ຈີນ ຈະສ້າງກົດໝາຍວ່າດ້ວຍການຕ້ານການສໍ້ລາດບັງຫຼວງຂ້າມຊາຍແດນ

11:41 10/03/2026

ຂ່າວສານຊີອາໄອລາຍງານວ່າ: ໃນວັນທີ 9 ມີນາ ຜ່ານມາ, ກອງປະຊຸມຄົບຄະນະເທື່ອທີ 2 ຂອງກອງປະຊຸມຄັ້ງທີ 4 ຂອງສະພາປະຊາຊົນແຫ່ງຊາດຈີນຊຸດທີ 14 ໄດ້ຈັດຂຶ້ນຢູ່ຫໍສະພາປະຊາຊົນແຫ່ງຊາດ ທີ່ນະຄອນຫຼວງປັກກິ່ງ.

ຂ່າວລະບຸວ່າ: ໂດຍໄດ້ຮັບການມອບໝາຍຈາກຄະນະປະຈຳສະພາປະຊາຊົນແຫ່ງຊາດຈີນ, ທ່ານ ຈ້າວເລີ້ຈີ້ ປະທານສະພາປະຊາຊົນແຫ່ງຊາດຈີນ ໄດ້ລາຍງານວຽກງານຂອງຄະນະປະຈຳສະພາປະຊາຊົນແຫ່ງຊາດຈີນຕໍ່ກອງປະຊຸມ.

ບົດລາຍງານດັ່ງກ່າວສະແດງໃຫ້ເຫັນວ່າ: ໃນ 1 ປີຜ່ານມາ, ຄະນະປະຈຳສະພາປະຊາຊົນແຫ່ງຊາດຈີນໄດ້ຮັບຟັງ ແລະ ພິຈາລະນາບົດລາຍງານກ່ຽວກັບການຕິດຕາມກວດກາ 22 ສະບັບ, ກວດກາສະພາບການປະຕິບັດກົດໝາຍ 5 ສະບັບ, ຈັດຕັ້ງການຊັກຖາມຕາມຫົວຂໍ້ສະເພາະ 2 ເທື່ອ, ການສຳຫຼວດຄົ້ນຄວ້າຕາມຫົວຂໍ້ສະເພາະ 11 ລາຍການ, ອອກມະຕິຕົກລົງ 1 ສະບັບ. ປີນີ້, ລັດຖະບານຈີນຈະມຸ່ງເນັ້ນໃສ່ການຊຸກຍູ້ການສ້າງກົດໝາຍວ່າດ້ວຍການຕໍ່ຕ້ານການສໍ້ລາດບັງຫຼວງ, ຈະສ້າງກົດໝາຍວ່າດ້ວຍການຕໍ່ຕ້ານການສໍ້ລາດບັງຫຼວງຂ້າມຊາຍແດນ.

ພ້ອມກັນນັ້ນ, ໃນດ້ານການອະນຸລັກສິ່ງແວດລ້ອມທຳມະຊາດ, ປີນີ້ຈະສ້າງກົດໝາຍວ່າດ້ວຍການເຄື່ອນໄຫວ ແລະ ອະນຸລັກສິ່ງແວດລ້ອມຢູ່ຂົ້ວໂລກໃຕ້, ປັບປຸງກົດໝາຍວ່າດ້ວຍນ້ຳ ແລະ ກົດໝາຍວ່າດ້ວຍພະລັງງານໝູນວຽນ.

ຄໍາເຫັນ

ຂ່າວຕ່າງປະເທດ

ການຜະລິດນໍ້າມັນຂອງອີຣັກ ຫຼຸດລົງ 70%

10/03/2026 12:32

ຂ່າວຕ່າງປະເທດລາຍງານໃນວັນທີ 9 ມີນາ ຜ່ານມາວ່າ: ການຜະລິດນ້ຳມັນຂອງອີຣັກຈາກບໍ່ນ້ຳມັນຫຼັກທາງພາກໃຕ້ໄດ້ຫຼຸດລົງເຖິງ 70% ຈາກປະມານ 4.3 ລ້ານບາເຣວຕໍ່ມື້ ມາເປັນພຽງ 1.3 ລ້ານບາເຣວຕໍ່ມື້ ຍ້ອນວ່າການຕໍ່ສູ້ຢ່າງຕໍ່ເນື່ອງໃນພາກພື້ນເຮັດໃຫ້ອີຣັກບໍ່ສາມາດສົ່ງອອກນ້ຳມັນຜ່ານຊ່ອງແຄບຮໍມຸສໄດ້.

ວິກິດການໃນຕາເວັນອອກກາງກຳລັງເຮັດໃຫ້ຄ່າຂົນສົ່ງໃນນູແວນເຊລັງສູງຂຶ້ນ

10/03/2026 12:30

ຂ່າວຕ່າງປະເທດລາຍງານໃນວັນທີ 9 ມີນາ ຜ່ານມາວ່າ: ບໍລິສັດ Rocket Freight ຊຶ່ງເປັນບໍລິສັດຂົນສົ່ງສິນຄ້າທີ່ຕັ້ງຢູ່ເມືອງໂອກແລນ ປະເທດນູແວນເຊລັງ ໄດ້ເຕືອນວ່າ: ຊາວນູແວນເຊລັງອາດຈະປະເຊີນກັບຄ່າໃຊ້ຈ່າຍໃນການຂົນສົ່ງທີ່ສູງຂຶ້ນຢ່າງຫຼວງຫຼາຍ ແລະ ການຈັດສົ່ງສິນຄ້າທີ່ຊັກຊ້າເປັນເວລາຫຼາຍເດືອນ ເນື່ອງຈາກຂໍ້ຂັດແຍ່ງໃນຕາເວັນອອກກາງສົ່ງຜົນກະທົບຕໍ່ລະບົບຕ່ອງໂສ້ການສະໜອງທົ່ວໂລກ.

ກຳປູເຈຍ ຈະກຳຈັດອາຊະຍາກຳການຫຼອກລວງທາງໂທລະຄົມຢ່າງເດັດຂາດ

10/03/2026 11:44

ຂ່າວສານຊີອາໄອລາຍງານ ຫວ່າງມໍ່ໆມານີ້ວ່າ: ທ່ານ ຮຸນມາແນດ ນາຍົກລັດຖະມົນຕີກຳປູເຈຍກ່າວວ່າ, ລັດຖະບານກຳປູເຈຍຈະໃຊ້ມາດຕະການທີ່ເດັດຂາດທີ່ສຸດ ເພື່ອກຳຈັດອາຊະຍາກຳການຫຼອກລວງທາງໂທລະຄົມຢ່າງເດັດຂາດ ແລະ ຕັດຂາດຢ່າງສິ້ນເຊີງກັບການຫຼອກລວງທາງໂທລະຄົມ.

ເປັນຄັ້ງທຳອິດທີ່ລາຄານ້ຳມັນຂຶ້ນເກີນ 100 ໂດລາ/ຖັງ

10/03/2026 11:43

ວິທະຍຸກະຈາຍສຽງຫວຽດນາມລາຍງານໃນວັນທີ 9 ມີນາ ຜ່ານມາວ່າ: ລາຄານ້ຳມັນຂອງໂລກເພີ່ມຂຶ້ນຢ່າງແຮງ ແລະ ເກີນ 100 ໂດລາ/ຖັງ ເມື່ອຕະຫຼາດເປີດປະຕູການແລກປ່ຽນການຄ້າໃນວັນທີ 8 ມີນາ ຜ່ານມາ, ໃນສະພາບທີ່ບັນດານັກລົງທຶນມີຄວາມວິຕົກກັງວົນວ່າ ແຫຼ່ງສະໜອງພະລັງງານທົ່ວໂລກຖືກຂາດວັກຂາດຕອນ ຍ້ອນສະພາບຄວາມເຄັ່ງຕຶງຢູ່ຕາເວັນອອກກາງເພີ່ມຂຶ້ນ. ນີ້ເປັນຄັ້ງທຳອິດທີ່ລາຄານ້ຳມັນລືນລະດັບນັບແຕ່ເມື່ອເກີດການປະທະກັນລະຫວ່າງ ຣັດເຊຍ - ອູແກຣນ ໃນເດືອນກຸມພາ 2022. ລາຄານ້ຳມັນເຊື້ອໄຟ ແລະ ນ້ຳມັນດິບ (WTI) ເພີ່ມຂຶ້ນເຖິງ 20%, ຂຶ້ນເປັນ 109.17 ໂດລາ/ຖັງ ເປັນໂຕເລກສູງສຸດນັບແຕ່ເດືອນກຸມພາ 2022. ໃນຂະນະນັ້ນ, ລາຄານໍ້າມັນ Brent ເພີ່ມຂຶ້ນປະມານ 19%, ຂຶ້ນເປັນ 110.35 ໂດລາ/ຖັງ.

ອິນໂດເນເຊຍ ຈະເລັ່ງມາດຕະການປະສົມເອທານອນຊີວະພາບ ໃນນໍ້າມັນເຊື້ອໄຟ

10/03/2026 11:42

ຂ່າວຕ່າງປະເທດລາຍງານ ໃນວັນທີ 9 ມີນາ ຜ່ານມາວ່າ: ທ່ານ ບາລິລ ລາຮາດາເລຍ ລັດຖະມົນຕີກະຊວງພະລັງງານ ແລະ ຊັບພະຍາກອນແຮ່ທາດຂອງອິນໂດເນເຊຍ ໄດ້ເປີດເຜີຍວ່າ, ອິນໂດເນເຊຍຈະເລັ່ງການຈັດຕັ້ງປະຕິບັດມາດຕະການປະສົມເອທານອນຊີວະພາບ ຫຼື ໄບໂອເອທານອນ (bioethanol) ໃນນໍ້າມັນເຊື້ອໄຟ. ໂດຍນ້ຳມັນແອັດຊັງຕ້ອງມີເອທານອນ 20% ຫຼື E20 ເພື່ອຫຼຸດຜ່ອນການເພິ່ງພາການນຳເຂົ້າ ແລະ ຄ່າໃຊ້ຈ່າຍເຊື້ອໄຟ.

ອົງການພະລັງງານສາກົນລະບຸ ການສະໜອງຂອງຕະຫຼາດນ້ຳມັນເຊື້ອໄຟໂລກພຽງພໍ

09/03/2026 14:54

ຂ່າວສານຊີອາໄອລາຍງານວ່າ: ຫວ່າງມໍ່ໆມານີ້, ທ່ານຟາຕິກ ບີໂຣນ ຫົວໜ້າອົງການພະລັງງານສາກົນໄດ້ເຂົ້າຮ່ວມກອງປະຊຸມສະຫະພາບເອີຣົບກ່ຽວກັບສະຖານະການຕະຫຼາດພະລັງງານໂລກຢູ່ນະຄອນຫຼວງບຣຸກແຊນ ປະເທດແບນຊິກ. ທ່ານໄດ້ກ່າວໃນເວລາໃຫ້ສຳພາດຕໍ່ນັກຂ່າວກ່ຽວກັບບັນຫາທີ່ອາເມຣິກາແລະອິສຣາແອນຫຼອນໂຈມຕີອີຣານເຮັດໃຫ້ສະຖານະການເຄັ່ງຕຶງຂຶ້ນຢ່າງຕໍ່ເນື່ອງແລະລາຄານ້ຳມັນເຊື້ອໄຟເພີ່ມຂຶ້ນວ່າ: ສົງຄາມລະຫວ່າງອາເມຣິກາ, ອິສຣາແອນແລະອີຣານໄດ້ເຮັດໃຫ້ການຈໍລະຈອນສິນຄ້າຢຸດສະງັກ ແລະໄດ້ນຳເອົາສິ່ງທ້າທາຍມາໃຫ້ແກ່ຫຼາຍປະເທດ, ແຕ່ວ່າການສະໜອງຂອງຕະຫຼາດນ້ຳມັນເຊື້ອໄຟໂລກຍັງ “ພຽງພໍຄືເກົ່າ”.

ອິນໂດເນເຊຍ ຈະຈຳກັດການໃຊ້ສື່ສັງຄົມອອນລາຍສຳລັບຜູ້ທີ່ມີອາຍຸຕໍ່າກວ່າ 16 ປີ

09/03/2026 14:52

ຂ່າວຕ່າງປະເທດລາຍງານຫວ່າງມໍ່ໆມານີ້ວ່າ:ທ່ານ ເມອຸດຍາ ຮາຟິດ ລັດຖະມົນຕີກະຊວງການສື່ສານ ແລະ ວຽກງານດີຈີຕອນຂອງອິນໂດເນເຊຍ ໄດ້ເປີດເຜີຍວ່າ, ອິນໂດເນເຊຍຈະເລີ່ມບັງຄັບໃຊ້ກົດລະບຽບດ້ານຄວາມປອດໄພທາງອອນລາຍສະບັບໃໝ່ສຳລັບຜູ້ໃຊ້ທີ່ມີອາຍຸຕ່ຳກວ່າ 16 ປີ ໃນແພັດຟອມສື່ສັງຄົມອອນລາຍ ຊຶ່ງກົດລະບຽບເຫຼົ່ານີ້ຈະຈຳກັດການເຂົ້າເຖິງສື່ສັງຄົມອອນລາຍຫຼາຍແພັດຟອມສຳລັບຜູ້ໃຊ້ທີ່ມີອາຍຸຕ່ຳກວ່າ 16 ປີ, ຂະບວນການດັ່ງກ່າວຈະຖືກດຳເນີນເປັນໄລຍະໆ ນັບແຕ່ວັນທີ 28 ມີນາ ເປັນຕົ້ນໄປ.

ສປຊ ປະກາດສະພາວະສຸກເສີນດ້ານມະນຸດສະທໍາຢ່າງຮ້າຍແຮງຢູ່ຕາເວັນອອກກາງ

09/03/2026 14:51

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 6 ມີນາ ຜ່ານມາ, ຂ້າຫຼວງໃຫຍ່ ສປຊ ກ່ຽວກັບຊາວລີ້ໄພ (UNHCR) ໄດ້ປະກາດວ່າ:ວິກິດການຢູ່ຕາເວັນອອກາງແມ່ນສະພາວະສຸກເສີນທາງມະນຸດສະທຳຢ່າງຮ້າຍແຮງ; ພ້ອມທັງເນັ້ນໜັກວ່າ ສາມັນຊົນທຸກຄົນທີ່ພວມແລ່ນໜີຫຼົບໄພຕ້ອງໄດ້ຮັບປະກັນຄວາມປອດໄພ. UNHCR ລະບຸວ່າ: ວິກິດການຢູ່ຕາເວັນອອກາງ, ເລີ່ມແຕ່ວັນທີ 28 ກຸມພາຜ່ານມາ ເມື່ອ ອາເມຣິກາ ແລະ ອິສຣາແອນ ບຸກໂຈມຕີອີຣານ ເຮັດໃຫ້ການປະທະກັນແຜ່ລາມອອກສູ່ວົງກວ້າງ ແລະ ເຮັດໃຫ້ສາມັນຊົນຫຼາຍຄົນຕ້ອງປະລະເຮືອນຊານ.

ກຳປູເຈຍ ສົ່ງອອກເຂົ້າເພີ່ມຂຶ້ນ 83% ໃນສອງເດືອນທຳອິດຂອງປີ

09/03/2026 11:50

ຂ່າວຕ່າງປະເທດລາຍງານ ໃນທ້າຍອາທິດຜ່ານມາວ່າ: ສະຫະພັນເຂົ້າກຳປູເຈຍລາຍງານວ່າ, ກຳປູເຈຍໄດ້ສົ່ງອອກເຂົ້າໄປຍັງຕະຫຼາດສາກົນໃນລະຫວ່າງເດືອນມັງກອນ-ກຸມພາ 2026 ລວມທັງໝົດ 247,822 ໂຕນ, ເພີ່ມຂຶ້ນ 83% ຈາກ 135,074 ໂຕນໃນໄລຍະດຽວກັນຂອງປີກາຍ.

ຈີນກຳລັງດຳເນີນການສຶກສາທີ່ມີຂະໜາດໃຫຍ່ແລະຄຸນນະພາບດີໃນໂລກ

09/03/2026 11:49

ຂ່າວສານຊີອາໄອລາຍງານວ່າ: ໃນວັນທີ 7 ມີນາ ຜ່ານມາ, ກອງປະຊຸມຄັ້ງທີ 14 ຂອງສະພາປະຊາຊົນແຫ່ງຊາດຈີນຊຸດທີ 14 ໄດ້ຈັດກອງປະຊຸມຖະແຫຼງຂ່າວກ່ຽວກັບຫົວຂໍ້ຊີວິດການເປັນຢູ່ຂອງປະຊາຊົນ. ທ່ານ ຮວາຍຈິ້ນເພີງ ລັດຖະມົນຕີກະຊວງສຶກສາທິການຈີນໄດ້ແນະນຳສະພາບການສຶກສາຂອງຈີນໃຫ້ຊາບ ວ່າ: ປັດຈຸບັນນີ້, ຈີນມີໂຮງຮຽນຊັ້ນຕ່າງໆ ແລະປະເພດຕ່າງໆ 440,000 ແຫ່ງ, ມີນັກຮຽນນັກສຶກສາ 280,000,000 ຄົນ ແລະຄູ-ອາຈານ 18,700,000 ຄົນ.

ເພີ່ມເຕີມ