ແຮງງານອົບພະຍົບ ມີບົດບາດສຳຄັນຕໍ່ເສດຖະກິດອີຕາລີ

16:01 22/10/2025

ຂ່າວຕ່າງປະເທດລາຍງານ ໃນວັນທີ 21 ຕຸລາ ຜ່ານມາວ່າ: ມູນນິທິ Leone Moressa ທີ່ນະຄອນເວນິສ ປະເທດອີຕາລີ ໄດ້ເປີດເຜີຍບົດລາຍງານເສດຖະກິດທີ່ຂັບເຄື່ອນໂດຍແຮງງານອົບພະຍົບ ລະບຸວ່າ: ແຮງງານອົບພະຍົບສືບຕໍ່ມີບົດບາດສຳຄັນໃນເສດຖະກິດ ແລະ ປະຊາກອນຂອງອີຕາລີ ໃນປີ 2024 ເນື່ອງຈາກຈໍານວນຜູ້ປະກອບການຊາວຕ່າງປະເທດເພີ່ມຂຶ້ນຢ່າງຕໍ່ເນື່ອງ.

ແຮງງານອົບພະຍົບ ສ້າງມູນຄ່າເພີ່ມປະມານ 177 ຕື້ເອີໂຣ ໃນປີທີ່ຜ່ານມາ ຊຶ່ງກວມເອົາ 9% ຂອງລວມຍອດຜະລິດຕະພັນພາຍໃນ (GDP) ຂອງອີຕາລີ.

ບົດລາຍງານສະແດງໃຫ້ເຫັນວ່າ, ໃນຈຳນວນຜູ້ຢູ່ອາໄສຊາວຕ່າງປະເທດທັງໝົດ 5.4 ລ້ານຄົນໃນອີຕາລີ, ມີການແຈ້ງງານແຮງງານອົບພະຍົບ 2.5 ລ້ານຄົນ ໃນປີ 2024 ຊຶ່ງກວມເອົາ 10.5% ຂອງກຳລັງແຮງງານທັງໝົດ ແລະ ແຮງງານອົບພະຍົບຍັງເຂົ້າມາຕື່ມໃສ່ວຽກໃນຂະແໜງການຕ່າງໆທີ່ປະສົບບັນຫາການຂາດເຂີນແຮງງານທ້ອງຖິ່ນ.

ແຮງງານອົບພະຍົບສ່ວນໃຫຍ່ເຮັດວຽກໃນຕໍາແໜ່ງທີ່ມີຄວາມສໍານິຊໍານານຕໍ່າ ແລະ ບໍ່ໝັ້ນຄົງ, ໂດຍມີໂອກາດກ້າວໜ້າທາງດ້ານອາຊີບທີ່ຈໍາກັດ. ບົດລາຍງານຍັງລະບຸຕື່ມວ່າ, ການຍອມຮັບຄວາມສາມາດຂອງແຮງງານຕ່າງປະເທດສາມາດຊ່ວຍເພີ່ມ GDP ການບໍລິໂພກ ແລະ ລາຍຮັບຂອງລັດຖະບານ. ຜູ້ປະກອບການຊາວຕ່າງປະເທດຍັງມີການຂະຫຍາຍຕົວເຊັ່ນດຽວກັນ. ໂດຍໃນປີຜ່ານມາ, ທຸລະກິດທີ່ຜູ້ອົບພະຍົບເປັນເຈົ້າຂອງ ມີຈໍານວນ 787,000 ແຫ່ງ, ກວມເອົາ 10.6%, ເພີ່ມຂຶ້ນ 24.4% ເມື່ອທຽບກັບປີ 2014. ໃນຂະນະທີ່ຈໍານວນທຸລະກິດທີ່ເປັນຂອງຊາວອີຕາລີຫຼຸດລົງ 5.7% ໃນໄລຍະດຽວກັນ.

ຜູ້ອົບພະຍົບຍັງຊ່ວຍປະກອບສ່ວນໃຫ້ຄວາມດຸ່ນດ່ຽງທາງດ້ານປະຊາກອນຂອງອີຕາລີ, ໂດຍມີອັດຕາການເກີດ9.9 ຕໍ່ 1,000 ຄົນ ທຽບກັບປະຊາກອນອີຕາລີທີ່ມີອັດຕາການເກີດ 6.1 ຕໍ່ 1,000 ຄົນ ແລະ ຍັງມີອັດຕາການເສຍຊີວິດຕໍ່າກວ່າ.

ບົດລາຍງານສະຫຼຸບວ່າ: ຣູມານີ, ອານບານີ, ມາຣົກ ແລະ ຈີນ ຍັງຄົງເປັນຊຸມຊົນຊາວຕ່າງປະເທດທີ່ໃຫຍ່ທີ່ສຸດ ແລະ ຖ້າມີການຄຸ້ມຄອງຢ່າງຖືກຕ້ອງ, ການອົບພະຍົບຖິ່ນຖານຈະສືບຕໍ່ສົ່ງຜົນກະທົບທາງບວກຕໍ່ເສດຖະກິດ, ປະຊາ ກອນ ແລະ ການເງິນຂອງອີຕາລີ.

ຄໍາເຫັນ

ຂ່າວຕ່າງປະເທດ

ລາຄາອາຍແກ໊ສທຳມະຊາດຢູ່ເອີຣົບ ເພີ່ມຂຶ້ນ 60%

06/03/2026 12:19

ຂ່າວສານຊີອາໄອລາຍງານວ່າ: ນັກຂ່າວວິທະຍຸໂທລະພາບສູນກາງຈີນ ຫຼື CMG ລາຍງານວ່າ, ໃນວັນທີ 4 ມີນາ ຜ່ານມາ ລາຄາອາຍແກ໊ສທຳມະຊາດທີ່ຊື້-ຂາຍລ່ວງໜ້າຢູ່ເອີຣົບ ໄດ້ບຸກທະລຸ 56 ເອີໂຣຕໍ່ເມກາວັດໂມງ ຊຶ່ງເປັນການສືບຕໍ່ເພີ່ມຂຶ້ນຢ່າງຕໍ່ເນື່ອງ ແລະ ໄດ້ສ້າງສະຖິິຕິສູງສຸດຄັ້ງໃໝ່ໃນຮອບ 3 ປີ ກວ່າຜ່ານມາ.

ວິກິດການຕາເວັນອອກາງ ໄດ້ສັ່ນສະເທືອນອຸດສາຫະກຳທ່ອງທ່ຽວ

06/03/2026 12:18

ຂ່າວຕ່າງປະເທດລາຍງານ ຫວ່າງມໍ່ໆມານີ້ວ່າ: ຂໍ້ຂັດແຍ່ງທີ່ເພີ່ມຂຶ້ນລະຫວ່າງສະຫະລັດ ອາເມຣິກາ, ອິສຣາແອນ ແລະ ອີຣານ ກຳລັງສັ່ນສະເທືອນອຸດສາຫະກຳທ່ອງທ່ຽວໃນຕາເວັນອອກກາງ ຊຶ່ງສ້າງລາຍຮັບປະມານ 367 ຕື້ໂດລາຕໍ່ປີແລະ ສົ່ງຜົນກະທົບໂດຍກົງຕໍ່ພາບພົດຂອງພາກພື້ນໃນຖານະເປັນຈຸດໝາຍປາຍທາງທີ່ປອດໄພ ແລະ ມີລະດັບພຣີມຽມ, ຫຼັງຈາກການລົງທຶນຈຳນວນຫຼວງຫຼາຍໃນໄລຍະຫຼາຍປີທີ່ຜ່ານມາ ຕັ້ງແຕ່ ອາບູ ດາບີ ເຖິງ ດູໄບ.

ຂະໜາດອຸດສາຫະກຳໃນຂົງເຂດປັນຍາປະດິດຂອງຈີນ ມີມູນຄ່າຫຼາຍກວ່າ 1,200 ຕື້ຢວນ

06/03/2026 12:17

ຂ່າວສານຊີອາໄອລາຍງານວ່າ: ໃນວັນທີ 5 ມີນາ ຜ່ານມານີ້, ທ່ານ ຫຼີເລີເສິງ ຜູ້ແທນສະພາປະຊາຊົນແຫ່ງຊາດຈີນ ລັດຖະມົນຕີກະຊວງອຸດສາຫະກຳ ແລະ ເຕັກໂນໂລຊີຂໍ້ມູນຂ່າວຈີນ ທີ່ເຂົ້າຮ່ວມກອງປະຊຸມຄັ້ງທີ 4 ຂອງສະພາປະຊາຊົນແຫ່ງຊາດຈີນຊຸດທີ 14 ໄດ້ໃຫ້ສຳພາດຕໍ່ນັກຂ່າວວ່າ: ປີ 2025, ຂະໜາດອຸດສາຫະກຳແກນກາງໃນຂົງເຂດປັນຍາປະດິດຂອງຈີນມີມູນຄ່າຫຼາຍກວ່າ 1,200 ຕື້ຢວນ ແລະ ມີວິສາຫະກິດຫຼາຍກວ່າ 6,200 ແຫ່ງ. ຈຳນວນດາວໂຫຼດແບບຈຳລອງຂະໜາດໃຫຍ່ແບບເປີດຂອງວິສາຫະກິດຈີນເປັນອັນດັບໜຶ່ງຂອງໂລກ. ນັບມາຮອດທ້າຍປີ 2025, ອັດຕາການນຳໃຊ້ເຕັກໂນໂລຊີປັນຍາປະດິດຂອງວິສາຫະກິດອຸດສາຫະກຳການຜະລິດຂະໜາດໃຫຍ່ມີຫຼາຍກວ່າ 30%. ໜຶ່ງປີຜ່ານມາ, ວິສາຫະກິດຈີນໄດ້ນຳສະເໜີຫຸ່ນຍົນມະນຸດ 300 ກວ່າລຸ້ນ ແລະ ກວມຫຼາຍກວ່າເຄິ່ງໜຶ່ງຂອງຈຳນວນທັງໝົດທົ່ວໂລກ.

ຫວຽດນາມ ເປັນປະທານຮ່ວມກອງປະຊຸມຄະນະກຳມະການຮ່ວມມື ອາຊຽນ - ອັງກິດ ຄັ້ງທີ 5

06/03/2026 12:16

ວິທະຍຸກະຈາຍສຽງຫວຽດນາມລາຍງານໃນວັນທີ 5 ມີນາ ຜ່ານມາວ່າ: ກອງປະຊຸມຄະນະກຳມະການຮ່ວມມືອາຊຽນ - ອັງກິດ ຄັ້ງທີ 5, ໂດຍຄະນະຜູ້ຕາງໜ້າ ຫວຽດນາມ ປະຈຳອາຊຽນ ເປັນປະທານຮ່ວມກັບຄະນະຜູ້ຕາງໜ້າ ອັງກິດ ຢູ່ ອາຊຽນ ປະຈຳນະຄອນຈາກາຕາ ປະເທດອິນໂດເນເຊຍ ໄດ້ດຳເນີນໃນວັນທີ 4 ມີນາ ຜ່ານມາ. ກອງປະຊຸມແມ່ນໂອກາດເພື່ອໃຫ້ ອາຊຽນ ແລະ ອັງກິດ ສະຫຼຸບໝາກຜົນການຮ່ວມມືໃນໄລຍະ 5 ປີຜ່ານມາ, ກຳນົດທິດທາງຊຸກຍູ້ການຮ່ວມມືໃນໄລຍະຕໍ່ໄປ.

ຄ່າຂົນສົ່ງນ້ຳມັນຈາກຕາເວັນອອກກາງ ເພີ່ມຂຶ້ນສູ່ລະດັບສູງສຸດເປັນປະຫວັດການ

05/03/2026 15:25

ຂ່າວຕ່າງປະເທດລາຍງານໃນວັນທີ 3 ມີນາ ຜ່ານມາວ່າ: ສະຖານະການໃນຕາເວັນອອກກາງໄດ້ເຮັດໃຫ້ຄ່າຂົນສົ່ງນ້ຳມັນເພີ່ມຂຶ້ນສູ່ລະດັບສູງສຸດເປັນປະຫວັດການ. ໂດຍຂໍ້ມູນຈາກ LSEG ຊີ້ໃຫ້ເຫັນວ່າ: ຫຼັງຈາກເກີດຄວາມຂັດແຍ່ງລະຫວ່າງສະຫະລັດ ອາເມຣິກາ, ອິສຣາເອນ ແລະ ອີຣານ ເພີ່ມທະວີຄວາມຮຸ່ນແຮງຂຶ້ນ, ເຮັດໃຫ້ອີຣານ ຂົ່ມຂູ່ຈະໂຈມຕີເຮືອທີ່ຜ່ານຊ່ອງແຄບຮໍມຸສ.

ກອງປະຊຸມຄັ້ງທີ 4 ຂອງສະພາປະຊາຊົນແຫ່ງຊາດຈີນຊຸດທີ 14 ເປີດຂຶ້ນຢູ່ນະຄອນຫຼວງປັກກິ່ງ

05/03/2026 15:24

ຂ່າວສານຊີອາໄອລາຍງານວ່າ: ກອງປະຊຸມຄັ້ງທີ 4 ຂອງສະພາປະຊາຊົນແຫ່ງຊາດຈີນຊຸດທີ 14 ໄດ້ເປີດຂຶ້ນຢູ່ຫໍສະພາປະຊາຊົນທີ່ນະຄອນຫຼວງປັກກິ່ງ ໃນເວລາ 9:00 ໂມງ ຂອງວັນທີ 5 ມີນານີ້. ທ່ານ ສີຈິ້ນຜິງ ປະທານປະເທດຈີນ ພ້ອມດ້ວຍຜູ້ນໍາພັກ-ລັດຂອງຈີນຫຼາຍທ່ານໄດ້ເຂົ້າຮ່ວມພິທີເປີດກອງປະຊຸມດັ່ງກ່າວ.

ຫວຽດນາມ ເລີ່ມປະຕິບັດໜ້າທີ່ໃຫຍ່ຂອງພັກໃນໄລຍະໃໝ່

05/03/2026 15:23

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 4 ມີນາ ຜ່ານມາ ຢູ່ສຳນັກງານສູນກາງພັກ ທີ່ນະຄອນຫຼວງຮ່າໂນ້ຍ, ທ່ານ ໂຕເລິມ ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ໄດ້ເຮັດວຽກກັບໜ່ວຍຮຽບຮຽງສະຫຼຸບ 100 ປີແຫ່ງວັນພັກນຳພາການປະຕິວັດ ຫວຽດນາມ ແລະ 40 ປີແຫ່ງການປະຕິບັດໂຄງການການເມືອງສ້າງສາປະເທດຊາດໃນໄລຍະຂ້າມຜ່ານກ້າວຂຶ້ນສັງຄົມນິຍົມ.

ເດືອນມັງກອນ ອັດຕາການວາງງານຂອງຍີ່ປຸ່ນເພີ່ມຂຶ້ນເປັນ 2.7%

05/03/2026 14:49

ຂ່າວຕ່າງປະເທດລາຍງານ ໃນວັນທີ 3 ກຸມພາ ຜ່ານມາວ່າ: ກະຊວງກິດຈະການພາຍໃນ ແລະ ການສື່ສານຂອງຍີ່ປຸ່ນ ເປີດເຜີຍວ່າ, ອັດຕາການວ່າງງານໃນເດືອນມັງກອນຜ່ານມາເພີ່ມຂຶ້ນເປັນ 2.7% ຈາກ 2.6% ໃນເດືອນກ່ອນໜ້າ ຊຶ່ງເປັນການເພີ່ມຂຶ້ນຄັ້ງທຳອິດໃນຮອບ 5 ເດືອນ. ເນື່ອງຈາກມີແຮງງານຈຳນວນຫຼາຍຕັດສິນໃຈລາອອກຈາກວຽກເກົ່າເພື່ອຫາວຽກໃໝ່ທີ່ດີກວ່າເກົ່າ.

ສ ເກົາຫຼີ ເລັ່ງຊອກຫານໍ້າມັນຢູ່ນອກຕາເວັນອອກກາງ

05/03/2026 14:48

ຂ່າວຕ່າງປະເທດລາຍງານໃນວັນທີ 4 ມີນາ ຜ່ານມາວ່າ: ລັດຖະບານ ສ ເກົາຫຼີ ໄດ້ປະກາດວ່າຈະສືບຕໍ່ຊື້ນ້ຳມັນເພີ່ມເຕີມຈາກພາຍນອກຕາເວັນອອກກາງ ຫຼັງຈາກຊ່ອງແຄບຮໍມຸສຖືກປິດລົງຕາມຕົວຈິງ ທ່າມກາງການໂຈມຕີຢ່າງຕໍ່ເນື່ອງຕໍ່ອີຣານໂດຍສະຫະລັດ ແລະ ອິສຣາເອນ. ລັດຖະບານຢືນຢັນວ່າມີນ້ຳມັນສຳຮອງພຽງພໍທີ່ຈະຮັບມືກັບວິກິດການທີ່ຍືດເຍື້ອ.

ຫຼາຍບໍລິສັດປະກັນໄພທາງທະເລຍົກເລີກປະກັນໄພສົງຄາມ

05/03/2026 14:47

ຂ່າວສານຊີອາໄອລາຍງານ ໃນວັນທີ 4 ມີນາ ຜ່ານມາວ່າ: ໜັງສືພິມ “The Guardian” ຂອງອັງກິດລາຍງານວ່າ, ຍ້ອນອາເມຣິກາ ແລະ ອິດສະຣາແອນໂຈມຕີອີຣານໄດ້ສົ່ງຜົນຕໍ່ການເດີນເຮືອທາງທະເລສາກົນ, ຫຼາຍບໍລິສັດປະກັນໄພທາງທະເລທີ່ມີສຳນັກງານໃຫຍ່ຕັ້ງຢູ່ອັງກິດ, ນອກແວ ແລະ ອາເມຣິກາ ໄດ້ປະກາດໃນວັນທີ 2 ມີນາ ຜ່ານມາວ່າ: ຈະຍົກເລີກປະກັນໄພສົງຄາມຕໍ່ກຳປັ່ນທີ່ດຳເນີນທຸລະກິດຢູ່ເຂດອ່າວເປີເຊຍ ນັບແຕ່ວັນທີ 5 ມີນາເປັນຕົ້ນໄປ.

ເພີ່ມເຕີມ