ຫວ່າງແລ້ວນີ້, ທີ່ຫ້ອງຮັບແຂກແຂວງຫົວພັນ, ທ່ານ ຄຳແພງ ໄຊສົມແພງ ເຈົ້າແຂວງຫົວພັນ ພ້ອມດ້ວຍຄະນະ ໄດ້ຕ້ອນຮັບ ທ່ານ ຄຳສວຍ ແກ້ວດາລາວົງ ປະທານສະມາຄົມມິດຕະພາບ ລາວ-ສ. ເກົາຫຼີ (LKFA) ພ້ອມຄະນະ ແລະ ທ່ານ ໂອ ມິງ ຮັວນ ປະທານສະມາຄົມມິດຕະພາບ ສ. ເກົາຫຼີ-ລາວ (KLFA) ພ້ອມດ້ວຍຄະນະ ທີ່ມາຢ້ຽມຢາມ ແລະເຮັດວຽກຢູ່ແຂວງ ຫົວພັນ.
ໂອກາດນີ້, ທ່ານປະ ທານສະມາຄົມມິດຕະ ພາບ ລາວ-ສ. ເກົາຫຼີ ກໍ່ໄດ້ລາຍງານສະພາບ ການມາຢ້ຽມຢາມ ແລະເຮັດວຽກຢູ່ແຂວງຫົວພັນ ໃນຄັ້ງນີ້ໃຫ້ທ່ານເຈົ້າແຂວງໄດ້ຮັບຊາບ ໂດຍສະ ເພາະເພື່ອມອບ-ຮັບອາຄານໂຮງຮຽນປະຖົມສົມບູນ ບ້ານກ້ານ, ເມືອງຊໍາເໜືອ, ແຂວງຫົວພັນ ທີ່ສະມາຄົມມິດຕະພາບລາວ-ສ. ເກົາຫຼີ ໃຫ້ການຊ່ວຍ ເຫຼືອ;
ທ່ານເຈົ້າແຂວງຫົວພັນ ກໍ່ໄດ້ແຈ້ງສະພາບການພັດ ທະນາເສດຖະກິດ-ສັງ ຄົມ ຢູ່ພາຍໃນແຂວງຫົວພັນ ພ້ອມທັງຕີລາ ຄາສູງ ຕໍ່ການມາຢ້ຽມ ຢາມ, ເຮັດວຽກຂອງ 2 ຄະນະດັ່ງກ່າວໃນຄັ້ງນີ້ ແລະ ສະແດງຄວາມຂອບອົກຂອບໃຈ ທີ່ໄດ້ໃຫ້ການຊ່ວຍເຫຼືອແກ່ແຂວງຫົວພັນ ຕະ ຫຼອດມາ ພ້ອມທັງອ່ວຍພອນໃຫ້ເຮັດວຽກສໍາເລັດ ຕາມແຜນການທີ່ວາງໄວ້ ແລະ ອ່ວຍພອນໃຫ້ສາຍພົວພັນຮ່ວມມື ລາວ -ສ. ເກົາຫຼີ ນັບມື້ຍືນຍົງຕະຫຼອດໄປ.
ຄໍາເຫັນ