ແລະ ພິທີເປີດວາລະສານສະບັບພິເສດເມື່ອບໍ່ດົນມານີ້ ທີ່ ນະຄອນຫຼວງວຽງຈັນ,ທ່ານ ນາງ ອາດີນາ ມະຫາວົງ ປະທານໂທລະພາບຊ່ອງ5 ເອັມວີລາວ ທັງເປັນຮຸ້ນສ່ວນກັບໂທລະພາບແຫ່ງຊາດລາວຊ່ອງ 1 ໄດ້ໃຫ້ສໍາພາດຕໍ່ນັກຂ່າວໜັງສືພິມປະຊາຊົນວ່າ: ໃນປີ 2025 ແມ່ນຄົບຮອບ 11 ປີ ຂອງການສ້າງຕັ້ງມິດຕະພາບລ້ານຊ້າງ-ແມ່ນໍ້າຂອງ ແລະ ຄົບຮອບ 3 ປີ ເປີດນໍາໃຊ້ເສັ້ນທາງລົດໄຟລາວ-ຈີນ.
ດັ່ງນັ້ນ, ວິທະຍຸ-ໂທລະພາບແຂວງຢຸນນານ ຮ່ວມກັບໂທລະພາບຊ່ອງ5 ເອັມວີລາວ ພາຍໃຕ້ການຊີ້ນໍາຂອງກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ (ຖວທ) ໂດຍປະສານງານກ່ຽວກັບການຈັດສະແດງສິລະປະ-ວັນນະຄະດີ ເພື່ອສ້າງບັນຍາກາດຄວາມເບີກບານມ່ວນຊື່ນ, ຄວາມຮັກແພງ, ຄວາມສາມັກຄີ, ການພົວພັນຮ່ວມມືລະຫວ່າງສອງຊາດລາວ-ຈີນໂດຍສະເພາະເພື່ອຈັດສະແດງໃນການຕ້ອນຮັບຄະນະຜູ້ແທນ ສປຈີນ ມາຮອດສະຖານີລົດໄຟນະຄອນຫຼວງວຽງຈັນໂອກາດເດີນທາງມາເຂົ້າຮ່ວມກິດຈະກຳໃນຄັ້ງນີ້, ໂດຍນັກສິລະປະລາວ-ຈີນ ໄດ້ຮ່ວມກັນຮ້ອງເພງດອກຈໍາປາ, ເພງມໍລີຮົວແລະ ອື່ນໆ ທີ່ສະແດງໃຫ້ເຫັນຄວາມຮັກ, ຄວາມສາມັກຄີກັນຕາມສຽງເພງ, ຕາມເສັ້ນທາງລົດໄຟລາວ-ຈີນ ແລະ ເສັ້ນທາງສາຍຮັກ ຊຶ່ງເປັນໜຶ່ງກິດຈະກໍາທີ່ໄດ້ເຫັນການສະແດງສິລະປະ-ວັນນະຄະດີລະຫວ່າງສອງຊາດລາວ-ຈີນ ໄດ້ປະສານສຽງກັນຢ່າງກົມກຽວຟັງແລ້ວມີຄວາມປິຕິດີໃຈທີ່ສຸດ. ໃນນັ້ນ, ການສະແດງໃນຄັ້ງນີ້, ຍັງເປັນການສົ່ງເສີມວຽກງານທ່ອງທ່ຽວ.ພ້ອມນັ້ນ, ເຮັດໃຫ້ເສດຖະກິດ-ສັງຄົມ ໄດ້ເພີ່ມທະວີຂຶ້ນຢ່າງໄວວານັບແຕ່ເປີດເສັ້ນທາງລົດໄຟລາວ-ຈີນ ເຖິງປັດຈຸບັນ ໄດ້ອອກສູ່ປະຕູອາຊຽນ ແລະ ຊາວໂລກ.
ທ່ານ ນາງ ອາດີນາ ມະຫາວົງຍັງກ່າວດ້ວຍຄວາມພາກພູມໃຈ ແລະ ດີໃຈ ທີ່ໄດ້ມີບົດບາດ, ມີສ່ວນຮ່ວມໃນກິດຈະກໍາຄັ້ງນີ້ ແລະ ເຫັນໄດ້ວ່າກອງປະຊຸມໃນຄັ້ງນີ້, ສອງຝ່າຍລາວ-ຈີນ ໂດຍສະເພາະສື່ລາວ-ຈີນມີການໃກ້ຊິດກັນຫຼາຍຂຶ້ນ. ພ້ອມນັ້ນ, ຍັງເຫັນຫຼາຍພາກສ່ວນທີ່ກ່ຽວຂ້ອງຈາກຝ່າຍລາວ ແລະ ຝ່າຍຈີນ ທີ່ເຂົ້າມາຮ່ວມກອງປະຊຸມ,ໄດ້ນໍາເອົາຫຼາຍຫົວຂໍ້ສໍາຄັນມາສົນທະນາ, ໂອ້ລົມ ແລະ ປຶກສາຫາລືກັນ ໂດຍໄດ້ກັ່ນກອງແນວໃດ ເພື່ອຈະອອກຂ່າວສານ ໃຫ້ຖືກຕ້ອງຕາມແລວທາງເສດຖະກິດ ແລະ ອື່ນໆ.
ຄໍາເຫັນ