ຈັບມືກັນກ້າວໄປຂ້າງໜ້າ ຮ່ວມກັນເປີດອະນາຄົດໃໝ່ທີ່ຮຸ່ງເຮືອງ

ຈີນ ແລະ ລາວ ແມ່ນເພື່ອນບ້ານທີ່ດີ, ເພື່ອນມິດທີ່ດີ, ສະຫາຍທີ່ດີ ແລະ ຄູ່ຮ່ວມມືທີ່ດີ. ຕະຫຼອດໄລຍະເວລາອັນຍາວນານທີ່ຜ່ານມາ, ຜູ້ນຳສູງສຸດຂອງສອງພັກສອງລັດ ໄດ້ໃຫ້ຄວາມສຳຄັນສູງ ແລະ ຊີ້ນຳ-ນຳພາການພົວພັນ ຈີນ-ລາວ ດ້ວຍຕົນເອງສະເໝີມາ, ສອງຝ່າຍໄດ້ກ້າວຍ່າງຢູ່ແຖວໜ້າຂອງການສ້າງຄູ່ຮ່ວມຊາຕາກຳຂອງມວນມະນຸດມາໂດຍຕະຫຼອດ, ຍາດໄດ້ຜົນສໍາເລັດທີ່ພົ້ນເດັ່ນໃນການຮ່ວມມືໃນແຕ່ລະຂົງເຂດ. ປັດຈຸບັນ, ວຽກງານການພັດທະນາຊົນນະບົດ ແລະ ການລົບລ້າງຄວາມທຸກຍາກຍັງແມ່ນໜຶ່ງໃນໜ້າທີ່ຍຸດທະສາດທີ່ສຳຄັນຂອງພັກ ແລະ ລັດຖະບານລາວ, ຝ່າຍຈີນ ຍິນດີທີ່ຈະເພີ່ມທະວີການແລກປ່ຽນຮ່ວມມືກັບຝ່າຍລາວຕື່ມອີກ, ຊ່ວຍເຫຼືອໃຫ້ພາລະກິດການລຶບລ້າງ ແລະ ຫຼຸດຜ່ອນຄວາມທຸກຍາກຂອງຝ່າຍລາວຍາດໄດ້ການພັດທະນາໃໝ່. ໃນອະນາຄົດ, ສອງປະເທດ ສາມາດສືບຕໍ່ນຳໃຊ້ "ຊ່ອງທາງຄຳ" ຂອງທາງລົດໄຟ ຈີນ-ລາວ ໃຫ້ເກີດປະໂຫຍດ, ຊຸກຍູ້ການຮ່ວມມືອຸດສາຫະກຳຂ້າມຊາດໃຫ້ຍົກລະດັບຂຶ້ນຢ່າງບໍ່ຢຸດຢັ້ງ, ເຮັດໃຫ້ເສັ້ນທາງທີ່ຕ່າງຝ່າຍຕ່າງມີຜົນປະໂຫຍດກວ້າງຂວາງກວ່າເກົ່າ, ເພື່ອໃຫ້ຜົນປະໂຫຍດຈາກການພັດທະນາສ້າງຜົນປະໂຫຍດຕົວຈິງໃຫ້ແກ່ປະຊາຊົນໃນທ້ອງຖິ່ນ. ພ້ອມດຽວກັນນັ້ນ, ຍັງສືບຕໍ່ເພີ່ມທະວີການສົນທະນານະໂຍບາຍການຫຼຸດຜ່ອນຄວາມທຸກຍາກ ແລະ ການແບ່ງປັນບົດຮຽນໃນແຕ່ລະຂັ້ນ, ສ້າງກົນໄກການແລກປ່ຽນແບບປົກກະຕິ, ສ້າງກໍລະນີສຶກສາທີ່ປະສົບຜົນສຳເລັດໃຫ້ຫຼາຍຂຶ້ນ. ນອກນີ້, ຍັງຈະສືບຕໍ່ລົງເລິກການຮ່ວມມືໃນຂົງເຂດກະສິກຳ, ການທ່ອງທ່ຽວ, ການກໍ່ສ້າງພື້ນຖານໂຄງລ່າງ ແລະ ການຝຶກອົບຮົມທັກສະວິຊາຊີບ, ຊ່ວຍຍົກລະດັບຄວາມສາມາດໃນການຫຼຸດຜ່ອນຄວາມທຸກຍາກຂອງລາວ, ຈັບມືກັນຊຸກຍູ້ການສ້າງຄູ່ຮ່ວມຊາຕາກຳ ຈີນ-ລາວໃຫ້ປະກົດຜົນເປັນຈິງ, ມີອະນາຄົດທີ່ສະຫວ່າງສະໄຫວ ແລະ ກວ້າງຂວາງ ຍິ່ງໆຂຶ້ນ.