ໃນຕອນເຊົ້າຂອງວັນທີ 31 ຕຸລານີ້ ທີ່ສໍານັກງານປົກຄອງແຂວງຄໍາມ່ວນ,ທ່ານ ແກ້ວອຸດົມ ລອດທໍາມະວົງ ຜູ້ອໍານວຍການໂຮງໝໍແຂວງຄໍາມ່ວນໄດ້ນໍາພາທ່ານ ນາງ ມາກຕິນ ລັງນົວ (MmeMartine LANNOY) ປະທານສະມາຄົມຮ່ວມມືຝຣັ່ງ-ລາວພ້ອມຄະນະເຂົ້າຢ້ຽມຂໍ່ານັບທ່ານ ວັນໄຊ ພອງສະຫວັນ ເຈົ້າແຂວງຄໍາມ່ວນ.
ໂອກາດນີ້, ທ່ານ ນາງ ມາກຕິນ ລັງນົວກໍໄດ້ແຈ້ງຈຸດປະສົງການມາເຄື່ອນໄຫວ ແລະ ເຮັດວຽກຢູ່ແຂວງຄໍາມ່ວນວ່າ: ສະມາຄົມຮວ່ມມື ຝຣັ່ງ-ລາວ ຊຶ່ງໄດ້ດໍາເນີນມາເປັນເວລາ 23 ປີ, ເລີ່ມແຕ່ປີ 1996-2019. ສະມາຄົມຮ່ວມມື ຝຣັ່ງ-ລາວ ໄດ້ຮັບອະນຸຍາດຈາກລັດຖະບານ ແລະ ກະຊວງສາທາລະນະສຸກໃຫ້ເຂົ້າມາຮ່ວມມືພັດທະນາທາງດ້ານເຕັກນິກວິຊາການ ແລະ ພື້ນຖານໂຄງລ່າງຂອງໂຮງໝໍແຂວງຄຳມ່ວນໃນປີ 1996 ເປັນຕົ້ນມາພາຍໃຕ້ການເປັນປະທານຂອງທ່ານ ບວກເຊີຣີ ຈົນຮອດປີ 2010, ຫຼັງຈາກນັ້ນແມ່ນ ທ່ານ ຕຣັງ ແມັງ ເປັນປະທານ ແຕ່ປີ 2010-2019 ແລະໃນປັດຈຸບັນສະມາຄົມໄດ້ເລືອກເອົາທ່ານ ນາງ ມາກຕິນ ລັງນົວ ເປັນປະທານຕໍ່.
ປີ 1997 ແມ່ນໄດ້ສົ່ງທີມງານທຳອິດມາ,ພາຍຫຼັງໄດ້ມີການຈັດຕັ້ງ ແລະ ວາງແຜນການດຳເນີນງານກັບຝ່າຍລາວ. ໂດຍການປະຈຳການຂອງທ່ານ ນາງ ລຸຍໂປນ ຮອງປະທານສະມາຄົມຮ່ວມມືຝຣັ່ງ-ລາວ ໄດ້ເຮັດໃຫ້ມີການພັດທະນາເຕີບໃຫຍ່ຂຶ້ນ ແລະ ຕິດຕາມມາດ້ວຍກິດຈະກຳຕ່າງໆທີ່ນຳມາສູ່ໂຮງໝໍແຂວງຄຳມ່ວນ ຊຶ່ງ ACFL ໄດ້ເປັນສື່ກາງພິເສດລະຫວ່າງອຳນາດການປົກຄອງຂອງ ສປປ ລາວ ແລະ ສາທາລະນະລັດຝຣັ່ງ. ACFL ໄດ້ຈັດຕັ້ງແລະນຳສົ່ງຄະນະແພດຜູ້ຊ່ຽວຊານການແພດສາຂາຕ່າງໆມາຊ່ວຍປັບປຸງແລະຝຶກອົບຮົມກັບທີ່ໃຫ້ແກ່ພະນັກງານໂຮງໝໍແຂວງຄຳມ່ວນຈຳນວນ 40 ຄະນະໂດຍສະເລ່ຍແມ່ນ 6 ເດືອນຕໍ່ປີເພື່ອຍົກລະດັບຄວາມຮູ້-ຄວາມສາມາດຂອງແພດລາວໂດຍສະເພາະແມ່ນໃນຂົງເຂດຜ່າຕັດ ຊຶ່ງມີບັນດາຊ່ຽວຊານຜ່າຕັດຜົ້ງທ້ອງ,ໄຂ່ຫຼັງ, ກະດູກ, ຜ່າຕັດຄາງກະໄຕ ແລະໃບໜ້າ, ຜ່າຕັດຕ່ອມຂັບຍ່ອຍໃນ, ຜ່າຕັດປະສູດລູກ-ພະຍາດຍິງ ແລະ ຜ່າຕັດດັດແປງຕ່າງໆ. ພ້ອມກັນນັ້ນກໍໄດ້ສົ່ງຜູ້ຊ່ຽວຊານມາຊ່ວຍທາງດ້ານວິເຄາະ, ສ້ອມແປງອຸປະກອນການແພດ, ໄດ້ສົ່ງເຄື່ອງມືແລະອຸປະກອນການແພດຈຳນວນຫຼາຍຕູ້ຄອນເທັນເນີມາຊ່ວຍໂຮງໝໍແຂວງຄຳມ່ວນ ພ້ອມສົ່ງຜູ້ປະສານງານຂອງສະມາຄົມມາປະຈຳການຢູ່ໂຮງໝໍແຂວງຄຳມວ່ນ ຈົນໄດ້ຮັບຫຼຽນໄຊມິດຕະພາບຈາກລັດຖະບານລາວ.
ມາຮອດທ້າຍປີ 1999 ເຂດໂຣນອານ-ເປີ ສາທາລະນະລັດຝຣັ່ງໄດ້ເຂົ້າມາໃຫ້ການສະໜັບສະໜູນທາງດ້ານການເງິນແລະຮ່ວມມືພັດທະນາກັບແຂວງຄຳມ່ວນໃນດ້ານຕ່າງໆເຊັ່ນ: ວຽກງານສາທາລະນະສຸກ, ວຽກງານພັດທະນາຊົນນະບົດ, ການຝຶກອົບຮົມວິຊາຊີບ, ວຽກງານການຮຽນພາສາຝຣັ່ງ, ວຽກງານການທ່ອງທ່ຽວ ແລະ ໃຫ້ທຶນແກ່ພະນັກງານ-ລັດຖະກອນລາວຈຳນວນໜຶ່ງໄປຝຶກອົບຮົມທາງດ້ານບໍລິຫານ ແລະ ວິຊາການຈຳນວນໜຶ່ງຢູ່ປະເທດຝຣັ່ງ. ການຮ່ວມມືດັ່ງກ່າວໄດ້ແບ່ງອອກເປັນ 3 ໄລຍະຄື: ໄລຍະທີ 1(1999-2001), ໄລຍະທີ 2(2002-2005), ໄລຍະທີ 3(2006-2010) ອີງຕາມບົດບັນທຶກຄວາມເຂົ້າໃຈການພົວພັນຮ່ວມມື ລະຫວ່າງ ແຂວງຄຳມ່ວນ ແລະ ເຂດໂຣນ-ອານເປີ ສາທາລະນະລັດຝຣັ່ງຄັ້ງວັນທີ 23/11/1999 ທີ່ປະເທດຝຣັ່ງ, ວັນທີ 5/11/2001 ທີ່ແຂວງຄຳມ່ວນ, ວັນທີ 30/9/2005 ທີ່ປະເທດຝຣັ່ງ. ໃນນັ້ນບັນດາກິດຈະກຳການຊ່ວຍເຫຼືອທາງດ້ານສາທາລະນະສຸກແມ່ນໄດ້ມອບໃຫ້ສະມາຄົມຮ່ວມມື ຝຣັ່ງ-ລາວ (ACFL) ເປັນຜູ້ຈັດຕັ້ງປະຕິບັດຈົນຮອດປີ 2010. ພາຍຫຼັງໝົດສັນຍາລະຫວ່າງແຂວງຄຳມ່ວນ ແລະ ເຂດໂຣນ-ອານເປີ ແລ້ວທາງສະມາຄົມຮ່ວມມື ຝຣັ່ງ-ລາວ ກໍຍັງໄດ້ສືບຕໍ່ຊ່ວຍເຫຼືອທາງດ້ານເຕັກນິກ ແລະ ອຸປະກອນທາງດ້ານການແພດໃຫ້ແກ່ແຂວງຄຳມ່ວນ,ໂດຍສະເພາະແມ່ນໂຮງໝໍແຂວງຄຳມ່ວນ ຕະຫຼອດມາ, ຄັ້ງຫຼ້າສຸດທີ່ທາງສະມາຄົມໄດ້ສົ່ງຜູ້ຊ່ຽວຊານມາຕິດຕັ້ງລະບົບທໍ່ອົກຊີແຊນ, ລະບົບທໍ່ອາກາດຄວາມດັນບວກ ແລະ ຄວາມດັນລົບ ພ້ອມດ້ວຍອຸປະກອນການແພດຕ່າງໆຈຳນວນ 1 ຕູ້ຄອນເທນເນີ່ໃຫຍ່ມາໃນຕົ້ນປີ 2019.
ຕະຫຼອດໄລຍະການຮ່ວມມືທີ່ຜ່ານມາທາງສະມາຄົມຮ່ວມມື ຝຣັ່ງ-ລາວ ໄດ້ໃຫ້ການຊ່ວຍເຫຼືອໂຮງໝໍແຂວງຄຳມ່ວນໃນດ້ານຕ່າງໆຄິດເປັນມູນຄ່າ 230.000 ໂດລາ. ດ້ານລາຍຈ່າຍສຳລັບຊ່ຽວຊານຝຣັ່ງມາຝຶກອົບຮົມໃຫ້ແກ່ພະນັກງານແພດ ແລະ ວິເຄາະໂຮງໝໍແຂວງມູນຄ່າທັງໝົດ 83.885 ເອີໂຣ ແລະ ລາຍຈ່າຍຝຶກອົບຮົມແພດລາວຢູ່ພາຍໃນ ແລະ ຕ່າງປະເທດພາຍໃຕ້ການສະໜັບສະໜູນດ້ານການເງິນຈາກສະມາຄົມຮ່ວມມືຝຣັ່ງ-ລາວ ລວມມູນຄ່າທັງໝົດ 97.000 ເອີໂຣ.
ໃນການມາເຄື່ອນໄຫວ ແລະ ເຮັດວຽກຢູ່ແຂວງຄໍາມ່ວນໃນຄັ້ງນີ້ປະທານສະມາຄົມຮ່ວມມືຝຣັ່ງ-ລາວ ກໍໄດ້ນໍາເອົາອຸປະກອນການແພດທີ່ຈໍາເປັນຈໍານວນໜຶ່ງເພື່ອມອບໃຫ້ໂຮງໝໍແຂວງຄໍາມ່ວນເຊັ່ນ : ເຄື່ອງເອໂກຈໍານວນ 6 ເຄື່ອງ, ຈັກໃສ່ຢາສະຫຼົບ, ຕູ້ອົບທາຣົກ (ເດັກເກີດໃໝ່), ລະບົບທໍ່ອາກາດຄວາມດັນບວກ-ຄວາມດັນລົບທີ່ໃຊ້ໃນຫ້ອງຜ່າຕັດ ແລະ ຫ້ອງໄອຊີຢູ, ຕຽງນອນໄຟຟ້າສໍາລັບຄົນເຈັບ ແລະ ເຄື່ອງມືການແພດຊະນິດອື່ນໆລວມມູນຄ່າທັງໝົດ 5 ແສນກວ່າເອີໂຣ. ພ້ອມນັ້ນຍັງຈະໄດ້ສືບຕໍ່ປະສານສົມທົບກັບລັດຖະບານລາວ ແລະ ອໍານາດການປົກຄອງແຂວງຄໍາມ່ວນໃນການເຊັນບົດບັນທຶກຄວາມເຂົ້າໃຈວ່າດ້ວຍການຮ່ວມມືໃນຂົງເຂດສາທາລະນະສຸກ ແລະ ລົງໄປຕິດຕາມເບິ່ງສະພາບພື້ນຖານໂຄງລ່າງຂອງໂຮງໝໍເມືອງຈໍານວນໜຶ່ງພາຍໃນແຂວງທີ່ເຫັນວ່າຄວາມຕ້ອງການດ້ານອຸປະກອນການແພດເຊັ່ນ: ເມືອງຄູນຄໍາ ,ເມືອງຍົມມະລາດ ແລະ ເມືອງນາກາຍພ້ອມທັງມີການຝຶກອົບຮົມໃຫ້ແກ່ພະນັກງານແພດໝໍໃນແຕ່ລະເມືອງໃຫ້ຮູ້ຈັກວິທີການນໍາໃຊ້ເຄື່ອງມືແພດດັ່ງກ່າວ. ສໍາລັບເຄື່ອງຊ່ວຍເຫຼືອຕ່າງໆແມ່ນໄດ້ມາຈາກການປະກອບສ່ວນຂອງພາກສ່ວນຕ່າງໆພາຍໃນປະເທດຝຣັ່ງໂດຍຜ່ານສະມາຄົມຮ່ວມມືຝຣັ່ງ-ລາວ; ໃນໂອກາດນີ້ທ່ານເຈົ້າແຂວງຄໍາມ່ວນກໍໄດ້ກ່າວຕ້ອນຮັບ ແລະ ສະແດງຄວາມຂອບໃຈມາຍັງທ່ານ ນາງ ມາກຕິນລັງນົວພ້ອມຄະນະທີ່ໄດ້ມາເຄື່ອນໄຫວ ແລະ ເຮັດວຽກຢູ່ແຂວງຄໍາມ່ວນພ້ອມກັນນັ້ນທ່ານເຈົ້າແຂວງຍັງໄດ້ສະເໜີມາຍັງສະມາຄົມຊ່ວຍຝຶກອົບຮົມພະນັກງານແພດໝໍຢູ່ໂຮງໝໍແຂວງ ແລະ ບັນດາໂຮງໝໍເມືອງພາຍໃນແຂວງໃຫ້ມີຄວາມຊໍານິຊໍານານເພື່ອຮອງຮັບກັບການຂະຫຍາຍຕົວທາງດ້ານເສດຖະກິດ-ສັງຄົມ.
(ຂ່າວ-ພາບ: ແດງສະຫວັດ ແສນພານິດ)
ໂອກາດນີ້, ທ່ານ ນາງ ມາກຕິນ ລັງນົວກໍໄດ້ແຈ້ງຈຸດປະສົງການມາເຄື່ອນໄຫວ ແລະ ເຮັດວຽກຢູ່ແຂວງຄໍາມ່ວນວ່າ: ສະມາຄົມຮວ່ມມື ຝຣັ່ງ-ລາວ ຊຶ່ງໄດ້ດໍາເນີນມາເປັນເວລາ 23 ປີ, ເລີ່ມແຕ່ປີ 1996-2019. ສະມາຄົມຮ່ວມມື ຝຣັ່ງ-ລາວ ໄດ້ຮັບອະນຸຍາດຈາກລັດຖະບານ ແລະ ກະຊວງສາທາລະນະສຸກໃຫ້ເຂົ້າມາຮ່ວມມືພັດທະນາທາງດ້ານເຕັກນິກວິຊາການ ແລະ ພື້ນຖານໂຄງລ່າງຂອງໂຮງໝໍແຂວງຄຳມ່ວນໃນປີ 1996 ເປັນຕົ້ນມາພາຍໃຕ້ການເປັນປະທານຂອງທ່ານ ບວກເຊີຣີ ຈົນຮອດປີ 2010, ຫຼັງຈາກນັ້ນແມ່ນ ທ່ານ ຕຣັງ ແມັງ ເປັນປະທານ ແຕ່ປີ 2010-2019 ແລະໃນປັດຈຸບັນສະມາຄົມໄດ້ເລືອກເອົາທ່ານ ນາງ ມາກຕິນ ລັງນົວ ເປັນປະທານຕໍ່.
ປີ 1997 ແມ່ນໄດ້ສົ່ງທີມງານທຳອິດມາ,ພາຍຫຼັງໄດ້ມີການຈັດຕັ້ງ ແລະ ວາງແຜນການດຳເນີນງານກັບຝ່າຍລາວ. ໂດຍການປະຈຳການຂອງທ່ານ ນາງ ລຸຍໂປນ ຮອງປະທານສະມາຄົມຮ່ວມມືຝຣັ່ງ-ລາວ ໄດ້ເຮັດໃຫ້ມີການພັດທະນາເຕີບໃຫຍ່ຂຶ້ນ ແລະ ຕິດຕາມມາດ້ວຍກິດຈະກຳຕ່າງໆທີ່ນຳມາສູ່ໂຮງໝໍແຂວງຄຳມ່ວນ ຊຶ່ງ ACFL ໄດ້ເປັນສື່ກາງພິເສດລະຫວ່າງອຳນາດການປົກຄອງຂອງ ສປປ ລາວ ແລະ ສາທາລະນະລັດຝຣັ່ງ. ACFL ໄດ້ຈັດຕັ້ງແລະນຳສົ່ງຄະນະແພດຜູ້ຊ່ຽວຊານການແພດສາຂາຕ່າງໆມາຊ່ວຍປັບປຸງແລະຝຶກອົບຮົມກັບທີ່ໃຫ້ແກ່ພະນັກງານໂຮງໝໍແຂວງຄຳມ່ວນຈຳນວນ 40 ຄະນະໂດຍສະເລ່ຍແມ່ນ 6 ເດືອນຕໍ່ປີເພື່ອຍົກລະດັບຄວາມຮູ້-ຄວາມສາມາດຂອງແພດລາວໂດຍສະເພາະແມ່ນໃນຂົງເຂດຜ່າຕັດ ຊຶ່ງມີບັນດາຊ່ຽວຊານຜ່າຕັດຜົ້ງທ້ອງ,ໄຂ່ຫຼັງ, ກະດູກ, ຜ່າຕັດຄາງກະໄຕ ແລະໃບໜ້າ, ຜ່າຕັດຕ່ອມຂັບຍ່ອຍໃນ, ຜ່າຕັດປະສູດລູກ-ພະຍາດຍິງ ແລະ ຜ່າຕັດດັດແປງຕ່າງໆ. ພ້ອມກັນນັ້ນກໍໄດ້ສົ່ງຜູ້ຊ່ຽວຊານມາຊ່ວຍທາງດ້ານວິເຄາະ, ສ້ອມແປງອຸປະກອນການແພດ, ໄດ້ສົ່ງເຄື່ອງມືແລະອຸປະກອນການແພດຈຳນວນຫຼາຍຕູ້ຄອນເທັນເນີມາຊ່ວຍໂຮງໝໍແຂວງຄຳມ່ວນ ພ້ອມສົ່ງຜູ້ປະສານງານຂອງສະມາຄົມມາປະຈຳການຢູ່ໂຮງໝໍແຂວງຄຳມວ່ນ ຈົນໄດ້ຮັບຫຼຽນໄຊມິດຕະພາບຈາກລັດຖະບານລາວ.
ມາຮອດທ້າຍປີ 1999 ເຂດໂຣນອານ-ເປີ ສາທາລະນະລັດຝຣັ່ງໄດ້ເຂົ້າມາໃຫ້ການສະໜັບສະໜູນທາງດ້ານການເງິນແລະຮ່ວມມືພັດທະນາກັບແຂວງຄຳມ່ວນໃນດ້ານຕ່າງໆເຊັ່ນ: ວຽກງານສາທາລະນະສຸກ, ວຽກງານພັດທະນາຊົນນະບົດ, ການຝຶກອົບຮົມວິຊາຊີບ, ວຽກງານການຮຽນພາສາຝຣັ່ງ, ວຽກງານການທ່ອງທ່ຽວ ແລະ ໃຫ້ທຶນແກ່ພະນັກງານ-ລັດຖະກອນລາວຈຳນວນໜຶ່ງໄປຝຶກອົບຮົມທາງດ້ານບໍລິຫານ ແລະ ວິຊາການຈຳນວນໜຶ່ງຢູ່ປະເທດຝຣັ່ງ. ການຮ່ວມມືດັ່ງກ່າວໄດ້ແບ່ງອອກເປັນ 3 ໄລຍະຄື: ໄລຍະທີ 1(1999-2001), ໄລຍະທີ 2(2002-2005), ໄລຍະທີ 3(2006-2010) ອີງຕາມບົດບັນທຶກຄວາມເຂົ້າໃຈການພົວພັນຮ່ວມມື ລະຫວ່າງ ແຂວງຄຳມ່ວນ ແລະ ເຂດໂຣນ-ອານເປີ ສາທາລະນະລັດຝຣັ່ງຄັ້ງວັນທີ 23/11/1999 ທີ່ປະເທດຝຣັ່ງ, ວັນທີ 5/11/2001 ທີ່ແຂວງຄຳມ່ວນ, ວັນທີ 30/9/2005 ທີ່ປະເທດຝຣັ່ງ. ໃນນັ້ນບັນດາກິດຈະກຳການຊ່ວຍເຫຼືອທາງດ້ານສາທາລະນະສຸກແມ່ນໄດ້ມອບໃຫ້ສະມາຄົມຮ່ວມມື ຝຣັ່ງ-ລາວ (ACFL) ເປັນຜູ້ຈັດຕັ້ງປະຕິບັດຈົນຮອດປີ 2010. ພາຍຫຼັງໝົດສັນຍາລະຫວ່າງແຂວງຄຳມ່ວນ ແລະ ເຂດໂຣນ-ອານເປີ ແລ້ວທາງສະມາຄົມຮ່ວມມື ຝຣັ່ງ-ລາວ ກໍຍັງໄດ້ສືບຕໍ່ຊ່ວຍເຫຼືອທາງດ້ານເຕັກນິກ ແລະ ອຸປະກອນທາງດ້ານການແພດໃຫ້ແກ່ແຂວງຄຳມ່ວນ,ໂດຍສະເພາະແມ່ນໂຮງໝໍແຂວງຄຳມ່ວນ ຕະຫຼອດມາ, ຄັ້ງຫຼ້າສຸດທີ່ທາງສະມາຄົມໄດ້ສົ່ງຜູ້ຊ່ຽວຊານມາຕິດຕັ້ງລະບົບທໍ່ອົກຊີແຊນ, ລະບົບທໍ່ອາກາດຄວາມດັນບວກ ແລະ ຄວາມດັນລົບ ພ້ອມດ້ວຍອຸປະກອນການແພດຕ່າງໆຈຳນວນ 1 ຕູ້ຄອນເທນເນີ່ໃຫຍ່ມາໃນຕົ້ນປີ 2019.
ຕະຫຼອດໄລຍະການຮ່ວມມືທີ່ຜ່ານມາທາງສະມາຄົມຮ່ວມມື ຝຣັ່ງ-ລາວ ໄດ້ໃຫ້ການຊ່ວຍເຫຼືອໂຮງໝໍແຂວງຄຳມ່ວນໃນດ້ານຕ່າງໆຄິດເປັນມູນຄ່າ 230.000 ໂດລາ. ດ້ານລາຍຈ່າຍສຳລັບຊ່ຽວຊານຝຣັ່ງມາຝຶກອົບຮົມໃຫ້ແກ່ພະນັກງານແພດ ແລະ ວິເຄາະໂຮງໝໍແຂວງມູນຄ່າທັງໝົດ 83.885 ເອີໂຣ ແລະ ລາຍຈ່າຍຝຶກອົບຮົມແພດລາວຢູ່ພາຍໃນ ແລະ ຕ່າງປະເທດພາຍໃຕ້ການສະໜັບສະໜູນດ້ານການເງິນຈາກສະມາຄົມຮ່ວມມືຝຣັ່ງ-ລາວ ລວມມູນຄ່າທັງໝົດ 97.000 ເອີໂຣ.
ໃນການມາເຄື່ອນໄຫວ ແລະ ເຮັດວຽກຢູ່ແຂວງຄໍາມ່ວນໃນຄັ້ງນີ້ປະທານສະມາຄົມຮ່ວມມືຝຣັ່ງ-ລາວ ກໍໄດ້ນໍາເອົາອຸປະກອນການແພດທີ່ຈໍາເປັນຈໍານວນໜຶ່ງເພື່ອມອບໃຫ້ໂຮງໝໍແຂວງຄໍາມ່ວນເຊັ່ນ : ເຄື່ອງເອໂກຈໍານວນ 6 ເຄື່ອງ, ຈັກໃສ່ຢາສະຫຼົບ, ຕູ້ອົບທາຣົກ (ເດັກເກີດໃໝ່), ລະບົບທໍ່ອາກາດຄວາມດັນບວກ-ຄວາມດັນລົບທີ່ໃຊ້ໃນຫ້ອງຜ່າຕັດ ແລະ ຫ້ອງໄອຊີຢູ, ຕຽງນອນໄຟຟ້າສໍາລັບຄົນເຈັບ ແລະ ເຄື່ອງມືການແພດຊະນິດອື່ນໆລວມມູນຄ່າທັງໝົດ 5 ແສນກວ່າເອີໂຣ. ພ້ອມນັ້ນຍັງຈະໄດ້ສືບຕໍ່ປະສານສົມທົບກັບລັດຖະບານລາວ ແລະ ອໍານາດການປົກຄອງແຂວງຄໍາມ່ວນໃນການເຊັນບົດບັນທຶກຄວາມເຂົ້າໃຈວ່າດ້ວຍການຮ່ວມມືໃນຂົງເຂດສາທາລະນະສຸກ ແລະ ລົງໄປຕິດຕາມເບິ່ງສະພາບພື້ນຖານໂຄງລ່າງຂອງໂຮງໝໍເມືອງຈໍານວນໜຶ່ງພາຍໃນແຂວງທີ່ເຫັນວ່າຄວາມຕ້ອງການດ້ານອຸປະກອນການແພດເຊັ່ນ: ເມືອງຄູນຄໍາ ,ເມືອງຍົມມະລາດ ແລະ ເມືອງນາກາຍພ້ອມທັງມີການຝຶກອົບຮົມໃຫ້ແກ່ພະນັກງານແພດໝໍໃນແຕ່ລະເມືອງໃຫ້ຮູ້ຈັກວິທີການນໍາໃຊ້ເຄື່ອງມືແພດດັ່ງກ່າວ. ສໍາລັບເຄື່ອງຊ່ວຍເຫຼືອຕ່າງໆແມ່ນໄດ້ມາຈາກການປະກອບສ່ວນຂອງພາກສ່ວນຕ່າງໆພາຍໃນປະເທດຝຣັ່ງໂດຍຜ່ານສະມາຄົມຮ່ວມມືຝຣັ່ງ-ລາວ; ໃນໂອກາດນີ້ທ່ານເຈົ້າແຂວງຄໍາມ່ວນກໍໄດ້ກ່າວຕ້ອນຮັບ ແລະ ສະແດງຄວາມຂອບໃຈມາຍັງທ່ານ ນາງ ມາກຕິນລັງນົວພ້ອມຄະນະທີ່ໄດ້ມາເຄື່ອນໄຫວ ແລະ ເຮັດວຽກຢູ່ແຂວງຄໍາມ່ວນພ້ອມກັນນັ້ນທ່ານເຈົ້າແຂວງຍັງໄດ້ສະເໜີມາຍັງສະມາຄົມຊ່ວຍຝຶກອົບຮົມພະນັກງານແພດໝໍຢູ່ໂຮງໝໍແຂວງ ແລະ ບັນດາໂຮງໝໍເມືອງພາຍໃນແຂວງໃຫ້ມີຄວາມຊໍານິຊໍານານເພື່ອຮອງຮັບກັບການຂະຫຍາຍຕົວທາງດ້ານເສດຖະກິດ-ສັງຄົມ.
(ຂ່າວ-ພາບ: ແດງສະຫວັດ ແສນພານິດ)
ຄໍາເຫັນ