ທ່ານ ບຸດດາ ໄຊຍະວົງ ຫົວໜ້າຫ້ອງການຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ເມືອງບົວລະພາ ແຂວງຄໍາມ່ວນ ໄດ້ໃຫ້ສຳພາດຕໍ່ສື່ມວນຊົນເມື່ອບໍ່ດົນມານີ້ວ່າ: ເພື່ອເປັນການຫ້າງຫາກະກຽມ ຕ້ອນຮັບປີທ່ອງທ່ຽວລາວປີ 2024 ທາງອໍານາດການປົກຄອງເມືອງ ກໍຄືຫ້ອງການ ຖວທ ເມືອງໄດ້ສົມທົບກັບ ບັນດາຫ້ອງການຕ່າງໆພາຍໃນເມືອງ ແລະ ອຳນາດການປົກຄອງບ້ານໃນທົ່ວເມືອງພ້ອມກັນເປັນເຈົ້າການ ສ້າງຂະບວນການອອກແຮງງານອະນາໄມລວມຕາມສະຖານທີ່ທ່ອງທ່ຽວ ແລະ ປັບປຸງສະຖານທີ່ທ່ອງທ່ຽວ ໃຫ້ມີຄວາມສວຍງາມໄປພ້ອມໆກັບການໂຄສະນາສະຖານທີ່ທ່ອງທ່ຽວທີ່ສຳຄັນພາຍໃນເມືອງຜ່ານທາງໂທລະ ໂຄ່ງ, ສະຖານີວິທະຍຸ ແລະ ທາງສື່ອອນລາຍຕ່າງໆ.
ປັດຈຸບັນທົ່ວເມືອງບົວລະພາມີສະຖານທີ່ທ່ອງທ່ຽວທີ່ຂຶ້ນບັນຊີຂອງເມືອງທັງໝົດ 32 ແຫ່ງ, ໃນນັ້ນສະ ຖານທີ່ທ່ອງທ່ຽວທາງທຳມະຊາດ 25 ແຫ່ງ, ວັດທະນະທຳ 2 ແຫ່ງ ແລະ ທາງປະຫວັດສາດ 5 ແຫ່ງ, ມີ ເຮືອນພັກ 7 ແຫ່ງ, ລີສອດ 1 ແຫ່ງ ມີຫ້ອງນອນເພື່ອຮອງຮັບແຂກທັງໝົດ 140 ຫ້ອງ, ຕຽງຄູ່ 35 ຫ້ອງ, ຕຽງດ່ຽວ 105 ຫ້ອງ. ນອກນັ້ນຍັງມີຮ້ານອາຫານ 12 ຮ້ານ, ຮ້ານກິນດື່ມ 2 ຮ້ານ ແລະ ຮ້ານບັນເທີງ 2 ຮ້ານ. ໄດ້ກຳນົດ 6 ກິດຈະກຳເພື່ອຮອງຮັບໃຫ້ແກ່ປີທ່ອງທ່ຽວລາວ 2024 ຄື: ກິດຈະກຳການທ່ອງທ່ຽວຊົມຖໍ້າ ນໍ້າລອດເຊບັ້ງໄຟບ້ານໜອງປີງ ຊຶ່ງບັນດານັກທ່ອງທ່ຽວທີ່ເຂົ້າມາທ່ຽວຊົມສາມາດກາງເຕັ້ນນອນ ແລະ ຂີ່ເຮືອ ລອດຖໍ້າ, ກິດຈະກຳຂີ່ເຮືອຈາກບ້ານປາກພະນັງຂຶ້ນມາຫາຖໍ້ານໍ້າລອດເຊບັ້ງໄຟ, ກິດຈະກຳທ່ຽວຊົມທຳມະຊາດ ນໍ້າຕົກຕາດ 2 ຊູ້ບ້ານໜອງບົວ, ກິດຈະກຳທ່ຽວຊົມຖໍ້າຜາກູດ ແລະ ຊ່ອງກ້ອງເບິ່ງສັດທີ່ບ້ານໜອງແສງ, ກິດ ຈະກຳທ່ຽວຊົມຖໍ້ານົກແອ່ນ ແລະ ຖ້ານໍ້າອອກ ( ກາງເປນອນຄ້າງຄືນ ) ທີ່ບ້ານທົ່ງຊໍາ ແລະ ກິດຈະກຳທ່ຽວ ຊົມຮ່ອງຮອຍສົງຄາມ ( ຊາກຍົນຕົກ, ລູກລະເບີດ ) ທີ່ບ້ານຜານົບ. ພິເສດຈະມີການເປີດແຫຼ່ງທ່ອງທ່ຽວໃໝ່ຄື: ຕາດສຽງລືເປັນແຫຼ່ງທ່ອງທ່ຽວໃນຮູບແບບການອະນຸ ລັກທຳມະຊາດທີ່ມີນໍ້າຕົກຕາດສວຍງາມ, ມີຕົ້ນໄມ້ໃຫຍ່, ສັດປ່າຫຼາຍຊະນິດທີ່ຍັງຄົງຄວາມອຸດົມສົມບູນຂອງ ທຳມະຊາດ. ຄາດວ່າໃນປີ 2024 ຈະມີນັກທ່ອງທ່ຽວເຂົ້າມາທ່ຽວເມືອງບົວລະພາບໍ່ຕໍ່າກວ່າ 3.000 ເທື່ອຄົນ.
ຂ່າວ-ພາບ: ກອງຄຳ
ປັດຈຸບັນທົ່ວເມືອງບົວລະພາມີສະຖານທີ່ທ່ອງທ່ຽວທີ່ຂຶ້ນບັນຊີຂອງເມືອງທັງໝົດ 32 ແຫ່ງ, ໃນນັ້ນສະ ຖານທີ່ທ່ອງທ່ຽວທາງທຳມະຊາດ 25 ແຫ່ງ, ວັດທະນະທຳ 2 ແຫ່ງ ແລະ ທາງປະຫວັດສາດ 5 ແຫ່ງ, ມີ ເຮືອນພັກ 7 ແຫ່ງ, ລີສອດ 1 ແຫ່ງ ມີຫ້ອງນອນເພື່ອຮອງຮັບແຂກທັງໝົດ 140 ຫ້ອງ, ຕຽງຄູ່ 35 ຫ້ອງ, ຕຽງດ່ຽວ 105 ຫ້ອງ. ນອກນັ້ນຍັງມີຮ້ານອາຫານ 12 ຮ້ານ, ຮ້ານກິນດື່ມ 2 ຮ້ານ ແລະ ຮ້ານບັນເທີງ 2 ຮ້ານ. ໄດ້ກຳນົດ 6 ກິດຈະກຳເພື່ອຮອງຮັບໃຫ້ແກ່ປີທ່ອງທ່ຽວລາວ 2024 ຄື: ກິດຈະກຳການທ່ອງທ່ຽວຊົມຖໍ້າ ນໍ້າລອດເຊບັ້ງໄຟບ້ານໜອງປີງ ຊຶ່ງບັນດານັກທ່ອງທ່ຽວທີ່ເຂົ້າມາທ່ຽວຊົມສາມາດກາງເຕັ້ນນອນ ແລະ ຂີ່ເຮືອ ລອດຖໍ້າ, ກິດຈະກຳຂີ່ເຮືອຈາກບ້ານປາກພະນັງຂຶ້ນມາຫາຖໍ້ານໍ້າລອດເຊບັ້ງໄຟ, ກິດຈະກຳທ່ຽວຊົມທຳມະຊາດ ນໍ້າຕົກຕາດ 2 ຊູ້ບ້ານໜອງບົວ, ກິດຈະກຳທ່ຽວຊົມຖໍ້າຜາກູດ ແລະ ຊ່ອງກ້ອງເບິ່ງສັດທີ່ບ້ານໜອງແສງ, ກິດ ຈະກຳທ່ຽວຊົມຖໍ້ານົກແອ່ນ ແລະ ຖ້ານໍ້າອອກ ( ກາງເປນອນຄ້າງຄືນ ) ທີ່ບ້ານທົ່ງຊໍາ ແລະ ກິດຈະກຳທ່ຽວ ຊົມຮ່ອງຮອຍສົງຄາມ ( ຊາກຍົນຕົກ, ລູກລະເບີດ ) ທີ່ບ້ານຜານົບ. ພິເສດຈະມີການເປີດແຫຼ່ງທ່ອງທ່ຽວໃໝ່ຄື: ຕາດສຽງລືເປັນແຫຼ່ງທ່ອງທ່ຽວໃນຮູບແບບການອະນຸ ລັກທຳມະຊາດທີ່ມີນໍ້າຕົກຕາດສວຍງາມ, ມີຕົ້ນໄມ້ໃຫຍ່, ສັດປ່າຫຼາຍຊະນິດທີ່ຍັງຄົງຄວາມອຸດົມສົມບູນຂອງ ທຳມະຊາດ. ຄາດວ່າໃນປີ 2024 ຈະມີນັກທ່ອງທ່ຽວເຂົ້າມາທ່ຽວເມືອງບົວລະພາບໍ່ຕໍ່າກວ່າ 3.000 ເທື່ອຄົນ.
ຂ່າວ-ພາບ: ກອງຄຳ
ຄໍາເຫັນ