ຂ່າວສານຊີອາໄອລາຍງານ ເມື່ອບໍ່ດົນມານີ້, ທ່ານຫວ່າງເວີນປິ່ນ ໂຄສົກກະຊວງການຕ່າງປະເທດຈີນໄດ້ຈັດກອງປະຊຸມຖະແຫຼງຂ່າວ. ນັກຂ່າວໄດ້ຕັ້ງຄຳຖາມກ່ຽວກັບການຮັບເອົາສະມາຊິກ ໃໝ່ຂອງ BRICS. ທ່ານຫວ່າງເວີນປິ່ນກ່າວວ່າ: ພວກເຮົາມີຄວາມໝັ້ນໃຈຕໍ່ການພັດທະນາການຮ່ວມມື BRICS ໃນອະນາຄົດ. ກົນໄກການຮ່ວມມື BRICS ຜ່ານມາ 18 ປີ, ກຳລັງແຫ່ງຄວາມສາມັກຄີນັບມື້ນັບເຂັ້ມແຂງຂຶ້ນ ແລະມີບົດບາດເພີ່ມຂຶ້ນຢ່າງບໍ່ຢຸດຢັ້ງ, ໄດ້ກາຍເປັນກຳລັງທີ່ຕັ້ງໜ້າ, ໝັ້ນຄົງ ແລະມີລັກສະນະສ້າງສັນໃນກິດຈະການສາກົນ. BRICS ໄດ້ຂະຫຍາຍຕົວໄປເຖິງ 10 ປະເທດສະມາຊິກ ຊຶ່ງ ໝາຍເຖິງການຮ່ວມມື BRICS ມີອະນາຄົດທີ່ສົດໃສ. ປະເທດ BRICS ໄດ້ຕັດສິນໃຈຮັບເອົາສະມາຊິກ ໃໝ່ຕາມການຮ້ອງຂໍຂອງປະເທດທີ່ກ່ຽວຂ້ອງ, ແມ່ນສອດຄ່ອງກັບຄວາມມຸ່ງມາດປາຖະໜາຮ່ວມຂອງຕະຫຼາດທີ່ຈະເລີນຮຸ່ງເຮືອງໃໝ່ ແລະປະເທດພວມພັດທະນາ ແລະປະຕິບັດຕາມກະແສປະຫວັດສາດແຫ່ງການຫັນເປັນຫຼາຍຂົ້ວຂອງໂລກ. ຈີນຈະຮ່ວມກັບປະເທດສະມາຊິກ BRICS ຊຸກຍູ້ “ການຮ່ວມມື BRICS” ໃຫ້ໄດ້ຮັບໝາກຜົນໃໝ່ຢ່າງບໍ່ຢຸດຢັ້ງ.
BIS ເຕືອນ ຄວາມສ່ຽງສົງຄາມການຄ້າດຶງເສດຖະກິດໂລກໄປສູ່ຍຸກຂອງຄວາມບໍ່ແນ່ນອນ
ຂ່າວຕ່າງປະເທດລາຍງານ ໃນວັນທີ 30 ມິຖຸນາ ຜ່ານມາວ່າ: ທະນາຄານເພື່ອການຊຳລະສາກົນ (Bank for International Settlements: BIS) ເປີດເຜີຍບົດລາຍງານການປະເມີນເສດຖະກິດໂລກຄັ້ງຫຼ້າສຸດ ໃນວັນທີ 29 ມິຖຸນາ ຜ່ານມາວ່າ: ຄວາມເຄັ່ງຕຶງດ້ານການຄ້າ ແລະ ທາງດ້ານພູມສາດການເມືອງ ມີຄວາມສ່ຽງທີ່ຈະເຮັດໃຫ້ລະບົບການເງິນທົ່ວໂລກປະເຊີນກັບຄວາມບໍ່ສອດຄ່ອງໃນລະດັບທີ່ເລິກເຊິ່ງຂຶ້ນ.
ຄໍາເຫັນ