍ້າໃຈສາມັກຄີ ແລະ ສະໜັບສະໜູນ ຕໍ່ ພັກປະຊາຊົນ ປະຕິວັດລາວ ໃນພາລະກິດປະຕິວັດຂອງຊາດລາວ, ທັງເປັນການຢັ້ງຢືນບົດບາດຂອງ ພັກປະຊາຊົນ ປະຕິວັດລາວ ກໍຄືປະເທດລາວຂອງພວກເຮົາ ໃນເວທີພາກພື້ນ ແລະ ສາກົນ; ເປັນກຳລັງໃຈອັນສຳຄັນ ໃຫ້ແກ່ທົ່ວພັກ, ທົ່ວລັດ ແລະ ປະຊາຊົນລາວທັງຊາດ ໃນການຈັດຕັ້ງປະຕິບັດມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XII ຂອງພັກປະຊາຊົນ ປະຕິວັດລາວ ໃຫ້ປະກົດຜົນເປັນຈິງ.
(ຂ່າວ: ຄຕພ)
ຄໍາເຫັນ