ກອງປະຊຸມລັດຖະມົນຕີສຶກສາອາຊຽນ ກ່ຽວກັບການກຽມຄວາມພ້ອມຕໍ່ສະພາບການປ່ຽນແປງຂອງດິນຟ້າອາກາດຕັ້ງແຕ່ເຍົາໄວ: ການສຶກສາເດັກກ່ອນໄວຮຽນ ເພື່ອຄວາມຍືນຍົງໃນອະນາຄົດໄດ້ຈັດຂຶ້ນໃນວັນທີ 15 ພຶດສະພານີ້ ທີ່ໂຮງແຮມແລນມາກແມ່ຂອງລີເວີໄຊນະຄອນຫຼວງວຽງຈັນ ໂດຍການເປັນປະທານຂອງທ່ານ ພຸດ ສິມມາລາວົງ ລັດຖະມົນຕີກະຊວງສຶກສາທິການ ແລະ ກິລາແຫ່ງ ສປປ ລາວ, ມີທ່ານ ກາວ ຄິມ ຮຸນ ເລຂາທິການອາຊຽນ, ມີບັນດາລັດຖະມົນຕີສຶກສາອາຊຽນ, ຕີມໍເລສເຕ ແລະ ພາກສ່ວນກ່ຽວຂ້ອງເຂົ້າຮ່ວມ.
ທ່ານ ພຸດ ສິມມາລາວົງ ກ່າວວ່າ: ກອງປະຊຸມໃນຄັ້ງນີ້, ເປັນເວທີການແລກປ່ຽນບົດຮຽນພ້ອມກັນເບິ່ງບັນຫາການວາງແນວທາງໃນການປັບປຸງ ແລະ ຂະຫຍາຍເຂົ້າສູ່ຄຸນນະພາບຕໍ່ກັບການສຶກສາເດັກກ່ອນໄວຮຽນ.ນັບແຕ່ການເປັນປະທານອາຊຽນໃນປີ 2012 ຂອງ ສປປ ລາວ, ການຮ່ວມມືອາຊຽນພວກເຮົາໄດ້ຮັບຜົນສໍາເລັດເປັນກ້າວໆ ໂດຍສະເພາະວຽກງານການສຶກສາ ກໍຄືການດູແລ ແລະ ການສຶກສາເດັກກ່ອນໄວຮຽນ. ໃນນີ້, ໄດ້ປະຕິບັດ ແລະ ສືບຕໍ່ຕາມຄໍາໝາຍໝັ້ນໃນການຈັດຕັ້ງປະຕິບັດ ຖະແຫຼງການຜູ້ນໍາອາຊຽນວ່າດ້ວຍການດູແລ ແລະ ການສຶກສາເດັກກ່ອນໄວຮຽນທີ່ໄດ້ຮັບຮອງໃນເດືອນກໍລະກົດ 2023 ທີ່ນະຄອນຫຼວງຈາກາຕາປະເທດອິນໂດເນເຊຍ. ນອກຈາກນີ້, ສປປ ລາວ ຍັງໄດ້ເຂົ້າຮ່ວມຮັບຮອງບັນດາຖະແຫຼງການອື່ນໆ ທີ່ໄດ້ຮັບຮອງຮ່ວມກັນຂອງບັນດາປະເທດອາຊີຕາເວັນອອກສ່ຽງໃຕ້ກ່ຽວກັບການດູແລ ແລະ ການສຶກສາເດັກກ່ອນໄວຮຽນ. ພ້ອມນີ້, ໄດ້ຮ່ວມມືກັນ ແລະ ຈະສືບຕໍ່ຮ່ວມມືກັນ ເພື່ອກ້າວໄປຂ້າງໜ້າພ້ອມໆກັນ ຕາມວິໄສທັດຂອງປະຊາຄົມອາຊຽນ 2025 ແລະ ແຜນການຮ່ວມມືສຶກສາອາຊຽນ 2021-2025 ແລະ ຕ້ອງສືບຕໍ່ເຮັດວຽກຮ່ວມກັນຢ່າງໃກ້ຊິດເພື່ອສ້າງຄວາມເຂັ້ມແຂງ ແລະ ຄວາມສົມບູນພູນສຸກໃຫ້ແກ່ປະຊາຄົມຂອງພວກເຮົາ ຊຶ່ງຂະແໜງການສຶກສາໃນພາກພື້ນອາຊຽນຂອງພວກເຮົາພວມຟື້ນຕົວຈາກຜົນກະທົບການແຜ່ລະບາດຂອງພະຍາດໂຄວິດ-19 ເຖິງວ່າຈະມີສິ່ງທ້າທາຍ ແລະ ໂອກາດທີ່ເກີດຂຶ້ນຈາກຜົນກະທົບຂອງໂຣກລະບາດຕໍ່ການສຶກສາພາກພື້ນ ແລະ ສາກົນ, ພວກເຮົາໄດ້ຮັບຄວາມເຂົ້າໃຈ ແລະ ບົດຮຽນທີ່ມີຄຸນຄ່າຢ່າງຫຼວງຫຼາຍ. ນອກຈາກນີ້, ການປ່ຽນແປງດິນຟ້າອາດກາດ ຍັງເປັນບັນຫາທີ່ກະທົບຕໍ່ການພັດທະນາທາງດ້ານການສຶກສາ. ສິ່ງເຫຼົ່ານີ້ຊີ້ໃຫ້ເຫັນເຖິງຄວາມຈໍາເປັນສໍາລັບການຍົກລະດັບຄວາມພ້ອມ ແລະ ການຮ່ວມມືທີ່ສົມບູນແບບເພື່ອແກ້ໄຂການປ່ຽນແປງດ້ານຕ່າງໆໃນອະນາຄົດ.
ທ່ານ ພຸດ ສິມມາລາວົງ ກ່າວຕື່ມວ່າ: ກອງປະຊຸມຄັ້ງນີ້ ເປັນໂອກາດສໍາຄັນເພື່ອຊອກຫາຊ່ອງທາງ ແລະ ວິທີການຕ່າງໆເພື່ອຮັດແໜ້ນ ແລະ ສ້າງຄວາມເຂັ້ມແຂງໃຫ້ແກ່ປະຊາຄົມອາຊຽນ ໂດຍຜ່ານການຈັດຕັ້ງປະຕິບັດແຜນການຮ່ວມມືດ້ານການສຶກສາອາຊຽນ 2021-2025, ວິໄສທັດປະຊາຄົມອາຊຽນ 2025 ແລະ ແຜນແມ່ບົດ 3 ເສົາຄໍ້າປະຊາຄົມອາຊຽນຢ່າງມີປະສິດທິພາບ ທັງເປັນໂອກາດໄດ້ປຶກສາຫາລື ແລະ ແລກປ່ຽນທັດສະນະກ່ຽວກັບບັນຫາພາກພື້ນ ແລະ ສາກົນທີ່ມີຄວາມສົນໃຈ ແລະ ຄວາມເປັນຫ່ວງ.
(ຂ່າວ-ພາບ: ວັນເພັງ)
ທ່ານ ພຸດ ສິມມາລາວົງ ກ່າວວ່າ: ກອງປະຊຸມໃນຄັ້ງນີ້, ເປັນເວທີການແລກປ່ຽນບົດຮຽນພ້ອມກັນເບິ່ງບັນຫາການວາງແນວທາງໃນການປັບປຸງ ແລະ ຂະຫຍາຍເຂົ້າສູ່ຄຸນນະພາບຕໍ່ກັບການສຶກສາເດັກກ່ອນໄວຮຽນ.ນັບແຕ່ການເປັນປະທານອາຊຽນໃນປີ 2012 ຂອງ ສປປ ລາວ, ການຮ່ວມມືອາຊຽນພວກເຮົາໄດ້ຮັບຜົນສໍາເລັດເປັນກ້າວໆ ໂດຍສະເພາະວຽກງານການສຶກສາ ກໍຄືການດູແລ ແລະ ການສຶກສາເດັກກ່ອນໄວຮຽນ. ໃນນີ້, ໄດ້ປະຕິບັດ ແລະ ສືບຕໍ່ຕາມຄໍາໝາຍໝັ້ນໃນການຈັດຕັ້ງປະຕິບັດ ຖະແຫຼງການຜູ້ນໍາອາຊຽນວ່າດ້ວຍການດູແລ ແລະ ການສຶກສາເດັກກ່ອນໄວຮຽນທີ່ໄດ້ຮັບຮອງໃນເດືອນກໍລະກົດ 2023 ທີ່ນະຄອນຫຼວງຈາກາຕາປະເທດອິນໂດເນເຊຍ. ນອກຈາກນີ້, ສປປ ລາວ ຍັງໄດ້ເຂົ້າຮ່ວມຮັບຮອງບັນດາຖະແຫຼງການອື່ນໆ ທີ່ໄດ້ຮັບຮອງຮ່ວມກັນຂອງບັນດາປະເທດອາຊີຕາເວັນອອກສ່ຽງໃຕ້ກ່ຽວກັບການດູແລ ແລະ ການສຶກສາເດັກກ່ອນໄວຮຽນ. ພ້ອມນີ້, ໄດ້ຮ່ວມມືກັນ ແລະ ຈະສືບຕໍ່ຮ່ວມມືກັນ ເພື່ອກ້າວໄປຂ້າງໜ້າພ້ອມໆກັນ ຕາມວິໄສທັດຂອງປະຊາຄົມອາຊຽນ 2025 ແລະ ແຜນການຮ່ວມມືສຶກສາອາຊຽນ 2021-2025 ແລະ ຕ້ອງສືບຕໍ່ເຮັດວຽກຮ່ວມກັນຢ່າງໃກ້ຊິດເພື່ອສ້າງຄວາມເຂັ້ມແຂງ ແລະ ຄວາມສົມບູນພູນສຸກໃຫ້ແກ່ປະຊາຄົມຂອງພວກເຮົາ ຊຶ່ງຂະແໜງການສຶກສາໃນພາກພື້ນອາຊຽນຂອງພວກເຮົາພວມຟື້ນຕົວຈາກຜົນກະທົບການແຜ່ລະບາດຂອງພະຍາດໂຄວິດ-19 ເຖິງວ່າຈະມີສິ່ງທ້າທາຍ ແລະ ໂອກາດທີ່ເກີດຂຶ້ນຈາກຜົນກະທົບຂອງໂຣກລະບາດຕໍ່ການສຶກສາພາກພື້ນ ແລະ ສາກົນ, ພວກເຮົາໄດ້ຮັບຄວາມເຂົ້າໃຈ ແລະ ບົດຮຽນທີ່ມີຄຸນຄ່າຢ່າງຫຼວງຫຼາຍ. ນອກຈາກນີ້, ການປ່ຽນແປງດິນຟ້າອາດກາດ ຍັງເປັນບັນຫາທີ່ກະທົບຕໍ່ການພັດທະນາທາງດ້ານການສຶກສາ. ສິ່ງເຫຼົ່ານີ້ຊີ້ໃຫ້ເຫັນເຖິງຄວາມຈໍາເປັນສໍາລັບການຍົກລະດັບຄວາມພ້ອມ ແລະ ການຮ່ວມມືທີ່ສົມບູນແບບເພື່ອແກ້ໄຂການປ່ຽນແປງດ້ານຕ່າງໆໃນອະນາຄົດ.
ທ່ານ ພຸດ ສິມມາລາວົງ ກ່າວຕື່ມວ່າ: ກອງປະຊຸມຄັ້ງນີ້ ເປັນໂອກາດສໍາຄັນເພື່ອຊອກຫາຊ່ອງທາງ ແລະ ວິທີການຕ່າງໆເພື່ອຮັດແໜ້ນ ແລະ ສ້າງຄວາມເຂັ້ມແຂງໃຫ້ແກ່ປະຊາຄົມອາຊຽນ ໂດຍຜ່ານການຈັດຕັ້ງປະຕິບັດແຜນການຮ່ວມມືດ້ານການສຶກສາອາຊຽນ 2021-2025, ວິໄສທັດປະຊາຄົມອາຊຽນ 2025 ແລະ ແຜນແມ່ບົດ 3 ເສົາຄໍ້າປະຊາຄົມອາຊຽນຢ່າງມີປະສິດທິພາບ ທັງເປັນໂອກາດໄດ້ປຶກສາຫາລື ແລະ ແລກປ່ຽນທັດສະນະກ່ຽວກັບບັນຫາພາກພື້ນ ແລະ ສາກົນທີ່ມີຄວາມສົນໃຈ ແລະ ຄວາມເປັນຫ່ວງ.
(ຂ່າວ-ພາບ: ວັນເພັງ)
ຄໍາເຫັນ